Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҷамъбасти озмуни «Беҳтарин китобхони соли 2020» дар РМЗҶМ ВКД

1191

Яке аз самтҳои асосии сиёсати пешгирифтаи Ҳукумати Ҷумҳурии Тоҷикистон ин баланд бардоштани фарҳангу маънавиёти аҳолӣ ташкил медиҳад. Бо ин мақсад, тӯли ду сол мешавад, ки зери сарпарастии бевоситаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон озмуни «Фурӯғи субҳи доноӣ китоб аст» баргузор шуда истодааст. Мақсад аз баргузор намудани озмуни мазкур ин баланд бардоштани завқи китобхонӣ, тақвияти неруи зеҳнӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ, такмили захираи луғавӣ, тақвияти ҷаҳони маънавӣ миёни аҳолии кишвар, аз ҷумла намояндагони касбу кори гуногун ва табақаҳои аҳолии кишвар мебошад.

Соли 2020 низ озмуни «Фурӯғи субҳи доноӣ китоб аст» бо амри Президенти Ҷумҳурии Тоҷикистон аз 5 феврали соли 2020 таҳти №АП-1339 дар сатҳи баланд ва тантанавӣ ташкил ва баргузор гардид.
Дар замина ва радифи ин озмун бо супориши бевоситаи роҳбариятм Вазорати корҳои дохилӣ дар Раёсати мубориза бар зидди ҷиноятҳои муташккили ВКД Ҷумҳурии Тоҷикистон озмун миёни кормандони марказҳо, шуъбаҳои дастгоҳи марказӣ ва минтақавӣ, инчунин Дастаи махсуси зудамали Раёсат зери унвони «Беҳтарин китобхони соли 2020» баргузор гардид.
Аз руйи натиҷаҳои баргузории озмуни «Беҳтарин китобхони соли 2020» аз байни кормандон -иштирокчиёни озмун 9 нафар кормандони Раёсат, ки ҳар кадоме воқеан зиёда аз панҷ китоби бадеии адабиёти классикӣ ва муосири форсу тоҷик, инчунин хориҷиро бо забонҳои тоҷикиву русӣ мутолиа ва мазмуну моҳияти онҳоро хуб дарк намудаанд, беҳтаринҳо интихоб гардиданд.

1192

Ғолибон, беҳтаринҳо ва дигар иштирокчиёни фаъоли озмуни мазкур, дар маҷмӯъ нуҳ нафар кормандони Раёсат аз ҷониби роҳбарияти Вазорати корҳои дохилии Ҷумҳурии Тоҷикистон бо сипосномаву туҳфаҳои хотиравӣ қадрдонӣ карда шуданд.

Ёвари сардори РМЗҶМ,
подполковники милитсия Юсуфзода Акмал




Ҳамватанони азиз! Муҳтарам аъзои Маҷлиси миллӣ ва вакилони Маҷлиси намояндагон! Паёми Президенти мамлакат ба мақоми олии қонунбарори кишвар дар соли барои мардуми шарифи Тоҷикистон воқеан таърихӣ – сиюмин солгарди истиқлолу озодии Ватани азизамон пешниҳод мегардад. Тавре ки кулли ҳамватанони азизи мо, инчунин, ҳар яки шумо – вакилони муҳтарам ва ҳозирини гиромӣ медонед, соли 2020 барои сокинони сайёра, аз ҷумла Тоҷикистони мо яке аз солҳои аз ҳар лиҳоз вазнин буд. Дар натиҷаи паҳн шудани бемории сироятии коронавирус ва вобаста ба он, босуръат паст рафтани фаъолнокии иқтисодӣ ва афзоиши бесобиқаи бекорӣ вазъияти сайёра боз ҳам печида гардида, ба буҳрони бисёр шадиди иқтисодиву молиявӣ ва иҷтимоӣ рӯ ба рӯ омад. Имрӯз дар дунё амалан давлат ва соҳае нест, ки аз таъсири буҳрон эмин монда бошад. Мувофиқи арзёбии коршиносони байналмилалӣ ....>>>

Qonun

© 2021 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика