Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Сарбозон пас аз гузаштани курсҳои касбомӯзӣ соҳиби шаҳодатнома гардиданд

1434

Ҷиҳати таъмини дастуру супоришҳои Пешвои миллат Вазорати корҳои дохилӣ курсҳои кӯтоҳмуддати касбомӯзиро дар қисмҳои низомии Қӯшунҳои дохилӣ ташкил кардааст, ки метавонад барои соҳибкасб шудани сарбозон мусоидат намояд. Чунин иқдом ба сарбозон имкон медиҳад, ки онҳо пас аз хондани чунин курсҳо соҳиби ихтисосҳои ошпаз, сартарош, кандакор, устои барқ, устои таъмини муҳаррики нақлиётҳо, дуредгар ва сохтмончӣ гарданд.
Муҳлати таҳсил дар курсҳои омӯзишӣ се моҳ муқаррар гардида, баъди аз худ кардани нозукиҳои касб ба сарбозон шаҳодатнома супорида мешавад.
Рӯзи 14 январи соли 2021 низ дар идомаи ин иқдом дар қисми низомии 3502 Раёсати қӯшунҳои дохилии ВКД Ҷумҳурии Тоҷикистон бо иштироки сардори Раёсати нозиротӣ-ташкилии ВКД генерал-майори милитсия Солиев Карим Ҳоҷиевич, муовини фармондеҳи Раёсати қӯшунҳои дохилӣ полковники хизмати дохилӣ Туразода Нукрӯз ва намояндаи ҶДММ “БДО Академия” маросими супоридани шаҳодатномаҳо доир гардид.
Мавриди қайд аст, ки дар чорабинӣ пас аз гузаштани курсҳои кутоҳмуддат 105 сарбоз соҳиби шаҳодатнома гардиданд.

1435

Дар фарҷоми маросими дипломсупорӣ ба хатмкунандагони курсҳои касбомӯзӣ, намояндагони Вазорати корҳои дохилӣ сарбозони соҳибкасбгардидаро табрик намуда, ба онҳо барору комёбиҳо таманно намуданд.

Муродалӣ Саидзода, Абдулмуъмин Зайниддинзода




Ҳамватанони азиз! Муҳтарам аъзои Маҷлиси миллӣ ва вакилони Маҷлиси намояндагон! Паёми Президенти мамлакат ба мақоми олии қонунбарори кишвар дар соли барои мардуми шарифи Тоҷикистон воқеан таърихӣ – сиюмин солгарди истиқлолу озодии Ватани азизамон пешниҳод мегардад. Тавре ки кулли ҳамватанони азизи мо, инчунин, ҳар яки шумо – вакилони муҳтарам ва ҳозирини гиромӣ медонед, соли 2020 барои сокинони сайёра, аз ҷумла Тоҷикистони мо яке аз солҳои аз ҳар лиҳоз вазнин буд. Дар натиҷаи паҳн шудани бемории сироятии коронавирус ва вобаста ба он, босуръат паст рафтани фаъолнокии иқтисодӣ ва афзоиши бесобиқаи бекорӣ вазъияти сайёра боз ҳам печида гардида, ба буҳрони бисёр шадиди иқтисодиву молиявӣ ва иҷтимоӣ рӯ ба рӯ омад. Имрӯз дар дунё амалан давлат ва соҳае нест, ки аз таъсири буҳрон эмин монда бошад. Мувофиқи арзёбии коршиносони байналмилалӣ ....>>>

Qonun

© 2021 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика