Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Вохӯрии судманд бо намояндагони ИМА

124

Дар толори маҷлисгоҳи Вазорати корҳои дохилӣ, вохӯрии муовини Вазири корҳои дохилӣ генерал-майори милитсия Умарзода Икром Ислом бо ҷонишини ёвари Котиби давлатии Бюро оид ба масъалаҳои Осиёи Ҷанубӣ ва Марказӣ хонум Эмилиа Пума доир гардид.
Дар ин вохурӣ кордори муваққатии Сафорати Иёлоти Муттаҳидаи Амрико дар Ҷумҳурии Тоҷикистон ҷаноби Кевин Коверт ва дигар шахсони расмӣ иштирок доштанд.
Нахуст муовини Вазири корҳои дохилӣ Умарзода И.И. меҳмононро ба сарзамини Тоҷикистон хайрамақдам гуфта, иброз дошт, ки ҳамкории Вазорати корҳои дохилии Ҷумҳурии Тоҷикистон бо Сафорати ИМА дар доираи Созишномаи ба имзорасида миёни Ҳукумати Ҷумҳурии Тоҷикистон ва ИМА дар самти назорати гардиши ғайриқонунии воситаҳои нашъадор ва ҳамкорӣ бо мақомотҳои ҳифзи ҳуқуқ амалӣ гашта истодааст. Умед дорем чунин ҳамкориҳои мутақобилан судманд дар оянда низ боз ҳам тақвият хоҳанд ёфт.

125126

Дар навбати худ ҷонишини ёвари Котиби давлатии Бюро оид ба масъалаҳои Осиёи Ҷанубӣ ва Марказӣ хонум Эмилиа Пума иброз дошт, ки Сафорати ИМА бо Вазорати корҳои дохилии Ҷумҳурии Тоҷикистон ҳамкории зич дошта, рӯз аз рӯз ин ҳамкориҳо дар самти мубориза бо ҷинояткорӣ ва ҳама гуна хатару таҳдидҳои ҷаҳони муосир боз ҳам тақвият меёбанд.
Ҷонибҳо дар рафти вохӯрӣ оид ба масоили мубориза бар зидди экстремизм, терроризм, гардиши ғайриқонунии маводи мухаддир, хариду фурӯши одамон ва дигар зуҳуроти номатлуб табодули афкор намуданд.
Вохӯрии мазкур дар фазои якдигарфаҳмӣ ва ҳусни тафоҳум анҷом ёфт.
Абдулмуъмини ЗАЙНИДДИН




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonuni

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика