Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Дар ноҳияи Ховалинг зиёда аз 5000 дарахтони сояафкан ва ҳамешасабз шинонида шуд

519

 Имрӯз (20.12с.2020), дар доираи иқдоми созандаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати сабзу хуррам гардонидани кишвари азизамон бо ташаббуси Вазири корҳои дохилӣ генерал-полковники милитсия Раҳимзода Рамазон Ҳамро дар ноҳияи Ховалинг маъракаи ниҳолшинонӣ баргузор гардид.

Дар боғи фарҳангӣ-фароғатӣ ва кӯчаю хиёбонҳои ноҳияи мазкур зиёда аз 5 ҳазор дарахтони сояафкани ҳамешасабз шинонида шуданд. 

516

Вазири корҳои дохилӣ тамоми кӯчаю хиёбон, беморхона ва бозору марказҳои савдои ноҳияи Ховалингро пои пиёда гашта, барои паст намудани нарху наво ва вусъат додани корҳои ободонию созандагӣ дар ноҳияи мазкур ба масъулин дастуру супоришҳои мушаххас дод.

Зикр гардид, ки барои сазовор пешвоз гирифтани ҷашни 30-солагии Истиқлолияти давлатии Ҷумҳурии Тоҷикистон ҳар як сокини ноҳия бояд барои таъмиру тармим ва сарсабзу обод намудани хона ва кӯчаю маҳаллаи худ саъю кӯшиш намояд. 

518517

Ҳамчунин Вазири корҳои дохилӣ зимни боздид аз маҳаллаҳои ноҳияи мазкур бо сокинон вохӯрӣ намуда, доир ба оқилона ва сарфакорона истифода бурдани қувваи барқ таъкид намуда, қайд кард, ки боинсофона истифода бурдани неруи барқ дар фасли зимистон ба таъмин намудани низоми бомароми он мусоидат хоҳад кард.

Гул Маҳбуба




Ҳамватанони азиз! Муҳтарам аъзои Маҷлиси миллӣ ва вакилони Маҷлиси намояндагон! Паёми Президенти мамлакат ба мақоми олии қонунбарори кишвар дар соли барои мардуми шарифи Тоҷикистон воқеан таърихӣ – сиюмин солгарди истиқлолу озодии Ватани азизамон пешниҳод мегардад. Тавре ки кулли ҳамватанони азизи мо, инчунин, ҳар яки шумо – вакилони муҳтарам ва ҳозирини гиромӣ медонед, соли 2020 барои сокинони сайёра, аз ҷумла Тоҷикистони мо яке аз солҳои аз ҳар лиҳоз вазнин буд. Дар натиҷаи паҳн шудани бемории сироятии коронавирус ва вобаста ба он, босуръат паст рафтани фаъолнокии иқтисодӣ ва афзоиши бесобиқаи бекорӣ вазъияти сайёра боз ҳам печида гардида, ба буҳрони бисёр шадиди иқтисодиву молиявӣ ва иҷтимоӣ рӯ ба рӯ омад. Имрӯз дар дунё амалан давлат ва соҳае нест, ки аз таъсири буҳрон эмин монда бошад. Мувофиқи арзёбии коршиносони байналмилалӣ ....>>>

Qonun

© 2021 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика