Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Густариш ёфтани ҳамкории милитсия бо аҳолӣ

188

Ҷиҳати боз ҳам тақвия бахшидани ҳамкории кормандони милитсия бо ҷомеаи шаҳрвандӣ, дар амал тадбиқ намудани барномаи ислоҳоти милитсия ва корҳои тарғиботиву ташвиқотӣ, аз тарафи роҳбарон ва кормандони мақомоти корҳои дохилӣ имрӯзҳо дар шаҳру ноҳияҳои вилояти Хатлон вохӯриҳо бо аҳли ҷомеа баргузор мегардад.
Чунин як вохӯрии судманд аз ҷониби сардори ШВКД дар ноҳияи Ҷайҳун подполковники милитсия Холиқзода Баҳодур бо фаъолони ноҳия баргузор гардид.
Дар вохӯрӣ намояндагони мақомоти иҷроияи ҳокимияти давлатии ноҳия, мудирони шуъба ва бахшҳои САҲШ, омӯзгорон, имомхатибон ва намояндагони воситаҳои ахбори омма иштирок доштанд.
Вохӯрии мазкур тибқи дастуру супоришҳои роҳбарияти ВКД Ҷумҳурии Тоҷикистон ва РВКД дар вилояти Хатлон бо тартиби нақша-чорабиниҳо, баргузории мулоқоту вохӯриҳои кормандони милитсия бо аҳли ҷомеа, хонандагону донишҷӯёни муассисаҳои таълимӣ ва дигар табақаҳои гуногуни ҷомеа ба роҳ монда шуд, ки ба хотири беҳбуд бахшидан ба рафти фаъолияти кормандони милитсия, пешгирии ҷинояткорӣ ва ҳамкории кормандони милитсия бо мардум мебошад.
Дар рафти вохӯрӣ иштирокчиён оид ба содиршавии кирдорҳои ҷиноятӣ аз ҷониби ҷавонону ноболиғон, масъалаҳои доғи рӯз аз қабили терроризму экстремизм, оворагардӣ, дуздиву ғоратгарӣ махсусан бемасъулиятии баъзе аз волидон ҷиҳати таълиму тарбияи фарзанд бо овардани факту рақамҳои дақиқ суханронӣ намуданд.

189190

Қайд гардид, ки риоя намудани меъёрҳои ҳуқуқиву ахлоқӣ, аз ҳар як узви ҷомеа, алалхусус аз падару модарон ва фарзандон талаб карда мешавад, зеро оромиву осоиштагии ҳар як миллату давлат аз ҳар як шаҳрванд вобастагӣ дорад.
Дар ҷараёни вохӯрӣ миёни аҳли ҷамоатчигӣ бо кормандони милитсия саволу ҷавоб сурат гирифта, иштирокчиён вобаста ба мушкилоти ҷойдошта посухҳои мушаххас гирифтанд.
Офоқ Қодириён




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonun

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика