Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Тоҷики ман …

997

Тоҷики ман бо ғами сад асрҳо оганда аст,
Бо каломи шаҳдрезаш некному зинда аст.
Шеъри Фирдавсиву Ҳофиз, Мавлавияш безавол,
Ин саморо бо шаҳомат ахтари тобанда аст.
Қадри миллат, қадри расму оини худ ҳифз кард,
Душманаш аз бебарорӣ сархаму шарманда аст.
Дасти ӯ болост, чун лутфи Худо бар сӯи ӯст.
Тоҷики ман, шукрдору тоҷбарсар банда аст.
Ҳарфи пирони тавоно некномаш кардаанд.
Бар ҷаҳон сози вафову меҳрро афканда аст.
Пешво дорад, Истиқлолу сулҳу оштӣ,
Назму насру марзу буму хоки ӯ поянда аст.
----------------------
Миллати қарин
Ин миллати қарин, ин кишвари бузург,
Ин сулҳи пойдор, хушреди нурбор.
Ин ҷилваи замон, таърихро нишон,
Доимбаҳору дар талаби хеш комгор.

Поянда боду ҳар нафасаш пурнишот бод.
Иқболу обрӯву сафояш зиёд бод.

Умедбастаҳои замони мубораканд.
Ин насли Ориё, Ҷамшедзодаанд.
Авлоди тоҷдор, оинадори давр,
Сӯи вафову меҳр ҳама по ниҳодаанд.

Поянда боду ҳар нафасаш пурнишот бод.
Иқболу обрӯву сафояш зиёд бод.

Чун Сарвари матин, ҳаст Пешвои халқ,
Истода ҷон ба каф баҳри дифои халқ.
Ҳам ҳадяи Худост, ҳам ҷони зиндагист,
Ҷовид, зинда аст, ӯ бо дуои халқ.

Поянда боду ҳар нафасаш пурнишот бод.
Иқболу обрӯву сафояш зиёд бод.
---------------------
Дӯст дорам…
То даме, ки файзборам, то даме, ки бешикан,
Бо садоқат бо саодат, ман Ватанро дӯст дорам.
То даме, ки офтоб аст, то даме субҳи сафед,
Дар ҳавои ин назокат зистанро дӯст дорам.
То даме, ки ишқ зебост, то даме дорам умед,
Дар баҳои умри ширин, хештанро дӯст дорам.
Чашми таърих мешавад рушан чу ноб.
Чун фазои сулҳу осоишта аст.
Халқи ман, ин миллати Олинажод,
Қисмати некаш Худо бинвишта аст.


Қодириён Офоқ, подполковники милитсия, узви Иттифоқи рӯзноманигорони Ҷумҳурии Тоҷикистон.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonun1

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика