Бахшида ба 85-солагии таъсисёбии Хадамоти давлатии оташнишонии ВКД Ҷумҳурии Тоҷикистон

                                                     Хадамоти давлатии оташнишонӣ – вазифа ва ӯҳдадориҳои он

Хадамоти давлатии оташнишонӣ яке аз хадамотиҳои бонуфузи Вазорати корҳои дохилӣ ба шумор рафта, фаъолияти он асосан дар ду самт; омодагӣ барои сӯхторхомӯшкунӣ ва назорати давлатии бехатарӣ аз сӯхтор амалӣ карда мешавад.

Назорати давлатии бехатарӣ аз сӯхтор ин маҷмӯи чорабиниҳои профилактикие мебошад, ки аз ҷониби шахсони мансабдори мақомоти давлатӣ бо мақсади пешгирӣ намудани ҳодисаҳои сӯхтор ва таъмини риояи ҳатмии талаботи қоидаҳои бехатарӣ аз сӯхтори амалкунанда, дар тамоми субъектҳои хоҷагидор, новобаста аз шакли моликият ва тобеияти идоравиашон, инчунин ҷиҳати таъмини амнияти шаҳрвандон, ҳифзи ҳаёту саломатии онҳо ва эмин нигоҳ доштани тамоми намудҳои моликият, ба амал бароварда мешавад.

Дар навбати худ назорати давлатии бехатарӣ аз сӯхтор дар  самтҳои мушаххасе амалӣ карда мешавад, ки дар алоҳидагӣ самтҳои мазкур моҳияти асосии фаъолияти назорати давлатии бехатарӣ аз сӯхторро ташкил медиҳанд.

Тибқи муқарарроти санадҳои меъёрӣ - ҳуқуқии амалкунанда, ки фаъолияти назорати давлатии бехатарӣ аз сӯхторро ба танзим медароранд, самтҳои асосии фаъолияти он инҳо мебошад:

  1. Фаъолияти назоратӣ дар иншооти хоҷагии халқ ва маҳаллаҳои аҳолинишин;
  2. Фаъолияти меъёрӣ - техникӣ вобаста ба риояи талаботи зидди сӯхтори меъёру қоидаҳои сохтмонӣ ҳангоми лоиҳакашӣ, сохтмон, таҷдид ва азнавсозии иншооти таъиноти гуногун;
  3. Фаъолияти маъмурӣ - ҳуқуқӣ;       
  4. Фаъолияти тақҳиқотӣ аз рўйи ҳодисаҳои сӯхтор;
  5. Фаъолияти тарғиботию ташвиқотӣ оид ба омӯзонидани аҳолӣ ва коргарону хизматчиён бо қоидаҳои бехатарӣ аз сӯхтор;
  6. Кор бо созмонҳои ҷамъиятӣ - Дастаҳои идоравии оташнишонӣ ва комиссияҳои оташнишонӣ -техникӣ;

Бо мақсади васеътар омӯхтани фаъолияти назорати давлатии бехатарӣ аз сӯхтор, самтҳои асосии онро мавриди таҳлилу баррасии амиқ қарор медиҳем.

Фаъолияти назоратӣ бо мақсади таъмини риояи ҳатмии талаботи қоидаҳои назорати давлатии бехатарӣ аз сӯхтор дар тамоми иншооти хоҷагии халқ ва маҳаллаҳои аҳолнишин амалӣ карда мешавад. Он дар шакли санҷишҳои вазъи бехатарӣ аз сўхтор, ки дар асоси талаботи қонунгузорӣ ва мувофиқи нақшаҳои корӣ гузаронида мешаванд, ба амал бароварда мешавад. Санҷишҳои мазкур ба муфассал, назоратӣ ва фаврӣ ҷудо шуда, вобаста ба таъиноти иншоот ва дараҷаи оташхатарнокии он дар марҳилаҳои гуногун гузаронида мешаванд.

Мақсади гузаронидани санҷишҳои вазъи бехатарӣ аз сӯхтори иншооти хоҷагии халқ аз як тараф ошкор ва бартараф намудани он камбудиҳое мебошад, ки дар давоми фаъолияти иншоот ба миён омадаанд. Аз ҷониби дигар бошад, дар рафти гузаронидани санҷишҳои вазъи бехатарӣ аз сӯхтор, шахси мансабдори мақомоти назорати давлатии бехатарӣ аз сӯхтор, дар баробари ошкор намудани камбудиҳои ҷойдошта, ба роҳбарияти иншоот иҷрои маҷмӯи чорабиниҳои профилактикиеро пешниҳод менамояд, ки дар сурати ба амал омадани сӯхтор, раванди хомӯш намудан ва  бартарафсозии оқибатҳои ногувори онро то ҳадди имкон содда мегардонанд. 

Агар аз рӯйи натиҷаҳои санҷиши муфассал ба маъмурияти иншоот барои иҷроиш амрномаи мақомоти назорати давлатии бехатарӣ аз сӯхтор пешниҳод карда шавад, пас ҳангоми санҷиши назоратӣ аслан рафти иҷроиши чорабиниҳои пешниҳодшуда мавриди санҷиш қарор дода мешавад. Вобаста ба натиҷаҳои санҷиши назоратӣ нисбати роҳбарияти иншоот ва дигар шахсони масъул, ки дар иҷрои ӯҳдадориҳояшон доир ба таъмини бехатарӣ аз сӯхтор саҳлангорӣ зоҳир намудаанд, дар доираи ваколатҳои назорати давлатии бехатарӣ аз сӯхтор, ки тибқи қонунгузории амалкунанда пешбинӣ гардидаанд, тадбирҳои дахлдор татбиқ карда мешаванд.           

Фаъолияти меъёрӣ-техникӣ вобаста ба риояи талаботи зидди сӯхтори меъёру қоидаҳои сохтмонӣ ҳангоми лоиҳакашӣ, сохтмон, таҷдид ва азнавсозии иншооти таъиноти гуногун самти асосии фаъолияти назорати давлатии бехатарӣ аз сӯхтор ба ҳисоб меравад.

Барои дар сатҳи зарурӣ ба роҳ мондани самти зикргардида шахсони мансабдори мақомоти назорати давлатии бехатарӣ аз сӯхторро зарур аст, ки фаъолияти худро дар заминаи ҳамкориҳои мустаҳкаму судманд бо ташкилоти лоиҳакашӣ ва пудратӣ ба роҳ монанд.

Зеро, ҳанӯз дар марҳилаи лоиҳакашӣ ва мавриди баррасӣ қарор гирифтани лоиҳаи сохтмони иншоот, кормандони назорати давлатии бехатарӣ аз сӯхтор лоиҳаи пешниҳодгардидаро санҷида, ҳалҳои меъмории аз тарафи лоиҳакаши иншоот қабулшударо бо талаботи зидди сӯхтори меъёру қоидаҳои сохтмонии амалкунанда муқоиса менамоянд.

Дар сурати муайян намудани ҳолатҳои риоя нагардидани талаботи мазкур, дарҳол аз муаллифи лоиҳа бартараф намудани камбудии роҳдодаро талаб кардан зарур аст. Танҳо баъди пурра ислоҳ гардидани камбудиҳои ҷойдошта ва ба талаботи зидди сӯхтори меъёру қоидаҳои сохтмонӣ ҷавобгӯ будани он, лоиҳаи сохтмон, таҷдид ва ё азнавсозии иншоот аз тарафи мақомоти назорати давлатии бехатарӣ аз сӯхтор мувофиқа карда мешавад.

Ҳангоми мувофиқасозии лоиҳаҳо, ғайр аз муқоиса намудани он ба меъёрҳои амалкунанда, шахси мансабдори мақомоти назорати давлатии бехатарӣ аз сӯхторро лозим аст, ки ба фармоишгар, намояндагони ташкилоти лоиҳакашӣ ва пудратӣ дар доираи талаботи меъёрҳои сохтмонӣ иҷрои як қатор чорабиниҳои зиддисӯхториро пешниҳод намояд. Масалан, дар ҳолатҳои зарурӣ пешбинӣ намудани роҳу баромадгоҳҳои иловагӣ, насби насосҳои баландкунандаи фишори об дар қубури зиддисӯхтории дохили бино, вобаста ба ҳаҷми иншоот пешбинӣ намудани манбаҳои оби оташнишонии берунӣ, таъмин намудани бино бо воситаҳои   автоматикии   аз   сӯхтор   воқифкунанда, бо рӯшноии садамавӣ таъмин намудани роҳраву баромадгоҳҳо ва ғайраҳо он чорабиниҳое мебошанд, ки дар марҳилаи лоиҳакашӣ ва сохтмони иншоот бояд ҳалли худро ёбанд. То ин ки ҳангоми мавриди истифодабарӣ қарор гирифтани иншоот ва ба амал омадани ҳодисаи сӯхтор, мушкилоти иловагӣ ба миён наоянд.

 

Фаъолияти маъмурӣ-ҳуқуқии назорати давлатии бехатарӣ аз сӯхтор дар асоси талаботи қонунгузории амалкунанда, аз он ҷумла, кодексҳои ҳуқуқвайронкуниҳои маъмурӣ ва ҷиноятӣ ба амал бароварда мешавад.

Ин самти фаъолият механизми маҷбуркуниеро ташкил медиҳад, ки аз тарафи қонунгузор ҷиҳати таъмини риояи талаботи қоидаҳои назорати давлатии бехатарӣ аз сӯхтор пешбинӣ гардидааст. Яъне, мақомоти назорати давлатии бехатарӣ аз сӯхтор дар сурати муайян намудани ҳолатҳои вайрон кардани талаботи қоидаҳои бехатарӣ аз сўхтор, дорои ваколатҳое мебошад, ки бо истифода аз онҳо метавонад, роҳбарияти иншоот ва дигар вайронкунандагони қоидаҳои амалкунандаро бо таҳдиди татбиқ намудани чораҳои маъмурӣ ва ҷиноятӣ ба бартараф намудани камбудиҳои ҷойдошта маҷбур созад.

Дар баробари ин, бояд қайд кард, ки назорати давлатии бехатарӣ аз сӯхтор мақомоти таъқибкунанда набуда, мақсади асосӣ ва ягонаи фаъолияти он аз амалӣ намудани корҳои фаҳмондадиҳӣ ва пешгирии ҳодисаҳои нохуши сӯхтор иборат аст. Танҳо дар ҳолатҳои зарурӣ ва ошкор намудани далелҳои дағалона вайрон кардани қоидаҳои бехатарӣ аз сӯхтор, ки метавонанд боиси ба амал омадани оқибатҳои ногувор гарданд, назорати давлатии бехатарӣ аз сӯхтор аз ваколатҳои қайдшуда истифода мебарад.

Таҷрибаи корӣ нишон медиҳад, ки аксаран ин чораи маҷбуркунӣ натиҷаҳои дилхоҳ дода, роҳбарони иншоот баъди нисбати онҳо татбиқ намудани чораҳои маъмурӣ, монанди ҷалб намудан ба ҷарима ба маблағҳои гуногун дар самти таъмини бехатарӣ аз сӯхтори иншоот тадбирҳои заруриро меандешанд. Пас хулоса кардан мумкин аст, ки фаъолияти маъмурӣ-ҳуқуқии назорати давлатии бехатарӣ аз сӯхтор ба беҳтар гардидани вазъи бехатарӣ аз сӯхтори иншоот ва риояи талаботи қоидаҳои бехатарӣ аз сӯхтор аз ҷониби субъектҳои хоҷагидор мусоидат менамояд.              

Фаъолияти таҳқиқоти назорати давлатии бехатарӣ аз сӯхтор тибқи қонунгузории амалкунандаи Ҷумҳурии Тоҷикистон, аз ҷумла муқаррароти Кодекси мурофиавии ҷиноятӣ муайян карда шудааст.

Аз рўйи ҳамаи ҳодисаҳои сӯхторе, ки ба амал меоянд, мақомоти назорати давлатии бехатарӣ аз сӯхтор санҷиш гузаронида, дар ҳолатҳои аз тарафи қонунгузор муайяншуда фаъолияти  таҳқиқотӣ мебарад.

Мақсад аз гузаронидани санҷиш оид ба ҳодисаҳои сӯхтор, қабл аз ҳама муайян намудани сабабҳои ба амал омадани сӯхтор, шахсони гунаҳкори он ва қабул намудани қарори қонунӣ мебошад. Дар сурати дар амалҳои шахсони гунаҳкор ҷой доштани аломатҳои таркиби ҷиноят, аз рӯи ҳодисаи мазкур парвандаи ҷиноятӣ оғоз карда шуда, аз рўйи тобеияти тафтишотӣ ба мақомоти дахлдор ирсол карда мешавад.

Бояд илова намуд, ки ба ғайр аз муайян намудани сабаб ва шахсони гунаҳкор, санҷиши ҳодисаҳои сӯхтор дар муайян намудани самтҳои муҳими фаъолияти назорати давлатии бехатарӣ аз сӯхтор вобаста ба вазъияти фаврии ба амаломада низ нақши босазоеро мебозад. Зеро дар асоси таҳлили ҳодисаҳои сӯхтори ба амаломада аз рӯйи сабабҳо, объектҳои баамалоӣ, вақт, тобеияти идоравӣ ва ғайраҳо чорабиниҳои фаҳмондадиҳӣ иловагӣ таҳия мегарданд, ки бевосита баҳри пешгирии ҳодисаҳои сӯхтор равона карда мешаванд. 

Инчунин, маҳз дар натиҷаи таҳлилҳое, ки дар рафти таҳқиқи  ҳодисаҳои  сӯхтор ба даст меоянд, мутасаддиёни хадамоти давлатии оташнишонӣ метавонанд маҷмӯи чорабиниҳои пешгирикунандаи амалиеро таҳия намоянд, ки дар оянда боиси коҳиш ёфтани шумораи сӯхторҳо гардад. Масалан, дар як давраи муайян рўй додани ҳодисаҳои сўхторе, ки бо сабаби истифодабарии асбобҳои маишии барқии истеҳсоли ин ва ё он ширкати хориҷӣ сар задаанд, бештар ба назар мерасад. Дар ин сурат, хадамоти давлатии оташнишонӣ дар асоси далелҳои асоснок метавонад ба мақомотҳои дахлдори давлатӣ вобаста ба манъ намудани воридоти чунин таҷҳизоти бесифати ба стандарти давлатии Тоҷикистон ҷавобгӯ набуда, таклифу пешниҳодҳои худро манзур намояд.

Дар ҷабҳаи таъмини бехатарӣ аз сӯхтори иншооти хоҷагии халқ ва маҳаллаҳои аҳолинишин фаъолияти тарғиботию ташвиқотии назорати давлатии бехатарӣ аз сӯхтор мавқеи назаррас дорад.

Маҳз тавассути фаъолияти дурусти тарғиботию ташвиқотӣ, ки дар заминаи ҳамкориҳои судманд бо воситаҳои ахбори омма, аз қабили радио, телевизион, матбуоти даврӣ бо роҳи омода ва пешкаши аҳолӣ гардонидани навору гузоришҳо ва чопи хабару мақолаҳои мухталиф амалӣ карда мешавад, метавон дар пешгирии ҳодисаҳои сӯхтор ва оқибатҳои нохуши он ба натиҷаҳои дилхоҳ ноил гардид.

Бешубҳа, ҳангоме ки шаҳрвандон ва ё шахсони мансабдори иншооти хоҷагии халқ мунтазам тариқи воситаҳои ахбори омма аз оқибатҳои ногувори ин ва ё он ҳодисаи сӯхтор воқиф мегарданд, кӯшиш мекунанд, ки дар манзилҳои истиқоматӣ ва иншоотҳояшон камбудиҳои дар самти таъмини бехатарӣ аз сӯхтор ҷойдоштаро бартараф намоянд.

Самти дигари фаъолияти тарғиботию ташвиқотӣ омӯзонидани аҳолӣ бо қоидаҳои бехатарӣ аз сўхтор дар ҷойҳои зисташон ба ҳисоб меравад. Дар сурати барпо намудани робитаҳои мустаҳками корӣ бо намояндагони    хоҷагиҳои манзилӣ-коммуналӣ ва шўроҳои маҳаллаҳо, гузаронидани сӯҳбату вохўриҳо бо сокинони маҳаллаҳо ва дар байни онҳо паҳн намудани воситаҳои аёнии тарғиботӣ метавон ба паст рафтани шумораи сӯхторҳо дар маҳаллаҳои аҳолинишин мусоидат кард.

Ба ҳамин монанд, гузаронидани минимумҳои оташнишонӣ-техникӣ ва сӯҳбату дастурамалҳои дахлдор бо коргарону хизматчиёни иншооти хоҷагии халқ низ дар самти таҳкими бехатарӣ аз сӯхтор ва таъмини риояи талаботи қоидаҳои бехатарӣ аз сӯхтор аз манфиат холӣ нахоҳад буд.     

Кор бо созмонҳои ҷамъиятӣ – Дастаҳои идоравии оташнишонӣ ва комиссияҳои оташнишонӣ-техникӣ низ аз самтҳои асосии фаъолияти назорати давлатии бехатарӣ аз сӯхтор ба шумор меравад.

Бо Қарори Ҳукумати Ҷумҳурии Тоҷикистон аз 7 декабри соли 1995 таҳти №726 Низомнома «Дар бораи дастаҳои идоравии оташнишонӣ ва комиссияҳои оташнишонӣ-техникӣ» тасдиқ карда шудааст.

Низомномаи мазкур тарзу усулҳои ташкил намудани созмонҳои ҷамъиятии мазкур, ҳуқуқу вазифаҳо, таъминоти иҷтимоӣ, молиявӣ ва ғайраҳоро муқаррар намудааст.

Дастаҳои идоравии оташнишонӣ ва комиссияҳои оташнишонӣ-техникӣ аз зумраи он созмонҳои ҷамъиятие ба шумор мераванд, ки дар сурати дуруст ва дар сатҳи зарурӣ ба роҳ мондани фаъолияти онҳо, дар симои ин созмонҳо ташкилотҳои мададгореро ёфтан мумкин аст, ки дар таҳкими бехатарӣ аз сӯхтор ва таъмини риояи талаботи қонунгузории амалкунанда марбут ба бехатарӣ аз сӯхтор ҳиссаи босазои худро хоҳанд гузошт.

Барои ин, қабл аз ҳама намояндагони мақомоти назорати давлатии бехатарӣ аз сӯхтор бояд, ки ба роҳбарияти иншооти хоҷагии халқ дар ташкил намудани Дастаҳои идоравии оташнишонӣ ва комиссияҳои оташнишонӣ-техникӣ кӯмаки бевоситаи худро расонида, бо аъзоёни созмонҳои мазкур вобаста ба омӯзиши вазифаҳои хизматиашон машғулиятҳои алоҳидаро гузаронанд.

Имрӯзҳо дар кулли ҷузъу томҳои хадамоти давлатии оташнишонии ҷумҳурӣ нарасидани воҳидҳои корӣ, бахусус нозирони назорати давлатии бехатарӣ аз сӯхтор баръало эҳсос карда мешавад. Дар аксари минтақаҳои кишвар, алалхусус ноҳияҳои дурдаст, нозирони назорати давлатии бехатарӣ аз сӯхтор имконияти  ба  қадри зарурӣ  дар  амал татбиқ намудани фаъолияти худро надоранд. Ин омил бешубҳа дар таъмини бехатарӣ аз сӯхтори иншооти хоҷагии халқ ва маҳаллаҳои аҳолинишин таъсири манфии худро мегузорад.

Аз ин лиҳоз, зарурати беш аз пеш ба таври густурда ба роҳ мондани ҳамкориҳои судманд байни назорати давлатии бехатарӣ аз сӯхтор ва созмонҳои ҷамъиятии зикргардида ба миён омадааст.

Барои ин, шахсони мансабдори мақомоти назорати давлатии бехатарӣ аз сӯхторро зарур аст, ки вобаста ба гузаронидани машғулиятҳои назариявӣ ва амалӣ бо аъзоёни дастаҳои идоравии оташнишонӣ ва комиссияҳои оташнишонӣ-техникии иншооти хоҷагии халқ тадбирҳои таъхирнопазир андешанд. Инчунин дар робита бо маъмурияти иншоот ва мақомотҳои иҷроияи маҳалии ҳокимияти давлатӣ дар шаҳру ноҳияҳо масъалаҳои таъмин намудани созмонҳои мазкур бо маводҳои тарғиботии аёнӣ, таҷҳизотҳои махсус ва воситаҳои аввалиндараҷаи оташнишониро мавриди баррасӣ қарор дода, дар ҳалли ниҳоии онҳо мусоидат намоянд.

Агар ба зиммаи дастаҳои идоравии оташнишонӣ омодабошии доимӣ вобаста ба таъмини бехатарӣ аз сӯхтор, саривақт ошкор намуда, ба хадамоти давлатии оташнишонӣ расонидани хабар оиди сӯхтори ба амаломада ва мусоидат намудан дар раванди хомӯш кардани он вогузор шуда бошад, пас вазифаи асосии комиссияи оташнишонӣ-техникӣ ин амалӣ намудани назорати доимӣ аз болои риояи ҳатмии талаботи қоидаҳои бехатарӣ аз сӯхтор, мақсаднок истифода бурдан ва дар ҳолати коршоямии доимӣ нигоҳ доштани манбаъҳои об ва воситаҳои аввалиндараҷаи оташнишонӣ ба ҳисоб меравад.

Иҷрои вазифаҳои мазкур танҳо дар сурати ҳамкорӣ кардан ва дастгирӣ ёфтан аз тарафи мақомоти назорати давлатии бехатарӣ аз сўхтор имконпазир хоҳад буд.

Ҳамин тариқ, самтҳои асосии фаъолияти мақомоти назорати давлатии бехатарӣ аз сӯхторро мавриди таҳлилу баррасӣ қарор дода, бори дигар боварӣ ҳосил намудем, ки ҳар як самти фаъолияти он дар ниҳояти кор ба рафъи мушкилоти кормандони бахши  сўхторхомўшкунӣ равона гардидааст.

Яъне, фаъолияти бахши сӯхторхомӯшкунии хадамоти давлатии оташнишонӣ бевосита аз сифати фаъолияти назорати давлатии бехатарӣ аз сӯхтор вобастагӣ дорад. 

Дар ҷамъбаст бармегардем боз ба сари мавзӯи баҳсӣ, ки кадоме аз самтҳои фаъолияти хадамоти давлатии оташнишонӣ – бахши сўхторхомўшкунӣ ё назорати давлатии бехатарӣ аз сўхтор пояи асосии ин хадамот ба шумор меравад?

Бигузор ҷавоби ин суолро худи кормандони амалӣ муайян намоянд.

Зеро муҳим он нест, ки кадом аз самтҳо пояи асосии хадамот ба ҳисоб меравад. Муҳим он аст, ки пайи иҷрои ӯҳдадориҳои вазифавиамон дар таъмини амнияти шаҳрвандон, ҳифзи ҳаёту саломатии онҳо ва эмин нигоҳ доштани моликияти ҷамъиятӣ ва давлатӣ қувваю воситаҳои ҳар ду самтро якҷоя карда, дар рушду инкишофи Давлати тозабунёди тоҷикон софдилона ва беғаразона меҳнат намоем. Ана ҳамин омил метавонад боиси болоравии обрӯю эътибори хадамоти давлатии оташнишонӣ гардида, эътимоду боварии халқи Тоҷикистонро ба мо – кормандони хадамоти давлатии оташнишонӣ афзун намояд.       

Танҳо ҳаминро мехоҳем қайд намоем, ки хадамоти давлатии оташнишонӣ, ки имсол 85-умин солгарди таъсисёбии онро ҷашн хоҳем гирифт, мувофиқи сарчашмаҳои таърихӣ (Китоби С.Ш.Ғаюров «Таърихи оташ ва оташнишонони Тоҷикистон», Душанбе, нашриёти «Ирфон», соли 2007») дар ибтидо бо Қарори Кумитаи Марказии иҷроияи Шӯрои комиссарони халқии Ҷумҳурии мухтори шӯравӣ-сотсиалистии Тоҷикистон аз 30 июли соли 1928 дар шакли «Назорати давлатии бехатарӣ» таъсис ёфта, то ҳол ин рӯз ҳамчун рӯзи таъсисёбии хадамоти давлатии оташнишонӣ таҷлил карда мешавад.

Толиб Ҳаётов, Кароматулло Абдуллоев, СХДО ВКД ҶТ

Видео

Ҳафтаномаи «Қонун ва Ҷомеа»

Табиат

Омор

3824537
ИмрӯзИмрӯз608
МоҳМоҳ24042
ХамагиХамаги3824537

ФОҶ дар давраи таърихӣ ва муосир

Китоби Оперативно-розыскная деятельность: история и современность (Фаъолияти оперативӣ-ҷустуҷӯӣ: таърих ва замони муосир)-и Раҳимзода Рамазон Ҳамро – Вазири корҳои дохилӣ, генерал-лейтенанти милитсия, номзади илмҳои ҳуқуқ, Ҳуқуқшиноси шоистаиТоҷикистон, бо забони русӣ ба тозагӣ аз чоп баромад.

Дар китоб масъалаҳои таърихи ташаккул ва рушди фаъолияти оперативӣ-ҷустуҷӯӣ дар Тоҷикистони кӯҳан ва муосир, ки то ҳоло дар илми ҳуқуқшиносӣ инъикос нагардидаанд, дарҷ ёфтаанд.

Китоби мазкур барои омӯзгорон, адъюнктантҳо, шунавандагон, курсантҳо ва кормандони оперативии мақомоти ҳифзи ҳуқуқи Ҷумҳурии Тоҷикистон пешниҳод гардидааст.

Китоби тозанашри Вазири корҳои дохилӣ


Китоби Оперативно-розыскные мероприятия: правовые основы (Чорабиниҳои оперативӣ-ҷустуҷӯӣ: заминаҳои ҳуқуқӣ)-и Раҳимзода Рамазон Ҳамро – Вазири корҳои дохилӣ, генерал-лейтенанти милитсия, номзади илмҳои ҳуқуқ, Ҳуқуқшиноси шоистаи Тоҷикистон, бо забони муоширати байни миллатҳо – забони русӣ ба тозагӣ аз чоп баромад, ки дар он ташаккули фаъолияти оперативӣ-ҷустуҷӯӣ дар Тоҷикистони таърихӣ, инкишоф ва рушди заминаҳои ҳуқуқии фаъолияти оперативӣ-ҷустуҷӯӣ дар Тоҷикистони ҳозиразамон, мафҳуми баъзе хусусиятҳо ва тартиби гузаронидани чорабиниҳои оперативӣ-ҷустуҷӯӣ, инчунин тартиби пешниҳод намудани натиҷаҳои чорабиниҳои оперативӣ-ҷустуҷӯӣ ба муфаттишон, мақомоти таҳқиқ, прокурорҳо ва судҳо баррасӣ гардидаанд.

Китоби мазкур барои омӯзгорон, адъюнктантҳо, шунавандагон, курсантҳо ва кормандони оперативии мақомоти ҳифзи ҳуқуқи Ҷумҳурии Тоҷикистон пешкаш гардидааст.

Нашри сеюми китоби дарсии «Фаъолияти оперативӣ-ҷустуҷӯӣ»

Китоби дарсии «Фаъолияти оперативӣ-ҷустуҷӯӣ»-и Раҳимзода Рамазон Ҳамро бо назардошти талаботҳои санадҳои меъёрии ҳуқуқии навин омода гардида, ҷабҳаҳои умумии ин намуди фаъолияти ҳуқуқиро фарогир мебошад.

Китоби мазкур ба хотири пешбурди соҳаи мақомоти ҳифзи ҳуқуқи ҷумҳурӣ ба омӯзгорон, аспирантҳою адъюнктон, донишҷӯён, курсантону шунавандагон ва ба кормандони оперативӣ, муфаттишон, прокурорҳо, судяҳо, ҳимоячиҳо ва инчунин шаҳрвандон пешкаш мегардад. 

Телефони боварии Вазири корҳои дохилӣ

 

Телефонҳои боварии ҷузъу томҳои ВКД ҶТ

РВКД дар ш.Душанбе

(8372) 221-15-00


РВКД дар вилояти Суғд

(83422) 6-22-22

РВКД дар вилояти Хатлон

(83222) 2-13-13

РВКД дар ВМКБ

(83522) 2-21-21

Қисми минтақавии РВКД-и Хатлон дар  Кӯлоб

(83322) 3-39-79

РВКД дар минтақаи РАШТ

(83131) 2-21-21

Телефони 1919

Бо ташаббуси Вазири корҳои дохилӣ генерал-лейтенанти милитсия Раҳимзода Рамазон Ҳамро, дар Вазорати корҳои дохилӣ телефони пайвасткунандаи 1919 ба тамоми ҷузъу томҳои мақомоти корҳои дохилӣ дар ҳудуди Ҷумҳурии Тоҷикистон ба фаъолият оғоз намуд.

Шаҳрвандон метавонанд бо ин рақам ба воситаи телефонҳои мобилӣ, (GPRS, CDMA), хонагӣ, корӣ, занг зада, ба Раёсатҳо, Шӯъбаҳо ва ҷузъу томҳои мақомоти корҳои дохилӣ дар қаламрави кишвар пайваст шуда, арзу шикоят, дархост ва маълумоти худро расонанд.

КОДЕКС

                             Лоиҳа 

КОДЕКСИ ОДОБИ КОРМАНДИ ПОЛИТСИЯ 

1. Муқаррароти  умумӣ

     1) Кодекси одоби касбии корманди политсияи Ҷумҳурии Тоҷикистон (минбаъд-Кодекс), маҷмӯи қоидаҳои рафтори корманди политсия мебошад, ки ҳадди муошират, қоидаҳои рафтори хизматӣ ва ғайрихизматӣ, ки аз санадҳои меъёрии ҳуқуқии Ҷумҳурии Тоҷикистон, арзишҳои эътирофшудаи ахлоқи инсонӣ ва талаботи маънавии ҷамъият нисбат ба кормандон бармеояд, муайян менамояд.

     2) Мақсади Кодекси мазкур муқаррар намудани қоидаҳои рафтори хизматӣ ва ғайрихизматии корманди политсия (минбаъд-корманд), мусоидат кардан ҷиҳати баланд бардоштани обрӯ ва эътибори корманд, боварии шаҳрвандон ба мақомоти корҳои дохилии Ҷумҳурии Тоҷикистон ва таъмини меъёрҳои ягонаи рафтори корманди мақомоти корҳои дохилӣ мебошад.

     3) Амали Кодекси мазкур нисбат ба корманде, ки мансаби давлатиро дар мақомоти корҳои дохилӣ, мутобиқи қонунгузории амалкунандаи ҷумҳурӣ ва дигар санадҳои меъёрии ҳуқуқи ишғол менамояд, паҳн мегардад. 

Низомномаи Шӯрои ҷамъиятӣ

Низомномаи 

Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон

1. Муқаррароти умумӣ

1. Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон (минбаъд – Шӯрои ҷамъиятӣ) мақомоти ҷамъиятии машваратӣ - мушоҳидавӣ буда, бо мақсади ташкил ва таъмин намудани иштироки мустақим ва ғайримустақими шаҳрвандон дар ҷараёни ислоҳоти милитсия созмон дода шуда, доир ба ин мавзӯъ назардошту пешниҳоди аҳли ҷомеа ва шаҳрвандони алоҳидаро ҷиҳати татбиқунонӣ ва ташаккули сиёсати давлатӣ вобаста ба ҳамкории милитсия бо ҷомеаро ба маълумоти Ҳукумати Ҷумҳурии Тоҷикистон расонидан ва ба инобат гирифтани афкори ҷамъиятӣ, инчунин назорати ҷамъиятӣ аз рафти ислоҳоти милитсия, таъсис дода шудааст.

Оид ба истифодабарии итилооти сомона

Ҳамаи маводҳои Сомонаи расмии Вазорати корҳои  дохилии Ҷумҳурии Тоҷикистон дар дилхоҳ воситаҳои ахбори омма, дар серверҳои шабакаҳои интернетӣ ё ин, ки дар ҳама паҳнкунандаҳо бе  ягон мамоният бо андоза ва мӯҳлати нашр, метавонанд истифода бурда шаванд.

Истифодаи маводҳо ба ҳафтаномаҳо, маҷаллаҳо, шабакаҳои радиоӣ, телевизионӣ, сомонаҳо ва саҳифаҳои интернетӣ иҷозат дода мешавад. Шарти ягонаи истифодабарии маводҳои Сомонаи расмии Вазорати корҳои дохилии Ҷумҳурии Тоҷикистон нишон додани сарчашмаи аввалияи мавод мебошад (www.mvd.tj  www.vkd.tj).

Барои нашр ва чопи маводҳо аз ҷониби Вазорати корҳои дохилии Ҷумҳурии Тоҷикистон мувофиқаи пешакӣ талаб карда намешавад.

Хабарнигори фаврӣ

Дар сомонаи расмии ВКД Ҷумҳурии Тоҷикистон гӯшаи «Хабарнигори фаврӣ» (новобаста аз шаҳрвандӣ) таъсис дода шуд, ки шаҳрвандон метавонанд таъҷилан наворҳои видеоиро вобаста ба ҳодисаҳои ҷиноятӣ, ҳуқуқвайронкуниҳо, қонуншиканиҳо, ҳолатҳои фавқулодда, ҳодисаҳои табиӣ, сӯхтор, садамаҳои нохуши нақлиётӣ ва дигар ҳодисаю воқеаҳое, ки бозтоби васеи ҷамъиятӣ доранд, ирсол намоянд.

 «Хабарнигори фаврӣ» метавонад аз шабакаҳои иҷтимоии Viber, WhatsApp, IMO, Telegrams, WeChat бо рақами телефони мобилии (+ 992) 939 222 111 ва почтаи электронии Вазорати корҳои дохилии Ҷумҳурии Тоҷикистон Ця електронна адреса захищена від спам-ботів. вам потрібно увімкнути JavaScript, щоб побачити її.   истифода намуда, хабару наворҳои худро ба таври фаврӣ ирсол намояд.

Шаҳрвандон метавонанд маводҳои худро аз рӯи хоҳишмандӣ бо се забон: тоҷикӣ, русӣ ва англисӣ ирсол намоянд. 

Махфӣ нигоҳ доштани маълумот дар бораи шахсе, ки  маводро ирсол менамояд, кафолат дода мешавад.