Дубай: «Мо хазинадори ганҷи маъонием»

Муаррифӣ:  Султонов Дубай Умарович, 12 сола, дар шаҳри Кӯлоб дар оилаи ҳунарманд ба дунё омадааст. Ҳунарманди ансамбли «Сипар»-и Вазорати корҳои дохилӣ, ғолиби озмуни бачагонаи «Овози тиллоӣ», аз 2-солагӣ ба овозхонӣ шуғл варзида, дар синни 6-солагиаш дар озмуни ҷумҳуриявии «Фалак» дар шаҳри Кӯлоб иштирок намуда, дили ҳамагонро бо садои ҷаззобу дилнишинаш тасхир намудааст. Бештар дар жанрҳои «фалак» ва «эстрада» баромад намуда, сабку равиши санъати арбобони шоистаи ҳунари тоҷик Зафар Нозим, Дустмуроди Алӣ, Одина Ҳошим, Кароматуллои Қурбон, Давлатманди Хол ва Рустами Қосимро меписандад. Аз ин айёми хурдсоли завқи баланди ҳунармандӣ дошта, шаклҳои муосири санъатҳои сарояндагӣ аз ҷумла «Рэпсароӣ»-ро санъати хасакӣ, бегона ва ғайрикасбӣ мешуморад. Айни замон таҳсилкунандаи мактаби мусиқии №1 шаҳри Кӯлоб мебошад.

 

Шаби 26 ба 27 августи соли 2013 соатҳои тахминан 19-30 дақиқа, шаҳри Екатеринбурги вилояти Свердловски Федератсияи Россия. Дар шабнишиние, ки бахшида ба доир гардидани Мушовараи якҷояи Вазоратҳои корҳои дохилии Федератсияи Россия ва Ҷумҳурии Тоҷикистон дар толори барҳавои меҳмонхонаи «Хайёт-Реҷенси» багузор мегардид, ҳунармандони шинохтаи Федератсияи Россия Александр Платников, Сергей Дружинин, театри тарона ва рақси «Степ»,  оркестри хори «Урал» ва дигар ситораҳои санъати рус баромад мекарданд, ногоҳон ровӣ: «а теперь для вас выступает солист ансамбля «Сипар» МВД Республики Таджикистан Дубайи Умар»  гуфт ва ҳамагон ҳайрон шуданд, ки ин кӣ бошад?! Дубай бо чеҳраи зебову назифи кўдакона ва қошу абрувони зебои тоҷикона ба саҳна баромада, бо дуторчаи дасташ рӯи курсии мобайни саҳна ҷой гирифт. Навозиши маҳину дилнавози дуторчааш агарчӣ каме диққати ҳамагонро ба худ ҷалб намуда бошад ҳам, вале ҳамоно афсарону генералҳои олирутбаи ВКД Федератсияи Россия ва дигар меҳмонони олиқадр ба хўрокхўрӣ ва ба сӯҳбати худ андармон буданд. Аммо чун Дубай бо садои марғуладору ширини кўдаконаи худ бо равиши фалаки ноби тоҷикӣ навҳае сардод, ҳама аз хурду гуфтор бозмонданд ва то ба охир мутаваҷҷеҳи ҳунарнамоӣ воқеан дилкашу рӯҳнавози ў гардиданд. Баробари ба анҷом расидани сурудхонӣ муовини Вазири корҳои дохилии Федератсияи Россия Игорь Николаевич Зубов ба саҳна баромада, ўро бусид ва тўҳфаи арзишноке ба ў дода, гуфт: «Агар Худованд хоста бошаду то давраи ҷавонии ин кӯдак мо зиндаву саломат бошем, хоҳем дид, ки ў бо ин овози нотакрораш ситораи санъати ҷаҳонӣ хоҳад шуд!!!» ва он шаб новобаста аз ҳузури шумораи зиёди ҳунармандони мардумиву шоистаи Федератсияи Россия, бо хоҳишу дархости ҳамагон Дубайи хурдсол шаш маротиба рўи саҳна омада, ҳунари зебои худро нишон дода, бо забонҳои тоҷикиву русӣ сурудҳо сароид ва кафкубиҳои ҳозирин фазоро пур мекард…

- Дубайҷон марҳамат карда мегуфтӣ, ки устоди шумо дар ҷодаи санъат кист?

-  Ман дар оилаи санъаткор ба дунё омадаам, падарам, бобоям, амакҳоям ҳама ҳунарманданд, вале аслан навохтани асбобҳои мусиқӣ, сароидан ва ба хусус фалаксароиро падарам ба ман омӯзонидааст. Ман муаллимаи азизам Гулнора Ҳасанова ва роҳбари ансамбли «Сипар»-и Вазорати корҳои дохилӣ Амрохон Раҳимовро низ устодони худ медонам, ман аз онҳо бисёр нозукиҳои санъати сарояндагиро омӯхтаам ва омӯхта истодаам.

-   Кадом намудҳои асбобҳои мусиқиро навохта метавонӣ?

- Дутор, думра, рубоб, най, таблак, доира ва асбобҳои муосири барқии имрӯза корг ва ямахаро низ навохта метавонам.

- Аввалин маротиба кай баромад карда будед?

- Бори аввал дар кохи санъати шаҳри Кӯлоб дар озмуни «Фалак» дар шашсолагиам баромад намудам ва ҷоизадор гардидам. Баъд аз он маро дар ҳама чорабиниву озмунҳо ва ҷашну маросимҳои идона даъват мекарданд ва завқи ман ба санъат, аз ин бештар мегардид. 

Дар кадом жанрҳо баромад кардан бароят мақбул аст?

Ман бештар фалакро дӯст медорам, барои сароидани он душвори намекашам, ҳар шеъру мисраҳои пурмазмуне, ки ба дарди мардум мехӯрад, беихтиёр месароям ва он ба дили одамон ҷой мегирад ва писанд меояд.

Вале сурудҳои эстрадӣ низ ба ман хуш меоянд, ин намуди санъат талаби замон ва мувофиқи хоҳиши ҷавонон мебошад. Ман фақат рэпсароиро қабул карда наметавонам, агарчӣ баъзе рафиқонам рэпсаро мебошанд ва дар байни ҷавонон маҳбубият доранд. Ман умед мебандам, ки рафиқони рэпсаро аз ман малол намешаванд, вале ин санъат барои мо бегонааст, он хасакӣ ва ғайрикасбӣ мебошад. Ҳар нафар метавонад мисраҳои парокандаву кӯчагиро гирд оварда, рэпсаро шавад, вале на ҳар кас метавонад фалак сарояд. Фалак ин садои дили кӯҳсорони сарбарафлоки Тоҷикистонаст, ки дар дар он таърихи ниёгонамон нуҳуфтааст.

- Мо имрӯзҳо мутаассифона хеле зиёд мешунавем, ки бисёре аз сарояндагони тоҷик сурудҳоеро месароянд, ки онҳо сабуку бемаънӣ, суханҳои кӯчагӣ ва номаълумаст, ки онро кӣ эҷод кардааст, фикри Шумо дар ин хусус?

- Ман ҳоло ба умқи маънии мураккаби баъзе аз шеърҳое, ки классикони адабиёти форсу тоҷик эҷод кардаанд, сарфаҳм намеравам, вале ҳамин қадарро медонам, ки он чӣ ман месароям пучу бемаънӣ нестанд, ман медонам чӣ суруда истодаам. Илова бар ин ман ҳар як сурудамро аввал бо утодонам, ки олиму донишманд ҳастанд мувофиқа мекунам, калимаҳоеро, ки намефаҳмам мепурсам ва онгоҳ онро бо завқи тамом месароям. Ростӣ ба фикри ман барои сарояндагони мо сароидани сурудҳое, ки мазмуни баланд надоранд айбу шарм аст, зеро онқадар махзани шеъру суруде, ки мо дар ихтиёр дорем, гумон мекунам ҳеҷ миллати дигар надорад. Мо хазинадори ганҷи маъонӣ ҳастем.

- Нақшаҳои шумо дар оянда?

- Мехоҳам хуб таҳсил намоям, мактаби таҳсилоти умумӣ ва мактаби мусиқиро бо муваффақият хатм намоям ва ба донишгоҳҳои байналмиллалии соҳаи санъат дохил шавам. Санъати волои тоҷиконро ба оламиён муаррифӣ намоям.

- Ба шумо барои як сӯҳбати самимӣ изҳори сипосу ташаккур мекунем ва Худованд шуморо ба ҳама мақсадҳои неку хайр расонад. Агар гуфтание доред марҳамат?

- Мехоҳам Тоҷикистони азизамон боз ҳам ободу зебо гардад ва мардуми сарбаландаш шоду хуррам ва хушбахту саодатмандона зиндагӣ намоянд. Ҳамеша дар ҳар хонадони мардуми тоҷик садои мусиқӣ ва тӯю сур бошад.

Мусоҳиб: М. Асадуллоев

Видео

Ҳафтаномаи «Қонун ва Ҷомеа»

Табиат

Омор

3824037
ИмрӯзИмрӯз108
МоҳМоҳ23542
ХамагиХамаги3824037

ФОҶ дар давраи таърихӣ ва муосир

Китоби Оперативно-розыскная деятельность: история и современность (Фаъолияти оперативӣ-ҷустуҷӯӣ: таърих ва замони муосир)-и Раҳимзода Рамазон Ҳамро – Вазири корҳои дохилӣ, генерал-лейтенанти милитсия, номзади илмҳои ҳуқуқ, Ҳуқуқшиноси шоистаиТоҷикистон, бо забони русӣ ба тозагӣ аз чоп баромад.

Дар китоб масъалаҳои таърихи ташаккул ва рушди фаъолияти оперативӣ-ҷустуҷӯӣ дар Тоҷикистони кӯҳан ва муосир, ки то ҳоло дар илми ҳуқуқшиносӣ инъикос нагардидаанд, дарҷ ёфтаанд.

Китоби мазкур барои омӯзгорон, адъюнктантҳо, шунавандагон, курсантҳо ва кормандони оперативии мақомоти ҳифзи ҳуқуқи Ҷумҳурии Тоҷикистон пешниҳод гардидааст.

Китоби тозанашри Вазири корҳои дохилӣ


Китоби Оперативно-розыскные мероприятия: правовые основы (Чорабиниҳои оперативӣ-ҷустуҷӯӣ: заминаҳои ҳуқуқӣ)-и Раҳимзода Рамазон Ҳамро – Вазири корҳои дохилӣ, генерал-лейтенанти милитсия, номзади илмҳои ҳуқуқ, Ҳуқуқшиноси шоистаи Тоҷикистон, бо забони муоширати байни миллатҳо – забони русӣ ба тозагӣ аз чоп баромад, ки дар он ташаккули фаъолияти оперативӣ-ҷустуҷӯӣ дар Тоҷикистони таърихӣ, инкишоф ва рушди заминаҳои ҳуқуқии фаъолияти оперативӣ-ҷустуҷӯӣ дар Тоҷикистони ҳозиразамон, мафҳуми баъзе хусусиятҳо ва тартиби гузаронидани чорабиниҳои оперативӣ-ҷустуҷӯӣ, инчунин тартиби пешниҳод намудани натиҷаҳои чорабиниҳои оперативӣ-ҷустуҷӯӣ ба муфаттишон, мақомоти таҳқиқ, прокурорҳо ва судҳо баррасӣ гардидаанд.

Китоби мазкур барои омӯзгорон, адъюнктантҳо, шунавандагон, курсантҳо ва кормандони оперативии мақомоти ҳифзи ҳуқуқи Ҷумҳурии Тоҷикистон пешкаш гардидааст.

Нашри сеюми китоби дарсии «Фаъолияти оперативӣ-ҷустуҷӯӣ»

Китоби дарсии «Фаъолияти оперативӣ-ҷустуҷӯӣ»-и Раҳимзода Рамазон Ҳамро бо назардошти талаботҳои санадҳои меъёрии ҳуқуқии навин омода гардида, ҷабҳаҳои умумии ин намуди фаъолияти ҳуқуқиро фарогир мебошад.

Китоби мазкур ба хотири пешбурди соҳаи мақомоти ҳифзи ҳуқуқи ҷумҳурӣ ба омӯзгорон, аспирантҳою адъюнктон, донишҷӯён, курсантону шунавандагон ва ба кормандони оперативӣ, муфаттишон, прокурорҳо, судяҳо, ҳимоячиҳо ва инчунин шаҳрвандон пешкаш мегардад. 

Телефони боварии Вазири корҳои дохилӣ

 

Телефонҳои боварии ҷузъу томҳои ВКД ҶТ

РВКД дар ш.Душанбе

(8372) 221-15-00


РВКД дар вилояти Суғд

(83422) 6-22-22

РВКД дар вилояти Хатлон

(83222) 2-13-13

РВКД дар ВМКБ

(83522) 2-21-21

Қисми минтақавии РВКД-и Хатлон дар  Кӯлоб

(83322) 3-39-79

РВКД дар минтақаи РАШТ

(83131) 2-21-21

Телефони 1919

Бо ташаббуси Вазири корҳои дохилӣ генерал-лейтенанти милитсия Раҳимзода Рамазон Ҳамро, дар Вазорати корҳои дохилӣ телефони пайвасткунандаи 1919 ба тамоми ҷузъу томҳои мақомоти корҳои дохилӣ дар ҳудуди Ҷумҳурии Тоҷикистон ба фаъолият оғоз намуд.

Шаҳрвандон метавонанд бо ин рақам ба воситаи телефонҳои мобилӣ, (GPRS, CDMA), хонагӣ, корӣ, занг зада, ба Раёсатҳо, Шӯъбаҳо ва ҷузъу томҳои мақомоти корҳои дохилӣ дар қаламрави кишвар пайваст шуда, арзу шикоят, дархост ва маълумоти худро расонанд.

КОДЕКС

                             Лоиҳа 

КОДЕКСИ ОДОБИ КОРМАНДИ ПОЛИТСИЯ 

1. Муқаррароти  умумӣ

     1) Кодекси одоби касбии корманди политсияи Ҷумҳурии Тоҷикистон (минбаъд-Кодекс), маҷмӯи қоидаҳои рафтори корманди политсия мебошад, ки ҳадди муошират, қоидаҳои рафтори хизматӣ ва ғайрихизматӣ, ки аз санадҳои меъёрии ҳуқуқии Ҷумҳурии Тоҷикистон, арзишҳои эътирофшудаи ахлоқи инсонӣ ва талаботи маънавии ҷамъият нисбат ба кормандон бармеояд, муайян менамояд.

     2) Мақсади Кодекси мазкур муқаррар намудани қоидаҳои рафтори хизматӣ ва ғайрихизматии корманди политсия (минбаъд-корманд), мусоидат кардан ҷиҳати баланд бардоштани обрӯ ва эътибори корманд, боварии шаҳрвандон ба мақомоти корҳои дохилии Ҷумҳурии Тоҷикистон ва таъмини меъёрҳои ягонаи рафтори корманди мақомоти корҳои дохилӣ мебошад.

     3) Амали Кодекси мазкур нисбат ба корманде, ки мансаби давлатиро дар мақомоти корҳои дохилӣ, мутобиқи қонунгузории амалкунандаи ҷумҳурӣ ва дигар санадҳои меъёрии ҳуқуқи ишғол менамояд, паҳн мегардад. 

Низомномаи Шӯрои ҷамъиятӣ

Низомномаи 

Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон

1. Муқаррароти умумӣ

1. Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон (минбаъд – Шӯрои ҷамъиятӣ) мақомоти ҷамъиятии машваратӣ - мушоҳидавӣ буда, бо мақсади ташкил ва таъмин намудани иштироки мустақим ва ғайримустақими шаҳрвандон дар ҷараёни ислоҳоти милитсия созмон дода шуда, доир ба ин мавзӯъ назардошту пешниҳоди аҳли ҷомеа ва шаҳрвандони алоҳидаро ҷиҳати татбиқунонӣ ва ташаккули сиёсати давлатӣ вобаста ба ҳамкории милитсия бо ҷомеаро ба маълумоти Ҳукумати Ҷумҳурии Тоҷикистон расонидан ва ба инобат гирифтани афкори ҷамъиятӣ, инчунин назорати ҷамъиятӣ аз рафти ислоҳоти милитсия, таъсис дода шудааст.

Оид ба истифодабарии итилооти сомона

Ҳамаи маводҳои Сомонаи расмии Вазорати корҳои  дохилии Ҷумҳурии Тоҷикистон дар дилхоҳ воситаҳои ахбори омма, дар серверҳои шабакаҳои интернетӣ ё ин, ки дар ҳама паҳнкунандаҳо бе  ягон мамоният бо андоза ва мӯҳлати нашр, метавонанд истифода бурда шаванд.

Истифодаи маводҳо ба ҳафтаномаҳо, маҷаллаҳо, шабакаҳои радиоӣ, телевизионӣ, сомонаҳо ва саҳифаҳои интернетӣ иҷозат дода мешавад. Шарти ягонаи истифодабарии маводҳои Сомонаи расмии Вазорати корҳои дохилии Ҷумҳурии Тоҷикистон нишон додани сарчашмаи аввалияи мавод мебошад (www.mvd.tj  www.vkd.tj).

Барои нашр ва чопи маводҳо аз ҷониби Вазорати корҳои дохилии Ҷумҳурии Тоҷикистон мувофиқаи пешакӣ талаб карда намешавад.

Хабарнигори фаврӣ

Дар сомонаи расмии ВКД Ҷумҳурии Тоҷикистон гӯшаи «Хабарнигори фаврӣ» (новобаста аз шаҳрвандӣ) таъсис дода шуд, ки шаҳрвандон метавонанд таъҷилан наворҳои видеоиро вобаста ба ҳодисаҳои ҷиноятӣ, ҳуқуқвайронкуниҳо, қонуншиканиҳо, ҳолатҳои фавқулодда, ҳодисаҳои табиӣ, сӯхтор, садамаҳои нохуши нақлиётӣ ва дигар ҳодисаю воқеаҳое, ки бозтоби васеи ҷамъиятӣ доранд, ирсол намоянд.

 «Хабарнигори фаврӣ» метавонад аз шабакаҳои иҷтимоии Viber, WhatsApp, IMO, Telegrams, WeChat бо рақами телефони мобилии (+ 992) 939 222 111 ва почтаи электронии Вазорати корҳои дохилии Ҷумҳурии Тоҷикистон Ця електронна адреса захищена від спам-ботів. вам потрібно увімкнути JavaScript, щоб побачити її.   истифода намуда, хабару наворҳои худро ба таври фаврӣ ирсол намояд.

Шаҳрвандон метавонанд маводҳои худро аз рӯи хоҳишмандӣ бо се забон: тоҷикӣ, русӣ ва англисӣ ирсол намоянд. 

Махфӣ нигоҳ доштани маълумот дар бораи шахсе, ки  маводро ирсол менамояд, кафолат дода мешавад.