Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Натиҷагирӣ аз лоиҳаи бехатарии ҳаракат дар роҳ

521

Дар шаҳри Душанбе лоиҳаи иттилоотию таблиғотие, ки оид ба бехатарии ҳаракат дар роҳ аз ҷониби Раёсати БДА Вазорати корҳои дохилии Ҷумҳурии Тоҷикистон бо дастгирии Агентии Ҷопонӣ оид ба ҳамкории байналмилалӣ дар Тоҷикистон (JICA) ташкил карда шуда буд, ба анҷом расид. 

Мақсади лоиҳаи мазкур баланд бардоштани интизоми иштирокчиёни ҳаракат дар роҳ ва коҳиш додани сатҳи садаманокӣ буда, дар ин самт корҳои васеи ташвиқотиву тарғиботӣ оид ба бехатарӣ ва риояи қоидаҳои ҳаракат дар роҳ гузаронида шуд.
Аз ҷумла, бо мақсади риояи қоидаҳои ҳаракат дар роҳ аз ҷониби пиёдагардон ва ронандагон видеороликҳои тарғиботӣ дар мавзӯъҳои “Суръатнокӣ”, “Истифодаи телефони мобилӣ” ва “Гузаргоҳи пиёдагард” ба навор гирифта шуда, онҳо тавассути шабакаҳои телевизионӣ, сомонаи расмии Вазорати корҳои дохилӣ ва шабакаҳои иҷтимоӣ манзури шаҳрвандон гардонида шуданд.
Дар робита ба ин, дар барномаҳои радиои “Ховар”, “Азия-плюс” ва “Ватан” силсилабарномаҳо дар мавзӯъҳои бехатарии ҳаракат дар роҳ пешкаши шунавандагон гардонида шуданд.
Варақаҳои иттилоотии тарғиботӣ низ бо забонҳои тоҷикӣ барои ронандагон, волидон ва кӯдакону наврасон таҳия ва чоп карда шуда, ба тамоми минтақаҳои кишвар ирсол карда шуд, ки ҳангоми гузаронидани чорабиниҳои мақсаднок аз тарафи кормандони БДА дар байни ронандагон ва пиёдагардҳо истифода бурда шаванд.

522

Дар доираи лоиҳа, тариқи шабакаҳои иҷтимоӣ озмуни беҳтарин шиорҳо (слоган) дар мавзӯи бехатарии ҳаракат дар роҳ эълон карда шуда буд, ки 5 нафар ғолибон бо туҳфаҳои қимматнок сарфароз гардонида шуданд.
Натиҷаҳои лоиҳа 3-юми апрели соли равон аз тарафи муовини аввали сардори РБДА Вазорати корҳои дохилии ҶумҳурииТоҷикистон, полковники милитсия Сафарзода Мирзо Нуралӣ бо роҳбари Намояндагии Агентии Ҷопонӣ оид ба ҳамкории байналмилалӣ дар Тоҷикистон (JICA) ҷаноби Хидеки Танабе муҳокима ва баррасӣ карда шуданд.
Гузаронидани ин маъракаи иттилоотӣ барои ман бори аввалин аст, аммо ман фикр мекунам, ки дар оянда он саҳми бузургеро дар гирифтани пеши роҳи садаманокӣ ва баланд бардоштани сатҳи маданиятнокии иштирокчиёни ҳаракат дар роҳ мегузорад, чунин қайд намуд, Хидеки Танабе, - Роҳбари Агентии Ҷопонии ҳамкориҳои байналмилалӣ дар Тоҷикистон.
Инчунин, Хидеки Танабе барои дастгирӣ ва расонидани ёрии амалӣ ҷиҳати бомуваффақият анҷом додани лоиҳаи мазкур ба роҳбарияти Раёсати Бозрасии давлатии автомобилии Вазорати корҳои дохилии Тоҷикистон ва рӯзноманигорон изҳори сипос кард.

523

Дар хотимаи вохӯрӣ, муовини аввали сардори РБДА ВКД Ҷумҳурии Тоҷикистон, полковники милитсия Сафарзода Мирзо Нуралӣ аз номи роҳбарияти Раёсати БДА ба масъулини ин барнома барои гузаронидани чунин маъракаи иттилоотӣ, ки баҳри паст намудани сатҳи садаманокӣ дар роҳҳои автомобилгард саҳми назаррас мегузорад, арзи сипос намуда, изҳор дошт, ки дар оянда низ ҳамкориҳо дар ин самт идома хоҳанд ёфт.
Гул Маҳбуба




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonun

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика