Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Баррасии масоили мубориза бар зидди терроризм

154

Рӯзи 27-уми март дар Раёсати мубориза бар зидди ҷиноятҳои муташаккили Вазорати корҳои дохилӣ вохӯрии роҳбарияти ин раёсат бо намояндаи Сарраёсати муқовимат бар зидди экстремизми Вазорати корҳои дохилии Федератсияи Россия Резинкин Олег Константинович баргузор гардид.
Дар он сардори Раёсати мубориза бар зидди ҷиноятҳои муташаккили Вазорати корҳои дохилӣ полковники милитсия Ҳафиззода Шодӣ Хуршед, сардори шуъбаи таҳлилӣ ва банақшагирии ҳамкориҳои байналмилалии раёсати мазкур подполковники милитсия Суҳроб Қаландаров ва дигарон иштирок намуданд.
Дар ҷараёни вохӯрӣ ҷиҳати таҳким бахшидани ҳамкориҳо дар самти мубориза бо хатарҳои замони муосир, аз ҷумла терроризму экстремизм, дарёфти маълумот оид ба амалиётҳои гуногуни электронӣ ва киберҷиноятҳо, инчунин пешгирии маблағгузории гурӯҳҳои тундгарову ифротӣ табодули афкор сурат гирифт.
Ҷонибҳо аз ҳамкории судманди ду мақомот изҳори қаноатмандӣ намуда, барои тақвияти робитаҳо фикру пешниҳодҳои судманд ироа намуданд.

155

Бояд зикр сохт, ки вохӯрии мазкур дар асоси қарори Мушовараи якҷояи Вазорати корҳои дохилии Ҷумҳурии Тоҷикистон ва Вазорати корҳои дохилии Федератсияи Россия доир гардид.
Т. ЛАТИПОВ




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonuni

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика