Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҷаласаи навбатии платформаи шарики байни Ҷумҳурии Тоҷикистон ва САҲА

668

Имрӯз 15.10.2020с. Дар бинои Дафтари барномавии САҲА Дар ш.Душанбе ҷаласаи Платформаи шарикии «Тоҷикистон-САҲА» дар шакли онлайнӣ баргузор гардид.
Дар чорабинии мазкур муовини Вазрии корҳои хориҷии Ҷумҳурии Тоҷикистон Музаффар Ҳусейнзода, иҷрокунандаи вазифаи дабири кулли САҲА – Туула Юрёла, Ҳамоҳангсоиз миллӣ оид ба ислоҳоти милистия полковники милитсия Ҳамдамзода Валихон Ҳамдам ва намояндагони Прокуратураи генералӣ ва Вазорати рушди иқтисод ва савдои Ҷумҳурии Тоҷикистон иштирок ва суханронӣ намуданд.
Ҷаласаи мазкур бо мақсади мубодилаи афкору таҷриба дар самти такмили ҳамкории самаранок, инчунин муайян, мувофиқа ва тасдиқи самтҳои афзалиятноки фаъолияти САҲА дар Тоҷикистон барои соли 2021 баргузор гардид.
Дар чорабинии мазкур Ҳамоҳангсоиз миллӣ оид ба ислоҳоти милистия суханронӣ намуда вобаста ба мақсад ва натиҷаҳои чашмдошти лоиҳаҳое, ки бояд дар доираи ислоҳоти милисия дар соли 2021 татбиқ гарданд ибрози ақида намуд. Аз ҷумла мавсуф қайд намуд, ки:
«Вазорати корҳои дохилӣ бо дарназардошти эҳтиёҷоти мақомоти милитсия, таҷрибаҳои дар ин марҳилаи якуми ислоҳот бадастомада, инчунин таҳлилу омӯзиши раванди ислоҳоти мақомоти политсияи кишварҳои хориҷа лоиҳаи «Барномаи ислоҳоти милитсия барои солҳои 2021-2025»-ро таҳия намудааст, ки айни замон дар марҳилаи баррасӣ қарор дорад.
Вазорат умедвораст, ки Дафтари барномавии САҲА дар ш.Душанбе дар доираи Барномаи нав уҳдадориҳои худро дар самти амалӣ намудани механизми донорӣ иҷро мекунад ва 10 лоиҳаҳои ҳанӯз соли 2019 пешниҳодшударо бори дигар таҳрир намуда, ҷиҳати ворид намудан ба Реестри лоиҳаҳои амалишавандаи САҲА ва дарёфти сарчашмаҳои маблағгузории донорӣ чораҳои таъхирнопазирро меандешад.

669

Ҷиҳати пешгирии паҳншавии Пандемияи Ковид-19 беҳтар аст, ки дар соли 2021 тренингу семинарҳо дар шакли онлайн гузаронида шуда, маблағҳои аз ин самт сарфа карда шуда, барои татбиқи лоиҳаи «Таъсис додани 8 Нуқтаи сайёри милитсия оид ба қабули арзу шикоятҳои шаҳрвандон дар минтақаҳои дурдасти аҳолинишин» равона карда шавад. Лоиҳаи мазкур ҳадафҳои зеринро дорад:

• шуури ҳуқуқии аҳолӣ баланд мегардад;
• кафолати воқеии ҳифзи ҳуқуқу озодиҳои инсон ва шаҳрванд аз ҷониби милитсия таъмин мегардад;
• дар шуури ҷомеа симои иҷтимоии куллан нав ва мусбии корманди милитсия ташаккул меёбад;
• сифати пешгирӣ ва мубориза бар зидди ҷинояткорӣ ва дигар ҳуқуқвайронкуниҳо беҳтар мегардад;
• кушодани ҷиноят ва дастгиркунии ҷинояткор бо изи гарм таъмин мегардад;
• сатҳи амалҳои коррупсионӣ дар фаъолияти милитсия коҳиш меёбад.
Лоиҳаи дуюм, ки Вазорат тасмим гирифтааст дар соли 2021 амалӣ намояд, ки «Таъсис додани Милитсияи патрулӣ дар шаҳри Душанбе» мебошад.
Натиҷаҳои чашмдошти лоиҳаи мазкур инҳо мебошанд:
Милитсия ба хадамоти хизматрасонии шабонарӯзӣ мубаддал мегардад. Пешниҳод намудани хизматрасониҳои иҷтимоӣ аз ҷониби милитсия дар назар дошта мешавад ёрии аввалияи тиббӣ, равонӣ, ҷустуҷӯи шахсони гумшуда, кӯмак ба ронандагоне, ки ба вазъияти душвор қарор доранд ва ғайра.
Дар шуури ҷомеа милитсияи касбӣ ва боэътимод ташаккул дода мешавад, ки симоии зоҳирии он аз шаффофият ва дастрас будани хизматрасонии милитсия кафолат ва шаҳодат медиҳад.
Шакли нави либоси хизматии корманди милитсия ин асоси фахр ва эҳтироми на танҳо худи кормандон ҳатто шаҳрвандон бояд бошад.
Майори милитсия Шарифзода Х.




Ҳамватанони азиз! Муҳтарам аъзои Маҷлиси миллӣ ва вакилони Маҷлиси намояндагон! Паёми Президенти мамлакат ба мақоми олии қонунбарори кишвар дар соли барои мардуми шарифи Тоҷикистон воқеан таърихӣ – сиюмин солгарди истиқлолу озодии Ватани азизамон пешниҳод мегардад. Тавре ки кулли ҳамватанони азизи мо, инчунин, ҳар яки шумо – вакилони муҳтарам ва ҳозирини гиромӣ медонед, соли 2020 барои сокинони сайёра, аз ҷумла Тоҷикистони мо яке аз солҳои аз ҳар лиҳоз вазнин буд. Дар натиҷаи паҳн шудани бемории сироятии коронавирус ва вобаста ба он, босуръат паст рафтани фаъолнокии иқтисодӣ ва афзоиши бесобиқаи бекорӣ вазъияти сайёра боз ҳам печида гардида, ба буҳрони бисёр шадиди иқтисодиву молиявӣ ва иҷтимоӣ рӯ ба рӯ омад. Имрӯз дар дунё амалан давлат ва соҳае нест, ки аз таъсири буҳрон эмин монда бошад. Мувофиқи арзёбии коршиносони байналмилалӣ ....>>>

Qonun1

© 2021 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика