Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Кормандони милитсия намоишномаи «Фирдавсӣ»-ро тамошо намуданд

99

- Одамӣ бояд ниёгони хешро бишносад, то бидонад, ки худи ӯ кист ва ба ҷаҳон баҳри чӣ коре омадааст. Бидонад, ки некӣ ва бадӣ, одамият ва мурувват чист? Меҳандӯстӣ, некандешӣ ва некхоҳӣ биёмӯзад, - иброз гардид зимни намоишномаи «Фирдавсӣ», ки рӯзи 3-юми майи соли равон аз ҷониби ҳунармандони Театри давлатии академии драмавии ба номи Абулқосим Лоҳутӣ пешкаши кормандони милитсия гардонида шуд. Намоишномаи «Фирдавсӣ» аз рӯйи асари нависандаи тоҷик Сотим Улуғзода таҳия гардида, онро саркоргардони театр Султон Усмонов ба саҳна гузошт. Дар намоишномаи мазкур Ҳунарпешаи халқии Тоҷикистон Қурбони Собир нақши Фирдавсиро бо як маҳорати том иҷро кард. Дигар ҳунарпешагон низ нақшҳои худро ба таври самимӣ ва маҳорати олӣ иҷро намуданд.

100

Нахуст, Ҳунарпешаи халқии Тоҷикистон Ортиқи Қодир кормандони мақомоти корҳои дохилиро ба театр хайрамақдам гуфта, иброз намуд, ки имсол намоишномаи мазкур дар Фестивал-озмуни ҷумҳуриявии театрҳои касбӣ «Парасту-2019» дар байни 18 театри касбии мамлакат сазовори шоҳҷоиза гардид.
Номбурда дар идома афзуд: «Намоишномаи «Фирдавсӣ» баёнгари дарду ранҷҳои шоир, тақдири пуршӯри «Шоҳнома»-и ӯ ва ихтилофҳову зиддиятҳои бадхоҳони давр аст.
Вазири корҳои дохилӣ генерал-полковники милитсия Раҳимзода Рамазон Ҳамро зимни суханронӣ ба намоишнома баҳои сазовор дода, изҳори сипоси роҳбарият ва ҳайати шахсии мақомоти корҳои дохилиро ба самъи ҳунармандон расонид.
Рамазон Раҳимзода дар баромади худ, аз ҷумла иброз намуд, ки намоишнома дар сатҳи баланди касбӣ омода гардида, тамошобинонро ба таври зинда ба таърихи ниёгони хеш ошно намуд. Кормандони мақомоти корҳои дохилӣ аз он як ҷаҳон маънӣ бардошта, кӯшиш ба харҷ медиҳанд, ки дар оянда низ баҳри хизмат ба халқу Ватан камари ҳиммат банданд.

101102

Дар охир директори Муассисаи давлатии “Театри давлатии академии драмавии ба номи Абулқосим Лоҳутӣ” Лутфулло Давлатзода аз робитаи хуби ин мақомот бо театр сухан ронда, ба кормандони милитсия барои ташрифашон изҳори сипос намуд.

Наврӯз ҶОБИРОВ,
Тоҷиддин ЛАТИПОВ




Ҳамватанони азиз! Муҳтарам аъзои Маҷлиси миллӣ ва вакилони Маҷлиси намояндагон! Паёми Президенти мамлакат ба мақоми олии қонунбарори кишвар дар соли барои мардуми шарифи Тоҷикистон воқеан таърихӣ – сиюмин солгарди истиқлолу озодии Ватани азизамон пешниҳод мегардад. Тавре ки кулли ҳамватанони азизи мо, инчунин, ҳар яки шумо – вакилони муҳтарам ва ҳозирини гиромӣ медонед, соли 2020 барои сокинони сайёра, аз ҷумла Тоҷикистони мо яке аз солҳои аз ҳар лиҳоз вазнин буд. Дар натиҷаи паҳн шудани бемории сироятии коронавирус ва вобаста ба он, босуръат паст рафтани фаъолнокии иқтисодӣ ва афзоиши бесобиқаи бекорӣ вазъияти сайёра боз ҳам печида гардида, ба буҳрони бисёр шадиди иқтисодиву молиявӣ ва иҷтимоӣ рӯ ба рӯ омад. Имрӯз дар дунё амалан давлат ва соҳае нест, ки аз таъсири буҳрон эмин монда бошад. Мувофиқи арзёбии коршиносони байналмилалӣ ....>>>

Qonun

© 2021 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика