Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

ДАСТОВАРДҲОИ ДАВРОНИ ИСТИҚЛОЛ;

241

Агар мо ба таърихи 29-солаи Истиқлолияти кишвари маҳбубамон назар афканем дар тӯли таърихи начандон дур дастовардҳои муҳими иқтисодиву сиёсӣ, илмию фарҳангӣ ва техникиву истеҳсолиро пешорӯи худ мебинем. Агар ба саҳифаҳои таърихи давлатдории тоҷикон назар кунем, ба хубӣ эҳсос мекунем, ки барои барқарор ва нигоҳ доштани ин марзу бум садҳо фарзандон ҷони худро аз даст додаанд. Имрӯз мо ҷавононро зарур аст, ки корнамоиҳои фарзандони фарзонаи миллатро, ки барои ҳифзу озодии Ватан, нигоҳ доштани шаъну шарафи миллат ва якпорчагии он ҷонбозиҳо кардаанд чун гавҳараки чашм нигоҳ дорем. Мо ҷавонон бояд ба қадри ин мероси ниёгони худ-Ватан расему ҳар як зарраи хоки онро азизу муқаддас шуморем.

Асосгузори сулҳу Ваҳдати миллӣ-Пешвои миллат, муҳтарам Эмомалӣ Раҳмон зимни вохуриашон бо ҷавонон иброз намуда буд, ки «Ҷавонон бояд сабақаҳои истиқлолиятро омӯзанд, аз равандҳои солиму носолими сиёсати имрӯза огоҳ бошанд, таърихи гузаштаву ҳозираи халқи худро гаштаву баргашта варақ зананд ва аз Ватан, миллат, забон ва фарҳанги худ ифтихор намоянд». Ин маслиҳати Пешвои миллатро бояд ҳар яки мо ҳамчун шиор дар ҳаёти худ интихоб намуда, барои боз ҳам дар арсаи байналмилалӣ муаррифӣ намудани кишвари маҳбубамон дар атрофи Пешвои миллат муттаҳид бошем.
Яъне, Пешвои миллат дар роҳи бунёди давлати соҳибтамаддун ва нигоҳ доштани Истиқлолияти давлатӣ нақши ҷавононро хело муҳим арзёбӣ менамояд. Дар мулоқот бо ҷавонони кишвар соли 2013 бо ҷавонон таъкид намуд, ки «Дар ҷаҳони муосир рӯ овардан ба масъалаи ҷавонон ва истифода аз имкониятҳои зеҳниву ҷисмонии онҳо яке аз шартҳои ноил шудан ба инкишофи устувори давлат ва ҷомеа мебошад ва ҳамин буд, ки то имрӯз баҳри худташаккулёбӣ ва рушди ҷавонон тадбирҳои зиёде татбиқ гардиданд»
Бояд кушишу ғайрати ҳар яки мо ва амалӣ намудани мақсаду ормонҳои худро дар густариши давлатдории миллӣ, таҳкими субботу амният ва ифтихори ватандорӣ амалӣ кунем. Аз ин рӯ, нақши ҷавононро дар пешрафти ҷомеа ва таҳкими истиқлолияти давлатӣ хеле калон аст.
Имрӯз таваҷҷуҳи давлату ҳукумат нисбати ҷавонон хеле зиёд аст. Дар ин росто, бояд гуфт, ки Асосгузори сулҳу Ваҳдати миллӣ-Пешвои миллат, муҳтарам Эмомалӣ Раҳмон бори дигар дӯстдории худро нисбат ба ин қишри ҷомеа, яъне ҷавонон аз минбари баланди Созмони Милали Муттаҳид иброз дошта, пешниҳод намуд, ки соли 2016 ҳамчун соли ҷавонон дар олам таҷлил карда шавад. Воқеан ҳам, ғамхориҳои Пешвои миллат нисбати ҷавонон бемисл аст, чунки ояндаи ҳар як кишвар ба ҷавонони донишманду мутахассисони сатҳи байналмилалӣ вобастагии сахт дорад.
Боиси хушнудӣ ва сарфарозист, ки дар эҷоди Ваҳдати миллӣ дар Тоҷикистон нахустин шуда ҷавонони шарафманди мо саҳмгузор шуда буданд. Сиёсати пешгирифтаи давлату ҳукуматро ҷавонон дастгирӣ карда, дар ҷодаи Истиқлоли сулҳу ваҳдат ва ягонагӣ як қатор дастовардҳои бузургро соҳиб шудаанд.
Дар тӯли бисту нуҳ соли Истиқлолият кишвари мо дар роҳи бунёди ҷомеаи мустақили демократӣ қадамҳои устувор гузошт. Дар ин муддат Тоҷикистон соҳиби Парчам, Нишон ва Суруди миллӣ гардид. Пояҳо ва рукнҳои асосии давлатдориро ба вучуд оварда, устувор гардонид. Точикистон ба узвияти созмонҳои бонуфӯзи байналхалқӣ пазируфта шуд ва бо аксари мамлакатҳои пешрафтаи дунё робитаҳои сиёсӣ, иқтисодӣ ва фарҳангӣ барқарор намуд. Асосҳои сохтори конститутсионӣ ва идоракунии давлат танзим гардида, пули миллӣ ба муомилот баромад, эътироф гардид.
Имрӯз ҳамаи мардуми шарифу сарбаланди Тоҷикистон бо тамоми ҳастӣ дарк менамоянд, ки истиқлолият муқаддастарину азизтарин неъмати дунё, рукни асосии давлати озод, рамзи шарафу номуси ватандорӣ ва нерӯи такконбахши ҳаёти ҳаррӯзаи мо мебошад.
Аз ин лиҳоз, орзуи онро, ки 29 соли Истиқлолият чун 29 зинаи камолоти миллату давлат дар дили ҳар як фарзанди бонангу номуси Тоҷикистон оташи меҳр, ҳамдиливу ҳамфикриро фурӯзон нигоҳ дорад ва донаҳои умеду эътимодро ба фардои неки Ватан ба нумӯъ оварад.

Мо ба он рӯз расидем, ки Истиқлол аст,
Мо ҳамон манзара дидем, ки Истиқлол аст.
Дар нафас ғулғула кардем фараҳмандиро,
Чун дили хеш тапидем, ки Истиқлол аст.

Хулоса, бо шукргузорӣ аз тинҷию оромии кишвари мухмубамон таманнои онро мекунем, ки давлати Тоҷикистон дар арсаи байналмилалӣ бо корнамоиву қаҳрамониҳои роҳбари муаззами тоҷикони дунё, Асосгузори сулҳу Вахдати милли - Пешвои миллат, муҳтарам Эмомалӣ Раҳмон шухрат ёфта, мавқеи худро боз ҳам пурзӯру устувортар менамояд.

И.в. сардори кафедраи фанҳои дақиқ ва забонҳо
МДТ “Коллеҷи оташнишонӣ-техникии ВКД
Ҷумҳурии Тоҷикистон”
лейтенанти калони хизмати дохилӣ
Фозилова Шаҳноза.
И.в. сардори кафедраи фанҳои бехатарӣ аз сӯхтор
лейтенанти калони хизмати дохилӣ
Сафарзода Хуршед.




Ҳамватанони азиз! Муҳтарам аъзои Маҷлиси миллӣ ва вакилони Маҷлиси намояндагон! Паёми Президенти мамлакат ба мақоми олии қонунбарори кишвар дар соли барои мардуми шарифи Тоҷикистон воқеан таърихӣ – сиюмин солгарди истиқлолу озодии Ватани азизамон пешниҳод мегардад. Тавре ки кулли ҳамватанони азизи мо, инчунин, ҳар яки шумо – вакилони муҳтарам ва ҳозирини гиромӣ медонед, соли 2020 барои сокинони сайёра, аз ҷумла Тоҷикистони мо яке аз солҳои аз ҳар лиҳоз вазнин буд. Дар натиҷаи паҳн шудани бемории сироятии коронавирус ва вобаста ба он, босуръат паст рафтани фаъолнокии иқтисодӣ ва афзоиши бесобиқаи бекорӣ вазъияти сайёра боз ҳам печида гардида, ба буҳрони бисёр шадиди иқтисодиву молиявӣ ва иҷтимоӣ рӯ ба рӯ омад. Имрӯз дар дунё амалан давлат ва соҳае нест, ки аз таъсири буҳрон эмин монда бошад. Мувофиқи арзёбии коршиносони байналмилалӣ ....>>>

Qonun

© 2021 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика