Арзи сипоси соҳибкорону тоҷирони шаҳри Кӯлоб

Ба Вазири корҳои дохилии

Ҷумҳурии Тоҷикистон

генерал-лейтенанти милитсия

Раҳимзода Р.Ҳ. 

Мўҳтарам Рамазон Ҳамро!

Мо як гурӯҳ тоҷирону соҳибкорони Кӯлобшаҳр ба Шумо ва кормандони Шӯъбаи хадамоти давлатии оташнишонӣ дар минтақаи Кӯлоб, Қисми мустақили 33 ҲХДО дар шаҳри Кӯлоб, роҳбарият ва ҳайати шахсии Қисми минтақавии РВКД оид ба гурӯҳи ноҳияҳои Кӯлоб, ШВКД дар шаҳри Кӯлоб, Дастаи таъиноти махсуси милитсияи ВКД Ҷумҳурии Тоҷикистон ва қисми ҳарбии 5403-и Қӯшунҳои дохилии ВКД ҶТ барои шаби 22 июли соли 2014, ҳангоми дар бозори марказии шаҳри Кӯлоб сӯхтор рух додан, барои сари вақт ва бо маҳорати баланд иҷро намудани вазифаҳои хизматиашон, нишон додани далерию ҷасорат, ки оташро сари вақт хомӯш намуда, нагузоштанд, ки дигар нуқтаҳои савдо хисорот бинанд ва инчунин барои кӯмак ба зарардидагон ва бартараф намудани оқибатҳои сӯхтори ба амал омада миннатдории худро баён мекунем.

 
Изҳори миннатдории соҳибкорони бозори марказии Кӯлоб

Ба Вазири корҳои дохилии

Ҷумҳурии Тоҷикистон

генерал-лейтенанти милитсия

Раҳимзода Р.Ҳ.

 Мўҳтарам Рамазон Ҳамро!

Чуноне, ки иттилоъ доред, шаби 22 июли соли 2014, тахминан соатҳои 00.40 дақиқа дар бозори марказии шаҳри Кӯлоб сӯхтор рух дод. Оташ дар як лаҳза чанд дукону нуқтаҳои савдоро ба коми худ фурӯ бурда, хавфи бевоситаи паҳн гардидани оташ ба дигар нуқтаҳои савдоро дошт.

 
Миннатдории «Тоҷиксодиротбонк»

Ба Вазири корҳои дохилии

Ҷумҳурии Тоҷикистон

генерал-лейтенанти милитсия

Раҳимзода Р.Ҳ.

                                                                                         Мӯҳтарам Рамазон Ҳамро!

Роҳбарияти филиали ҶСК «Тоҷиксодиротбонк» дар ноҳияи Қумсангир ба маълумоти Шумо мерасонад, ки рӯзи 7 июли соли 2014, соати 10:15-дақиқа дар қисмати берунаи ошёнаи дуюми бинои филиал, аз расиши кӯтоҳи ноқилҳои барқӣ сӯхтор ба амал омада, аланга гирифт.

Барои хомӯш намудани сӯхтор фавран кормандони ШВКД дар ноҳия ва ҳайати шахсии Дидбонгоҳи алоҳидаи ҳарбикунонидашудаи хадамоти давлатии оташнишонии ноҳия даъват карда шуданд.

Бо шарофати маҳорати баланди касбӣ ва малакаю таҷрибаи бой, таҳти сарварии сардори ШВКД дар ноҳияи Қумсангир, полковники милитсия Зикриёев Ҷӯрахон Гадоевич, ҳайати шахсии ШВКД ва ДАҲХДО сӯхтор дар муддати кӯтоҳ бе зарари калони моддӣ хомӯш карда шуд.

Аз ҳамин лиҳоз, ба Шумо мӯҳтарам Раҳимзода Рамазон Ҳамро барои тарбияи кормандони мақомот дар рӯҳияи боадолатӣ, содиқ будан ба савганди худ ва иҷрои вазифаҳои хеш, ки таҳти роҳбарии Шумо кору фаъолият мекунанд, миннатдории бепоёни худро изҳор менамоем.

 

Бо эҳтиром,

Директори филиали

ҶСК «Тоҷиксодиротбонк»

дар ноҳияи Қумсангир                                                                                                                     А.Паҳлавонов

 
Мактуби сипосгузорӣ

Ба Вазири корҳои дохилии

Ҷумҳурии Тоҷикистон

генерал-лейтенанти милитсия

Раҳимзода Р.Ҳ.

 Мӯҳтарам Рамазон Ҳамро!

Иҷозат фармоед сараввал Шуморо ҳамчун дорои арзандаи донишу хиради олии инсонӣ ва дарки ҳикмати бузургу марди фозилу хоксор, ки қобилияти баланди ташкилотчигиятон аз назарҳо пинҳон намонд, сипосгузорӣ намуда, дар симои Шумо пас аз арзи сипос, мӯҳтарам Вазири корҳои дохилии Ҷумҳурии Тоҷикистон ба сардори Раёсати ҳифзи тартиботи ҷамъиятии ВКД полковники милитсия Раҳимов М.Қ. изҳори миннатдорӣ баён намоем. Дар ҷодаи омодагӣ ва тарбияи кадрҳои малакаву дониши кофии ба талаботи имрӯза ҷавобгӯ дошта, ки сазовори ибрату эҳтиром мебошанд, ин гуна мутахассисони чун соҳаи Гурӯҳи ҳолатҳои фавқуллода ва мудофиаи граждании РҲТҶ ВКД ҶТ ояндаи Тоҷикистонро дурахшон мекунанд.

 
Арзи миннатдорӣ

Ба Вазири корҳои дохилии Ҷумҳурии Тоҷикистон

генерал-лейтенанти милитсия Раҳимзода Р.Ҳ.

 

Милисаи ман – ҳомии ман

Чанде пеш ба рӯи оилаи мо як мушкилӣ омад. Бо аҳли оила ҳарчанд кӯшиш кардем, онро ҳал карда натавонистем. Наздикон маслиҳат доданд, ки ба милитсия  муроҷиат намоед.

 
Арзи сипос ба кормандони милитсия

                                                                                                                                               Ба Вазири корҳои дохилии

                                                                                                                                                 Ҷумҳурии Тоҷикистон,

                                                                                                                                                 генерал-лейтенанти милитсия

                                                                                                                                                 Раҳимзода Рамазон Ҳамро 

Муаллифи ин сатрҳо бо зарурате субҳи 12 июн аз вилояти Суғд бо мошини сабукрави шахсӣ тамғаи "Мерседес-вито", рақами қайди давлатиаш 98 34 В 01 ба тарафи Вилояти Мухтори Кӯҳистони Бадахшон азми сафар кардем. Ману ҳамсар ва писарамон бояд ба мавзеи "Гармчашма"-и ноҳияи Ишкошим рафта, барои чанд рӯз дар обҳои шифобахши ин мавзеъ барои барқарор кардани саломатӣ табобат мекардем. Чун ба ноҳияи Шӯроободи вилояти Хатлон расидем, моро дар дидбонгоҳ кормандони милитсия манъ намуда, ҳуҷҷатҳои мошинамонро тафтиш намуданд. Муомилаву муносибати меҳрубононаи онҳо бо ҳар роҳгузарро дида, ҳаваси кас меомад. Чун фаҳмиданд, ки мо меҳмонему азми сафари ҷойи дурро дорем, дарҳол омодаи хизмат шуданд. Мо, ки аввалин маротиба ба минтақаи Бадахшон сафар мекардем, кормандони милитсия моро роҳнамоӣ менамуданд. Хусусан, он лутфу марҳамат ва ҳурмату меҳрубоние, ки кормандони милитсияи ноҳияи Дарвоз нисбати мо намуданд, воқеан ба ҳар нафари мо илҳом бахшид.

 
Арзи сипоси собиқадор

                                                  Ба Вазири корҳои дохилии

                                                                  Ҷумҳурии Тоҷикистон

                                                                  генерал-лейтенанти милитсия                                                              

                                                                  Раҳимзода Р.Ҳ.

                                     Мӯҳтарам Рамазон Ҳамро! 

Бо мусоидати Шумо ман бо ҳамроҳии завҷаам ба осоишгоҳи «Садбарг»-и Вазорати корҳои дохилӣ дар дараи Ромит омадем ва моро нағз пешвоз гирифтанд, бо ҷои хоб, хӯрока таъмин намуда, ба табобат фаро гирифтанд.

Ман ветерани меҳнат ва аълочии  милитсия мебошам, ман аз хона дар даст асо омада будам, баъди табобат беасо ба хона бар гаштам.

Мӯҳтарам Рамазон Ҳамро, минадории худамро ба Шумо баён намуда, бароятон саломатӣ, умри дароз ва дар корҳоятон муваффаққият орзумандам.

             Бо эҳтиром,

Баротов Худойбердӣ аз  ноҳияи Восеъ.

 
Изҳори миннатдорӣ

                                                                                              Ба Вазири корҳои дохилии

                                                                                                                                            Ҷумҳурии Тоҷикистон

                                                                                                                                            генерал-лейтенанти милитсия

                                                                                                                                                                        Раҳимзода Р.Ҳ.

                                                                           Мӯҳтарам Рамазон Ҳамро!

Мақомоти иҷроияи маҳаллии ҳокимияти давлатӣ дар шаҳри Душанбе ба Шумо эҳтироми худро ҷиҳати ҳамкорӣ ва дастгирии доимии кормандони Вазорати корҳои дохилӣ баҳри таъмини тартибу низом ва суботи шаҳрвандони шаҳри Душанбе изҳор менамояд.

Ҳамзамон, қайд менамоем, ки вақтҳои охир кормандони Воҳиди махсуси Вазорати корҳои дохилии Ҷумҳурии Тоҷикистон дар самти ба низом даровардани ҳаракати воситаҳои нақлиёт дар кӯчаҳои ташрифотии шаҳри Душанбе, дар ҳамбастагӣ бо сохторҳои нақлиётии шаҳри Душанбе корҳои назаррасеро анҷом дода истодаанд.

 
Миннатдории маорифчиён ба Вазири корҳои дохилӣ

                                                                                                                                               Ба Вазири корҳои дохилии Ҷумҳурии Тоҷикистон

                                                                                                                                                                 мӯҳтарам Раҳимзода Р.Ҳ.

 

Мо, маорифчиёни шаҳри Истиқлол, сипоси хешро ба Шумо барои дастгириҳои ҳамаҷонибаатон ҷиҳати иҷрои дастуру супоришҳои Президенти кишвар Эмомалӣ Раҳмон баҳри ба низом даровардани тартиботи ҷамъиятӣ ва сиёсати дохилии ҷумҳурӣ расониданием.

Арзи таманнои хешро махсусан барои дастгирӣ дар ҷобаҷогузории кадрҳои баландихтисос ва болаёқат мерасонем. Лозим ба қайд аст, ки кормандони Шӯъбаи Вазорати корҳои дохилии Ҷумҳурии Тоҷикистон дар шаҳри Истиқлол бо сарварии сардори шӯъбаи мазкур полковники милитсия Назирбеков Д.Ҷ. дар ободиву созандагӣ ва низоми дохилаву тартиботи шаҳр ҳамеша саҳмгузор ҳастанд.

 
Арзи сипоси сокинони ноҳияи Қумсангир

                                                                                                                        Ба Вазири корҳои дохилии

                                                                                                                        Ҷумҳурии Тоҷикистон

                                                                                                                        генерал-лейтенанти милитсия

                                                                                                                                 Раҳимзода Р.Ҳ.

                                               Мӯҳтарам Рамазон Ҳамро!

Мақомоти иҷроияи ҳокимияти давлатии ноҳияи Қумсангир ба маълумоти Шумо мерасонад, ки рўзи 13 майи соли 2014 соати 2-и шаб бинобар сабаби вазидани шамоли сахт ва қатъ гардидани қувваи барқ насосҳои обкашӣ аз кор монда, боиси аз меъёри муқарраргардида баланд шудани сатҳи оби канали «Қумсангир» КС-6 ва рахна шудани соҳили он гардид, ки дар натиҷа 14 адад хонаҳои истиқоматии шаҳрвандон тамоман вайрон шуда, 56 адад ҳавлиҳои хонаҳои шаҳрвандони шаҳраки «Дӯстӣ», аз он ҷумла ошхонаҳо, анҷомхонаҳо ва дигар иншоотҳои ёрирасон зери об монда, корношоям шуданд.

 
Изҳороти дастаҷамъонаи эътиқодмандӣ

                                                                                                                          Ба Вазири корҳои дохилии

                                                                                                                          Ҷумҳурии Тоҷикистон

                                                                                                                     генерал-лейтенанти милитсия

                                                                                                                                             Раҳимзода Р.Ҳ.

                                                                Мӯҳтарам Вазир!

Пеш аз ҳама агар қобили қабул донед – салому дуруди содиқонаи сокинони нохияи Исфараро, ки ба воситаи номаи мазкур ба қалам дода шудаасту дар айни замон он дар зери дасти Шумо қарор дорад, қабул фармоед.

 
Арзи сипоси шаҳрванд

Мӯҳтарам Вазири корҳои дохилӣ!

 Ман ба Шумо як ариза навишта будам бар зидди як мард номаш Неъмат. Ташаккури зиёд ба Вазорати корҳои дохилӣ, ки ба мо хеле ёрӣ доданд. Он шахс тамоми хароҷоте, ки бародари ман дар шӯъбаи тиббӣ сарф карда буд, пардохт намуд, ҳамчунин ӯ аз ҷониби шӯъбаи милитсияи шаҳри Сарбанд ба ҷавобгарӣ кашида шуд. Аз ин рӯ, мо аз Шумо кормандони милитсия ва аз Ҷаноби Олӣ мӯҳтарам Эмомалӣ Раҳмон барои дастгирӣ миннатдорем.

 Исаков Аюб Давлатшоевич, сокини шаҳри Сарбанд, кӯчаи Борбад 20, хонаи 55.    

 
Миннатдории сокинони шаҳраки Мирзо Турсунзодаи ноҳияи Рӯдакӣ

                                                                        Ба Вазири корҳои дохилии

                                                                        Ҷумҳурии Тоҷикистон

                                                                      генерал-лейтенанти милитсия

                                                                        Раҳимзода Рамазон Ҳамро

 

Мӯҳтарам Вазир!

 

Офати табиие, ки тақрибан соати 4-и субҳи 11 майи соли ҷорӣ, ба сари сокинони маҳаллаи Коргари ҷамоати шаҳраки Мирзо Турсунзодаи ноҳияи Рӯдакӣ омад, ягон нафари солимақлро бетараф гузошта натавонист. Баъди бориши селборон сатҳи оби дарёи Элок баланд шуда, қисми заминҳои корам, маҳаллаҳои аҳолинишини ҷамоати деҳоти Зайнабобод ва ҷамоати шаҳраки Мирзо Турсунзодаи ноҳияи Рӯдакӣ зери об монданд. Дар натиҷа ба ошёнаи якуми хонаҳои баландошёнаи махаллаи Коргар лойқа ворид гашта, ба мардуми маҳалла зарари зиёд расонида шуд.

 
Арзи сипоси мардуми Саричашма

Ба Вазири корҳои дохилии

Ҷумҳурии Тоҷикистон

генерал-лейтенанти милитсия

Раҳимзода Рамазон Ҳамро

 

Муҳтарам Рамазон Ҳамро!

 

Мақомоти иҷроияи ҳокимияти давлатии ноҳияи Шӯрообод саҳми арзандаи кормандони мақомоти корҳои дохилиро дар таъмини тартиботи ҷамъиятӣ ва суботи комили ҷомеа назаррас арзёбӣ намуда, изҳори сипос менамояд.

Тавре маълум аст, бар асари ҳодисаи фаромадани ярч ва боридани боронҳои пай дар пайи рӯзҳои 11-12 апрели соли 2014 дар деҳаи Одинабойи ҷамоати деҳоти Саричашма аҳолии ин мавзеъ зарари зиёди иқтисодӣ дида, 13 нафар аз сокинон ҷони худро аз даст доданд.

Аз рӯзҳои аввали сар задани ин ҳодисаи мудҳиш кормандони мақомоти корҳои дохилӣ сари вақт ба маҳалли ҳодиса рафта, ҷиҳати риояи тартиботи ҷамъиятӣ ва пешгирии қонунвайронкунию ҷиноятсодиркунӣ тадбирҳои мушаххасро роҳандозӣ намуданд.

Бо назардошти ин, мақомоти иҷроияи ҳокимияти давлатии ноҳияи Шӯрообод аз фаъолияти мунтазами кормандони милитсия миннатдор буда, арзи сипоси мардуми зарардидаи ҷамоати деҳоти Саричашмаро ба Шумо ва кулли кормандони мақомоти корҳои дохилӣ мерасонад.

 

             Бо эҳтиром,

             Раиси ноҳияи Шӯрообод                                          А.Икромов

 

Видео

Ҳафтаномаи «Қонун ва Ҷомеа»

Табиат

Омор

3784479
ИмрӯзИмрӯз1374
МоҳМоҳ29494
ХамагиХамаги3784479

ФОҶ дар давраи таърихӣ ва муосир

Китоби Оперативно-розыскная деятельность: история и современность (Фаъолияти оперативӣ-ҷустуҷӯӣ: таърих ва замони муосир)-и Раҳимзода Рамазон Ҳамро – Вазири корҳои дохилӣ, генерал-лейтенанти милитсия, номзади илмҳои ҳуқуқ, Ҳуқуқшиноси шоистаиТоҷикистон, бо забони русӣ ба тозагӣ аз чоп баромад.

Дар китоб масъалаҳои таърихи ташаккул ва рушди фаъолияти оперативӣ-ҷустуҷӯӣ дар Тоҷикистони кӯҳан ва муосир, ки то ҳоло дар илми ҳуқуқшиносӣ инъикос нагардидаанд, дарҷ ёфтаанд.

Китоби мазкур барои омӯзгорон, адъюнктантҳо, шунавандагон, курсантҳо ва кормандони оперативии мақомоти ҳифзи ҳуқуқи Ҷумҳурии Тоҷикистон пешниҳод гардидааст.

Китоби тозанашри Вазири корҳои дохилӣ


Китоби Оперативно-розыскные мероприятия: правовые основы (Чорабиниҳои оперативӣ-ҷустуҷӯӣ: заминаҳои ҳуқуқӣ)-и Раҳимзода Рамазон Ҳамро – Вазири корҳои дохилӣ, генерал-лейтенанти милитсия, номзади илмҳои ҳуқуқ, Ҳуқуқшиноси шоистаи Тоҷикистон, бо забони муоширати байни миллатҳо – забони русӣ ба тозагӣ аз чоп баромад, ки дар он ташаккули фаъолияти оперативӣ-ҷустуҷӯӣ дар Тоҷикистони таърихӣ, инкишоф ва рушди заминаҳои ҳуқуқии фаъолияти оперативӣ-ҷустуҷӯӣ дар Тоҷикистони ҳозиразамон, мафҳуми баъзе хусусиятҳо ва тартиби гузаронидани чорабиниҳои оперативӣ-ҷустуҷӯӣ, инчунин тартиби пешниҳод намудани натиҷаҳои чорабиниҳои оперативӣ-ҷустуҷӯӣ ба муфаттишон, мақомоти таҳқиқ, прокурорҳо ва судҳо баррасӣ гардидаанд.

Китоби мазкур барои омӯзгорон, адъюнктантҳо, шунавандагон, курсантҳо ва кормандони оперативии мақомоти ҳифзи ҳуқуқи Ҷумҳурии Тоҷикистон пешкаш гардидааст.

Нашри сеюми китоби дарсии «Фаъолияти оперативӣ-ҷустуҷӯӣ»

Китоби дарсии «Фаъолияти оперативӣ-ҷустуҷӯӣ»-и Раҳимзода Рамазон Ҳамро бо назардошти талаботҳои санадҳои меъёрии ҳуқуқии навин омода гардида, ҷабҳаҳои умумии ин намуди фаъолияти ҳуқуқиро фарогир мебошад.

Китоби мазкур ба хотири пешбурди соҳаи мақомоти ҳифзи ҳуқуқи ҷумҳурӣ ба омӯзгорон, аспирантҳою адъюнктон, донишҷӯён, курсантону шунавандагон ва ба кормандони оперативӣ, муфаттишон, прокурорҳо, судяҳо, ҳимоячиҳо ва инчунин шаҳрвандон пешкаш мегардад. 

Телефони боварии Вазири корҳои дохилӣ

 

Телефонҳои боварии ҷузъу томҳои ВКД ҶТ

РВКД дар ш.Душанбе

(8372) 221-15-00


РВКД дар вилояти Суғд

(83422) 6-22-22

РВКД дар вилояти Хатлон

(83222) 2-13-13

РВКД дар ВМКБ

(83522) 2-21-21

Қисми минтақавии РВКД-и Хатлон дар  Кӯлоб

(83322) 3-39-79

РВКД дар минтақаи РАШТ

(83131) 2-21-21

Телефони 1919

Бо ташаббуси Вазири корҳои дохилӣ генерал-лейтенанти милитсия Раҳимзода Рамазон Ҳамро, дар Вазорати корҳои дохилӣ телефони пайвасткунандаи 1919 ба тамоми ҷузъу томҳои мақомоти корҳои дохилӣ дар ҳудуди Ҷумҳурии Тоҷикистон ба фаъолият оғоз намуд.

Шаҳрвандон метавонанд бо ин рақам ба воситаи телефонҳои мобилӣ, (GPRS, CDMA), хонагӣ, корӣ, занг зада, ба Раёсатҳо, Шӯъбаҳо ва ҷузъу томҳои мақомоти корҳои дохилӣ дар қаламрави кишвар пайваст шуда, арзу шикоят, дархост ва маълумоти худро расонанд.

КОДЕКС

                             Лоиҳа 

КОДЕКСИ ОДОБИ КОРМАНДИ ПОЛИТСИЯ 

1. Муқаррароти  умумӣ

     1) Кодекси одоби касбии корманди политсияи Ҷумҳурии Тоҷикистон (минбаъд-Кодекс), маҷмӯи қоидаҳои рафтори корманди политсия мебошад, ки ҳадди муошират, қоидаҳои рафтори хизматӣ ва ғайрихизматӣ, ки аз санадҳои меъёрии ҳуқуқии Ҷумҳурии Тоҷикистон, арзишҳои эътирофшудаи ахлоқи инсонӣ ва талаботи маънавии ҷамъият нисбат ба кормандон бармеояд, муайян менамояд.

     2) Мақсади Кодекси мазкур муқаррар намудани қоидаҳои рафтори хизматӣ ва ғайрихизматии корманди политсия (минбаъд-корманд), мусоидат кардан ҷиҳати баланд бардоштани обрӯ ва эътибори корманд, боварии шаҳрвандон ба мақомоти корҳои дохилии Ҷумҳурии Тоҷикистон ва таъмини меъёрҳои ягонаи рафтори корманди мақомоти корҳои дохилӣ мебошад.

     3) Амали Кодекси мазкур нисбат ба корманде, ки мансаби давлатиро дар мақомоти корҳои дохилӣ, мутобиқи қонунгузории амалкунандаи ҷумҳурӣ ва дигар санадҳои меъёрии ҳуқуқи ишғол менамояд, паҳн мегардад. 

Низомномаи Шӯрои ҷамъиятӣ

Низомномаи 

Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон

1. Муқаррароти умумӣ

1. Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон (минбаъд – Шӯрои ҷамъиятӣ) мақомоти ҷамъиятии машваратӣ - мушоҳидавӣ буда, бо мақсади ташкил ва таъмин намудани иштироки мустақим ва ғайримустақими шаҳрвандон дар ҷараёни ислоҳоти милитсия созмон дода шуда, доир ба ин мавзӯъ назардошту пешниҳоди аҳли ҷомеа ва шаҳрвандони алоҳидаро ҷиҳати татбиқунонӣ ва ташаккули сиёсати давлатӣ вобаста ба ҳамкории милитсия бо ҷомеаро ба маълумоти Ҳукумати Ҷумҳурии Тоҷикистон расонидан ва ба инобат гирифтани афкори ҷамъиятӣ, инчунин назорати ҷамъиятӣ аз рафти ислоҳоти милитсия, таъсис дода шудааст.

Оид ба истифодабарии итилооти сомона

Ҳамаи маводҳои Сомонаи расмии Вазорати корҳои  дохилии Ҷумҳурии Тоҷикистон дар дилхоҳ воситаҳои ахбори омма, дар серверҳои шабакаҳои интернетӣ ё ин, ки дар ҳама паҳнкунандаҳо бе  ягон мамоният бо андоза ва мӯҳлати нашр, метавонанд истифода бурда шаванд.

Истифодаи маводҳо ба ҳафтаномаҳо, маҷаллаҳо, шабакаҳои радиоӣ, телевизионӣ, сомонаҳо ва саҳифаҳои интернетӣ иҷозат дода мешавад. Шарти ягонаи истифодабарии маводҳои Сомонаи расмии Вазорати корҳои дохилии Ҷумҳурии Тоҷикистон нишон додани сарчашмаи аввалияи мавод мебошад (www.mvd.tj  www.vkd.tj).

Барои нашр ва чопи маводҳо аз ҷониби Вазорати корҳои дохилии Ҷумҳурии Тоҷикистон мувофиқаи пешакӣ талаб карда намешавад.

Хабарнигори фаврӣ

Дар сомонаи расмии ВКД Ҷумҳурии Тоҷикистон гӯшаи «Хабарнигори фаврӣ» (новобаста аз шаҳрвандӣ) таъсис дода шуд, ки шаҳрвандон метавонанд таъҷилан наворҳои видеоиро вобаста ба ҳодисаҳои ҷиноятӣ, ҳуқуқвайронкуниҳо, қонуншиканиҳо, ҳолатҳои фавқулодда, ҳодисаҳои табиӣ, сӯхтор, садамаҳои нохуши нақлиётӣ ва дигар ҳодисаю воқеаҳое, ки бозтоби васеи ҷамъиятӣ доранд, ирсол намоянд.

 «Хабарнигори фаврӣ» метавонад аз шабакаҳои иҷтимоии Viber, WhatsApp, IMO, Telegrams, WeChat бо рақами телефони мобилии (+ 992) 939 222 111 ва почтаи электронии Вазорати корҳои дохилии Ҷумҳурии Тоҷикистон Ця електронна адреса захищена від спам-ботів. вам потрібно увімкнути JavaScript, щоб побачити її.   истифода намуда, хабару наворҳои худро ба таври фаврӣ ирсол намояд.

Шаҳрвандон метавонанд маводҳои худро аз рӯи хоҳишмандӣ бо се забон: тоҷикӣ, русӣ ва англисӣ ирсол намоянд. 

Махфӣ нигоҳ доштани маълумот дар бораи шахсе, ки  маводро ирсол менамояд, кафолат дода мешавад.