Арзи сипос

Ба Вазири корҳои дохилии

Ҷумҳурии Тоҷикистон

генерал-лейтенанти милитсия

Рамазон Раҳимзода

Вазири мӯҳтарам, Рамазон Раҳимзода!

Ман Ойимқиз Қодирова -директори Ҷамъияти дорои масъулияташ маҳдуди «Рухсора» мебошам.

Бо навиштани мактуби мазкур ба Шумо маълум менамоям, ки бинои Ҷамъияти мо дар мавзеи Панҷшанбеи шаҳри Хуҷанд ҷойгир аст. Худи ман бошам беш аз сӣ сол аст, ки дар соҳаи хизматрасонии маишӣ ба мардум фаъолият дорам. Тӯли ин солҳо бо тақозои вазифа бо теъдоди зиёди роҳбарони сатҳу сохторҳои гуногун сарукордор шудаам. Ҳар яке дорои малакаи касбии худ аст ва дар ин маврид кормандони хадамоти давлатии оташнишонӣ, ба андешаи ман, як сару гардан боло меистанд.

Гап дар сари он, ки бинои корхонаи хизматрасонии маишии Ҷамъияти дорои масъулияташ маҳдуди «Рухсора» дар шафати маркази савдои «Баҳор»-и мавзеи Панҷшанбе ҷойгир шудааст.

Шаби 15-ум бар 16-уми ноябри соли 2014 соатҳои қариб 23:00 ба ман хабари ҳодисаи нохуши сухтор дар маркази савдои «Баҳор» расид. Азбаски, чуноне, ки дар боло гуфтам, марказҳои савдову хизматрасонии мо дар шафати ин бозор ҷойгир аст, ба зудӣ ба коргоҳамон омадам. Аз утоқи кориам - воқеъ дар ошёнаи дуюм медидам, ки забонаи бузурги оташ аз боми ошёнаи дуюми маркази «Баҳор» ҳам баландтар буду шамол онро ба ҳар тараф бод медод. Ҳаво сард буду дар он соатҳо дар ин мавзеъ барқ набуд. Сӯхторхомушкунандагон ба воситаи техникаи махсус беист барои хомӯш кардани оташ об мепошиданду об мекашониданд. Аммо оташ ҳамоно забона мезад, гуё таслим шудан намехост. Дар равшании оташ кормандони хадамоти оташхомушкуниро медидам, ки рӯдаи обаш фавворасон дар даст, бо сӯхтор набард доштанд. Ҳамин минвол беш аз ду соат, то пурра хомӯш намудани сӯхтор, онҳо ором надоштанд. Ақрабаки соат қариб, ки яки шабро нишон медод. Ман ҳамоно бо ҳамроҳи ду-се нафар кормандонамон дар утоқи сарду торикам будам. Ҳамон дам якчанд нафар хизматчиёни хадамоти оташнишонии вилояту шаҳр наздамон омаданд. Бо дидани эшон дар равшании фонус дилам таҳ кашид. Дар ҳавои сард либосҳои кории онҳо шип-шилта тар, сару рӯяшон аз дуди оташ сиёҳ, музаҳояшон бар асари халидани оинаҳои ҳини сӯхтор пошхӯрда сӯрох шудаву пуроб...

- Биёед гузаред, фарзандонам,- худро базӯр ба даст гирифта гуфтам ман дар ҳоле, ки ашкамро фурӯ мебурдам.

- Узр, муаллима. Медонистем, ки ин лаҳзаҳо Шумо дар хона нишаста наметавонеду дар ҷойи коратон ҳастед. Ягон пиёла чойи гарм доред?

- Камтар нафасатонро рост кунед. Ман ҳозир чой ташкил мекунам,- ҷавоб додам ман.

Яке аз кормандонамонро, ки дар ҳамин маҳалла зиндагӣ мекарду ҳамроҳамон буд, барои овардани чойи гарм фиристодам. Пас аз нӯшидани чой сӯхторхомушкунандагон боз ба ҷойи сухтори рухдода шитофтанд. Онҳо аз такроран cap задани аланга, аз ягон шарора ва ё аз тороҷ шудани амволи аз сӯхтор эминмонда хавотирӣ мекашиданд. Чашми рӯз кафиду ман роҳ сӯи хона пеш гирифтам. Аз бехобӣ ва ҳаяҷон монда шуда будам. Пас аз ду-се соат дамгирӣ боз сӯи коргоҳ ба мавзеи Панҷшанбе шитофтам ва боз сӯхторхомушкунандагонро сари адои вазифа дидам. Ҳамоно шамоли сард мевазид...

Ҳамагон афсӯс аз он мехӯрдем, ки нуқтаҳои савдои марказҳои тиҷоратии «Баҳор», «Сино» ва «Тоҷир» дар ин сухтор зарар диданд. (Ба гуфти ҳолдонҳо, ин марказҳои савдо чанд сол пеш аз тарафи соҳибонашон ба таври оҷилӣ асосан аз масолеҳи сохтмонии зудоташгиранда - ба монанди чӯбу тахта, шишаву «алакапон» бунёд карда шуда буданд. Новобаста аз ҷаримаву эродҳову санадтартибдиҳиҳои кормандони хадамоти давлатии оташнишонӣ дукондорони онҳо на ҳама вақт қоидаҳои бехатарӣ аз сухторро риоя менамудаанд).

Бо вуҷуди ин, ҳамчун як зан, модар ва собиқадори меҳнат, ҳамчун роҳбари як Ҷамъият шукр аз он мекунам, ки дар ин ҳодисаи сӯхтор ба шарофати кордонии хизматчиёни хадамоти давлатии сӯхторхомушкунӣ ба талафоти ҷонӣ роҳ дода нашуд.

Шукр аз он мекунам, ки сӯхтори рухдода аз тарафи кормандони ин Раёсат ва ҷузъу томҳои он ба таври оҷилӣ ва сари вақт хомӯш карда шуд (ҳарчанд, чуноне ки дар боло гуфтам, дуконҳои қатору дуқабатаи марказҳои савдои номбурда, асосан, аз масолеҳи зудоташгиранда сохта шуда будаанду дохилашон пури либосҳо аз муинаву нахи'сунъӣ буд, ки ҳини сӯхтор равшантару тезтар аз шамъ месӯхтанд ва хомӯш кардани он кори осон набуд). Агар ин таъҷилияти сӯхторхомушкунандагони вилоят намешуд, ба коми оташ рафтани якчанд бозорҳои дигари мавзеъи Панҷшанбе аз эҳтимол дур набуд. Зеро дар ин мавзеъ марказхри савдо, бозорҳо, нуқтаҳои хӯрокҳои умумӣ, биноҳои маъмурии ташкилоту идораҳо ва манзилҳои шаҳрвандон зич ҷойгиранд.

Ба Шумо, мӯҳтарам Рамазон Раҳимзода, арзи сипос баён медорам, ки барои хизмати кормандони сохторҳои тобеъи Вазорати корҳои дохилии кишвар шароитҳои мусоидро - аз қабили техникаи ҳозиразамон, биноҳои обод, сузишворӣ ва ғайра - фароҳам овардаед. Дар баробари ин, кадрҳои арзандаеро ба монанди сардори Раёсати хадамоти давлатии оташнишонии вилояти Суғд полковники милитсия Шуҳрат Ахмедов тарбия намудаеду сари кор овардаед.

Ба Шумо, аҳли оилаатон ва ҳампешагону тобеонатон саломатӣ ва иқболи баланд таманно дорам.

Танатон ҳаргиз дардро набинад, хотиратон ҳаргиз ошуфта набошад, зеро Шумо дар паҳлӯи Президенти кишвар, Ҷаноби Олӣ Эмомалӣ Раҳмон ҳастеду худ нахобида, хоби орому зиндагии осоиштаи мардуми Тоҷикистонро бонӣ менамоед.

 

Бо эҳтиром - директори

ҶДММ «Рухсора» (ш.Хуҷанд)   Ойимқиз Қодирова

Видео

Ҳафтаномаи «Қонун ва Ҷомеа»

Табиат

Омор

3784480
ИмрӯзИмрӯз1375
МоҳМоҳ29495
ХамагиХамаги3784480

ФОҶ дар давраи таърихӣ ва муосир

Китоби Оперативно-розыскная деятельность: история и современность (Фаъолияти оперативӣ-ҷустуҷӯӣ: таърих ва замони муосир)-и Раҳимзода Рамазон Ҳамро – Вазири корҳои дохилӣ, генерал-лейтенанти милитсия, номзади илмҳои ҳуқуқ, Ҳуқуқшиноси шоистаиТоҷикистон, бо забони русӣ ба тозагӣ аз чоп баромад.

Дар китоб масъалаҳои таърихи ташаккул ва рушди фаъолияти оперативӣ-ҷустуҷӯӣ дар Тоҷикистони кӯҳан ва муосир, ки то ҳоло дар илми ҳуқуқшиносӣ инъикос нагардидаанд, дарҷ ёфтаанд.

Китоби мазкур барои омӯзгорон, адъюнктантҳо, шунавандагон, курсантҳо ва кормандони оперативии мақомоти ҳифзи ҳуқуқи Ҷумҳурии Тоҷикистон пешниҳод гардидааст.

Китоби тозанашри Вазири корҳои дохилӣ


Китоби Оперативно-розыскные мероприятия: правовые основы (Чорабиниҳои оперативӣ-ҷустуҷӯӣ: заминаҳои ҳуқуқӣ)-и Раҳимзода Рамазон Ҳамро – Вазири корҳои дохилӣ, генерал-лейтенанти милитсия, номзади илмҳои ҳуқуқ, Ҳуқуқшиноси шоистаи Тоҷикистон, бо забони муоширати байни миллатҳо – забони русӣ ба тозагӣ аз чоп баромад, ки дар он ташаккули фаъолияти оперативӣ-ҷустуҷӯӣ дар Тоҷикистони таърихӣ, инкишоф ва рушди заминаҳои ҳуқуқии фаъолияти оперативӣ-ҷустуҷӯӣ дар Тоҷикистони ҳозиразамон, мафҳуми баъзе хусусиятҳо ва тартиби гузаронидани чорабиниҳои оперативӣ-ҷустуҷӯӣ, инчунин тартиби пешниҳод намудани натиҷаҳои чорабиниҳои оперативӣ-ҷустуҷӯӣ ба муфаттишон, мақомоти таҳқиқ, прокурорҳо ва судҳо баррасӣ гардидаанд.

Китоби мазкур барои омӯзгорон, адъюнктантҳо, шунавандагон, курсантҳо ва кормандони оперативии мақомоти ҳифзи ҳуқуқи Ҷумҳурии Тоҷикистон пешкаш гардидааст.

Нашри сеюми китоби дарсии «Фаъолияти оперативӣ-ҷустуҷӯӣ»

Китоби дарсии «Фаъолияти оперативӣ-ҷустуҷӯӣ»-и Раҳимзода Рамазон Ҳамро бо назардошти талаботҳои санадҳои меъёрии ҳуқуқии навин омода гардида, ҷабҳаҳои умумии ин намуди фаъолияти ҳуқуқиро фарогир мебошад.

Китоби мазкур ба хотири пешбурди соҳаи мақомоти ҳифзи ҳуқуқи ҷумҳурӣ ба омӯзгорон, аспирантҳою адъюнктон, донишҷӯён, курсантону шунавандагон ва ба кормандони оперативӣ, муфаттишон, прокурорҳо, судяҳо, ҳимоячиҳо ва инчунин шаҳрвандон пешкаш мегардад. 

Телефони боварии Вазири корҳои дохилӣ

 

Телефонҳои боварии ҷузъу томҳои ВКД ҶТ

РВКД дар ш.Душанбе

(8372) 221-15-00


РВКД дар вилояти Суғд

(83422) 6-22-22

РВКД дар вилояти Хатлон

(83222) 2-13-13

РВКД дар ВМКБ

(83522) 2-21-21

Қисми минтақавии РВКД-и Хатлон дар  Кӯлоб

(83322) 3-39-79

РВКД дар минтақаи РАШТ

(83131) 2-21-21

Телефони 1919

Бо ташаббуси Вазири корҳои дохилӣ генерал-лейтенанти милитсия Раҳимзода Рамазон Ҳамро, дар Вазорати корҳои дохилӣ телефони пайвасткунандаи 1919 ба тамоми ҷузъу томҳои мақомоти корҳои дохилӣ дар ҳудуди Ҷумҳурии Тоҷикистон ба фаъолият оғоз намуд.

Шаҳрвандон метавонанд бо ин рақам ба воситаи телефонҳои мобилӣ, (GPRS, CDMA), хонагӣ, корӣ, занг зада, ба Раёсатҳо, Шӯъбаҳо ва ҷузъу томҳои мақомоти корҳои дохилӣ дар қаламрави кишвар пайваст шуда, арзу шикоят, дархост ва маълумоти худро расонанд.

КОДЕКС

                             Лоиҳа 

КОДЕКСИ ОДОБИ КОРМАНДИ ПОЛИТСИЯ 

1. Муқаррароти  умумӣ

     1) Кодекси одоби касбии корманди политсияи Ҷумҳурии Тоҷикистон (минбаъд-Кодекс), маҷмӯи қоидаҳои рафтори корманди политсия мебошад, ки ҳадди муошират, қоидаҳои рафтори хизматӣ ва ғайрихизматӣ, ки аз санадҳои меъёрии ҳуқуқии Ҷумҳурии Тоҷикистон, арзишҳои эътирофшудаи ахлоқи инсонӣ ва талаботи маънавии ҷамъият нисбат ба кормандон бармеояд, муайян менамояд.

     2) Мақсади Кодекси мазкур муқаррар намудани қоидаҳои рафтори хизматӣ ва ғайрихизматии корманди политсия (минбаъд-корманд), мусоидат кардан ҷиҳати баланд бардоштани обрӯ ва эътибори корманд, боварии шаҳрвандон ба мақомоти корҳои дохилии Ҷумҳурии Тоҷикистон ва таъмини меъёрҳои ягонаи рафтори корманди мақомоти корҳои дохилӣ мебошад.

     3) Амали Кодекси мазкур нисбат ба корманде, ки мансаби давлатиро дар мақомоти корҳои дохилӣ, мутобиқи қонунгузории амалкунандаи ҷумҳурӣ ва дигар санадҳои меъёрии ҳуқуқи ишғол менамояд, паҳн мегардад. 

Низомномаи Шӯрои ҷамъиятӣ

Низомномаи 

Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон

1. Муқаррароти умумӣ

1. Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон (минбаъд – Шӯрои ҷамъиятӣ) мақомоти ҷамъиятии машваратӣ - мушоҳидавӣ буда, бо мақсади ташкил ва таъмин намудани иштироки мустақим ва ғайримустақими шаҳрвандон дар ҷараёни ислоҳоти милитсия созмон дода шуда, доир ба ин мавзӯъ назардошту пешниҳоди аҳли ҷомеа ва шаҳрвандони алоҳидаро ҷиҳати татбиқунонӣ ва ташаккули сиёсати давлатӣ вобаста ба ҳамкории милитсия бо ҷомеаро ба маълумоти Ҳукумати Ҷумҳурии Тоҷикистон расонидан ва ба инобат гирифтани афкори ҷамъиятӣ, инчунин назорати ҷамъиятӣ аз рафти ислоҳоти милитсия, таъсис дода шудааст.

Оид ба истифодабарии итилооти сомона

Ҳамаи маводҳои Сомонаи расмии Вазорати корҳои  дохилии Ҷумҳурии Тоҷикистон дар дилхоҳ воситаҳои ахбори омма, дар серверҳои шабакаҳои интернетӣ ё ин, ки дар ҳама паҳнкунандаҳо бе  ягон мамоният бо андоза ва мӯҳлати нашр, метавонанд истифода бурда шаванд.

Истифодаи маводҳо ба ҳафтаномаҳо, маҷаллаҳо, шабакаҳои радиоӣ, телевизионӣ, сомонаҳо ва саҳифаҳои интернетӣ иҷозат дода мешавад. Шарти ягонаи истифодабарии маводҳои Сомонаи расмии Вазорати корҳои дохилии Ҷумҳурии Тоҷикистон нишон додани сарчашмаи аввалияи мавод мебошад (www.mvd.tj  www.vkd.tj).

Барои нашр ва чопи маводҳо аз ҷониби Вазорати корҳои дохилии Ҷумҳурии Тоҷикистон мувофиқаи пешакӣ талаб карда намешавад.

Хабарнигори фаврӣ

Дар сомонаи расмии ВКД Ҷумҳурии Тоҷикистон гӯшаи «Хабарнигори фаврӣ» (новобаста аз шаҳрвандӣ) таъсис дода шуд, ки шаҳрвандон метавонанд таъҷилан наворҳои видеоиро вобаста ба ҳодисаҳои ҷиноятӣ, ҳуқуқвайронкуниҳо, қонуншиканиҳо, ҳолатҳои фавқулодда, ҳодисаҳои табиӣ, сӯхтор, садамаҳои нохуши нақлиётӣ ва дигар ҳодисаю воқеаҳое, ки бозтоби васеи ҷамъиятӣ доранд, ирсол намоянд.

 «Хабарнигори фаврӣ» метавонад аз шабакаҳои иҷтимоии Viber, WhatsApp, IMO, Telegrams, WeChat бо рақами телефони мобилии (+ 992) 939 222 111 ва почтаи электронии Вазорати корҳои дохилии Ҷумҳурии Тоҷикистон Ця електронна адреса захищена від спам-ботів. вам потрібно увімкнути JavaScript, щоб побачити її.   истифода намуда, хабару наворҳои худро ба таври фаврӣ ирсол намояд.

Шаҳрвандон метавонанд маводҳои худро аз рӯи хоҳишмандӣ бо се забон: тоҷикӣ, русӣ ва англисӣ ирсол намоянд. 

Махфӣ нигоҳ доштани маълумот дар бораи шахсе, ки  маводро ирсол менамояд, кафолат дода мешавад.