Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Баргузории мизи мудаввар бахшида ба таҷлили «Рӯзи Президенти Ҷумҳурии Тоҷикистон»

240Рӯзи 14-уми ноябри соли 2019 дар Академияи ВКД бо ибтикори Ҷамъияти илмии «Дӯстдорони илмҳои ҷомеашиносӣ»-и кафедраи фанҳои ҷамъиятии факултети №2, бахшида ба таҷлили «Рӯзи Президенти Ҷумҳурии Тоҷикистон» мизи мудаввар дар мавзӯи «Садоқат ба Президент - садоқат ба Ватан», баргузор гардид. 

Мизи мудавварро бо сухани муқаддимавӣ ходими илмии шуъбаи ташкили илмӣ ва таъбу нашри Академияи ВКД Ҷумҳурии Тоҷикистон, лейтенанти милитсия Одинаев Ш. ифтитоҳ намуда, бо ин Рӯзи муҳими таърихӣ ҳозиринро табрик намуд.
Дар кори мизи мудаввар омӯзгорон ва курсантон фаъолона ширкат намуда, дар мавзӯъҳои мухталифи илмӣ атрофи ҳаёт ва фаъолияти ҷамъиятиву сиёсии Пешвои муаззами миллат, маърӯзаҳо намуданд. Бояд қайд намуд, ки хусусияти хоси ҷамъомади мазкур аз он иборат буд, ки курсантони аъзои ҷамъияти илмии кафедра аз эҷодиёти хеш ҳамчун шоирони навқалам атрофи фаъолият ва талошҳои Пешвои миллат шеърҳо эҷод намудаанд, аз ҷумла: инъикоси фаъолияти ҷамъиятиву сиёсии Пешвои муаззами миллат муҳтарам Эмомалӣ Раҳмон, дар ашъори шоири навқалам, курсанти курси 5-уми факултети №2 Академияи ВКД Ҷумҳурии Тоҷикистон, милитсияи қаторӣ Зардаков Довуд, Холиқов Бахтиёр - курсанти курси 1-уми факултети №2 Академияи ВКД Ҷумҳурии Тоҷикистон, дар мавзӯи «Ҷавонон пайрави Пешвои миллат», қироати шеър дар васфи Пешвои миллат, иҷрокунандагон: аъзоёни ҷамъияти илмии курсантони кафедраи фанҳои ҷамъиятӣ.
Ҳамзамон, дар кори мизи мудаввар ҷамъбасти озмуни «Реферати беҳтарин», ки аз ҷониби аъзоёни Ҷамъияти илмии курсантони «Дӯстдорони илмҳои ҷомеашиносӣ», дар мавзӯи «Нақши Пешвои миллат муҳтарам Эмомалӣ Раҳмон дар бунёди давлатдории миллӣ» пешниҳод гардида буданд, аз ҷониби ҳайати омӯзгорон сурат гирифта, ғолибони озмун муайян гардиданд.
Дар анҷоми мизи мудаввар, сардори кафедраи фанҳои ҷамъиятӣ, полковники милитсия Бойзода Ҷ.Ҷ суханронӣ намуда, аз ҷумла иброз дошт, ки мақоми Пешвои муаззами миллат муҳтарам Эмомалӣ Раҳмон дар сохтани давлати миллии тоҷикон басо бузург аст. Аз ин рӯ ин санаи таърихӣ ҳар сол дар кишвари азизамон бо шукӯҳу шаҳомати хосса дар сатҳи давлатӣ ботантана таҷлил мегардад.
Асламов Б.С., Самиъзода Б.С., Сафарова С.Н.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonuni

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика