Баромад

Суханронии

Вазири корҳои дохилии Ҷумҳурии Тоҷикистон

генерал-лейтенанти милитсия Раҳимзода Рамазон Ҳамро

бахшида ба  таъсисёбии Воҳидҳои махсуси

Вазорати корҳои дохилӣ 

05.12.2015 сол                                                                        ш. Душанбе 

Муҳтарам афсарону сарбозони

Воҳидҳои махсуси Вазорати корҳои дохилӣ,

ҳамкасбон ва меҳмонони гиромӣ! 

Шуморо бо ҷашни 20-умин солгарди таъсисёбии Воҳидҳои махсуси Вазорати корҳои дохилӣ, самимона табрик менамоям!

Барои онҳое, ки дар ҳифзи Ватан, таъмини суботу оромӣ ва мубориза бо ҷинояткорӣ, ҷони худро нисор карданд, як лаҳзаи пос доштани хотираи онҳоро хоҳиш менамоям.

Ҳозирини гиромӣ!

Дар интихоби ин пешаи бошарафу пурифтихор ва хоси мардони ватанпарвару миллатдӯст, баҳри иҷрои вазифаҳои душвору масъулиятнок барору комёбӣ таманно менамоям.  

Аз таъсис ва ташкили Воҳидҳои махсуси Вазорати корҳои дохилӣ 20 сол пур мешавад. Ҳайати шахсии он аз  даврони таъсиёбӣ то ба имрӯз дар таъмини суботу оромӣ, мубориза бо ҷинояткорӣ ва набард бо даставу гурӯҳҳои муташаккили ҷиноӣ саҳми назаррас гузошта, барои таъмини оромӣ, мубориза бо дастаҳои масаллаҳи ҷинояткор, ҳифзи молу мулк ва манфиатҳои сокинони кишварамон хизмати арзанда ва ҷонфидоӣ кардаанд.

Боиси ифтихор ва сарфарозист, ки 5-уми декабри соли 2013, дар рӯзи ҷашни таъсисёбииВоҳидҳои махсуси Вазорати корҳои дохилӣ, дар маросими ба истифода додани ин бинои 5-ошёнаи хуштарҳи замонавӣ Президенти Ҷумҳурии Тоҷикистон, Ҷаноби Олӣ муҳтарам Эмомалӣ Раҳмон иштирок намуда, аз ранҷу заҳмат ва корнамоиҳои шумо дар таҳкими суботу оромӣ ва мубориза бо дастаҳои мусаллаҳи ҷинояткор ёдовар гардиданд.

Гарчанде аз таъсиси Воҳидҳои махсуси Вазорати корҳои дохилӣ солҳои зиёде нагузаштааст, вале дар тӯли фаъолияташ собит намуд, ки кормандони он ҳамчун фарзандони содиқи ин сарзамин ҳамеша омода ҳастанд, барои ҳифзи ин Ватан ва сарзамини аҷдодӣ ҷони худро нисор созанд.

Дарки баланди ватандӯстӣ, эҳтиром ба давлату миллат буд, ки кормандони Воҳидҳои махсуси Вазорати корҳои дохилӣ дар муборизаҳои сангин дар минтақаҳои гуногуни кишвар иштирок карда, аз худ шуҷоату мардонагӣ нишон доданд.

Далерию мардонагии фарзандони ин сарзамин, кормандони Воҳидҳои махсуси Вазорати корҳои дохилӣ Зоиршо Қаландаров, Олег Захарченко, Муқимҷон Алиев, Фарух Зарипов, Зариф Саидов, Олег Дудиев, Шералӣ Давлатов, Иброҳим Ҷӯраев, Бобобек Тиллоев, Ҷамшед Махсумов, Тоҳир Усмонов ва дигарон беҳтарин намунаи диловарию корнамоӣ ва садоқат ба Ватан мебошад, ки барои ҳимоя ва ҳифзи дастовардҳои Истиқлолият ҷони худро нисор карданд.

Муборизаи ҷоннисоронаи кормандони Воҳидҳои махсуси Вазорати корҳои дохилӣ бо гурӯҳи мусаллаҳи ҷинояткори Назарзода Ҳалим дар моҳи сентябри соли равон, бори дигар собит намуд, ки дар ҳайати ин воҳидҳо фарзандони баору номус, далеру шуҷоъ ва содиқ ба ин сарзамин адои вазифа мекунанд.

Гарчанде дар ин муқовимати мусаллаҳона 6 нафар кормандони ин ниҳод ҳалок гардиданд, вале онҳо тавонистанд, гуруҳи мусаллаҳеро, ки дар қасди табаддулоти давлатӣ ва ноором сохтани вазъи сиёсии кишвар  буд, безарар гардонанд.

Ба супориш ва дастгирии бевоситаи Ҷаноби Олӣ муҳтарам Эмомалӣ Раҳмон, кормандони Дастаи таъиноти махсуси милитсия Дмитрий Буриев, Алибой Идиев, Дилшод Саъдуллоев, Мирмад Ҳасанов, Раҷабмурод Орипов, Алишер Ҷобиров баъд аз марг бо мукофотҳои давлатӣ ва оилаҳои онҳо бо дастгирии моддӣ қадршиносӣ карда шуданд.

Хотираи неки ин родмардони Ватан дар таърихи милитсия ва дар қалби ҳамкорону дӯстон ҷовидонӣ боқӣ хоҳад монд.

Ҳозирини гиромӣ!

Кормандони Воҳидҳои махсуси Вазорати корҳои дохилӣ дар тӯли солҳои сипаригардида, вазифаи худро содиқона ва софдилона ба ҷой оварданд. Онҳо дар лаҳзаҳои ҳассосу тақдирсоз аз душвортарин муқовимату санҷишҳо гузашта, ҷиҳати безарар гардонидани дастаҳои мусаллаҳу ҷинояткор ва таъмини амнияти шаҳрвандон саҳми арзанда гузоштанд.

Тибқи дастуру супоришҳои Сарвари давлат барои таъмини фаъолияти назарраси Воҳидҳои махсуси Вазорати корҳои дохилӣ ва бо мақсади мубориза бар зидди гурӯҳҳои ҷиноятпешаи муташаккил дар шаҳру ноҳияҳои гуногуни кишвар, аз ҷумла дар Вилояти Мухтори Кӯҳистони Бадахшон, вилоятҳои Суғду Хатлон, шаҳри Кӯлоб ва ноҳияҳои минтақаи Рашт воҳидҳои минтақавии махсуси милитсия таъсис дода шуда, бинову иншоотҳои замонавӣ бо тамоми шароитҳо, толору ҳуҷраҳои машғулиятгузаронӣ, ҷойи хоб, ошхонаву ҳаммом ва ғайра мавриди истифода қарор дода шуданд.

Ҳамзамон бо мақсади баланд бардоштани сатҳи дониш, маҳорати касбӣ, омодабошии ҷангӣ, такмили корҳои кашшофию харитасозӣ, фаъолият дар шароити кӯҳсор, тайёр намудани мутахассисон оид ба истифодаи техникаи махсус ва иҷрои саривақтии амру супоришҳо, соли равон Маркази таълимии воҳидҳои махсуси Вазорати корҳои дохилӣ дар мавзеи Марғоби дараи Ромити шаҳри Ваҳдат, минтақаи Рашт ва ноҳияи Шаҳристон таъсис дода шуд, ки кормандони воҳиди махсус дар он маҳорати касбии худро такмил медиҳанд.

Ҳамчунин, барои ҳайати шахсии Воҳидҳои махсуси Вазорати корҳои дохилӣ дар Академия ва Маркази таълимии Вазорати корҳои дохилӣ курсҳои кӯтоҳмуддати касбӣ гузаронида мешаванд.

Имрӯз дар ин маросими тантанавӣ боз як Маркази таълимӣ, иборат аз ду бинои якошёна ва як бинои панҷошёна ба истифода дода шуд, ки дар оянда барои такмили малакаи касбӣ ва баланд бардоштани донишу маърифати кормандони Воҳидҳои махсуси Вазорат хизмат менамояд.

Кормандони Воҳидҳои махсуси Вазорати корҳои дохилӣ барои мубориза бурдан бар зидди гурӯҳҳои муташаккили ҷиноятпеша, ошкорсозӣ ва безараргардонии ин гурӯҳҳо, итттиҳодияҳои ҷиноятии байналмилалӣ, бартараф намудани дигар ҷиноятҳои хавфнок омода буда, вазифаи худро софдилонаву содиқона баҳри таҳкими истиқлолият, осудагии кишвар ва баланд бардоштани обрӯву эътибори кормандони мақомоти корҳои дохилӣ сарбаландона иҷро менамоянд.

Вазифаи асосии Шумо, пеш аз ҳама, баланд бардоштани савияи донишу малакаи ҳарбӣ, омодабошӣ ба ҳама гуна ҳолатҳои хатарафзо, ба дараҷаи аъло аз худ намудани техникаву лавозимоти ҷангӣ ва иҷрои бечунучарои фармону супоришҳои  роҳбарият  мебошад. 

  Боварии комил дорам, Шумо ба савганди худ содиқ монда, ба миллату давлати худ эҳтиром мегузоред ва барои таҳкими волоияти қонун, тартибу интизом, оромию осудагӣ ва сулҳу субот, ҳифзи давлати соҳибистиқлол, демократию дунявӣ ва ҳуқуқбунёди Тоҷикистон  донишу малака ва маҳорати касбии худро дареғ надошта, вазифаи муқаддаси худро дар пойдории сулҳу субот дар ҷомеа, содиқона ба ҷой меоред. 

Бори дигар, аз номи роҳбарият ва ҳайати шахсии Вазорат Шуморо бо рӯзи ҷашнатон самимона муборакбод намуда, бароятон саодату сарбаландӣ, рӯзгори осуда ва барору комёбӣ орзу менамоям.

 

Идатон муборак бошад!

Матни шарҳи шумо…

Захисний код
Аз нав

Видео

Ҳафтаномаи «Қонун ва Ҷомеа»

ФОҶ дар давраи таърихӣ ва муосир

Китоби Оперативно-розыскная деятельность: история и современность (Фаъолияти оперативӣ-ҷустуҷӯӣ: таърих ва замони муосир)-и Раҳимзода Рамазон Ҳамро – Вазири корҳои дохилӣ, генерал-лейтенанти милитсия, номзади илмҳои ҳуқуқ, Ҳуқуқшиноси шоистаиТоҷикистон, бо забони русӣ ба тозагӣ аз чоп баромад.

Дар китоб масъалаҳои таърихи ташаккул ва рушди фаъолияти оперативӣ-ҷустуҷӯӣ дар Тоҷикистони кӯҳан ва муосир, ки то ҳоло дар илми ҳуқуқшиносӣ инъикос нагардидаанд, дарҷ ёфтаанд.

Китоби мазкур барои омӯзгорон, адъюнктантҳо, шунавандагон, курсантҳо ва кормандони оперативии мақомоти ҳифзи ҳуқуқи Ҷумҳурии Тоҷикистон пешниҳод гардидааст.

Китоби тозанашри Вазири корҳои дохилӣ


Китоби Оперативно-розыскные мероприятия: правовые основы (Чорабиниҳои оперативӣ-ҷустуҷӯӣ: заминаҳои ҳуқуқӣ)-и Раҳимзода Рамазон Ҳамро – Вазири корҳои дохилӣ, генерал-лейтенанти милитсия, номзади илмҳои ҳуқуқ, Ҳуқуқшиноси шоистаи Тоҷикистон, бо забони муоширати байни миллатҳо – забони русӣ ба тозагӣ аз чоп баромад, ки дар он ташаккули фаъолияти оперативӣ-ҷустуҷӯӣ дар Тоҷикистони таърихӣ, инкишоф ва рушди заминаҳои ҳуқуқии фаъолияти оперативӣ-ҷустуҷӯӣ дар Тоҷикистони ҳозиразамон, мафҳуми баъзе хусусиятҳо ва тартиби гузаронидани чорабиниҳои оперативӣ-ҷустуҷӯӣ, инчунин тартиби пешниҳод намудани натиҷаҳои чорабиниҳои оперативӣ-ҷустуҷӯӣ ба муфаттишон, мақомоти таҳқиқ, прокурорҳо ва судҳо баррасӣ гардидаанд.

Китоби мазкур барои омӯзгорон, адъюнктантҳо, шунавандагон, курсантҳо ва кормандони оперативии мақомоти ҳифзи ҳуқуқи Ҷумҳурии Тоҷикистон пешкаш гардидааст.

Нашри сеюми китоби дарсии «Фаъолияти оперативӣ-ҷустуҷӯӣ»

Китоби дарсии «Фаъолияти оперативӣ-ҷустуҷӯӣ»-и Раҳимзода Рамазон Ҳамро бо назардошти талаботҳои санадҳои меъёрии ҳуқуқии навин омода гардида, ҷабҳаҳои умумии ин намуди фаъолияти ҳуқуқиро фарогир мебошад.

Китоби мазкур ба хотири пешбурди соҳаи мақомоти ҳифзи ҳуқуқи ҷумҳурӣ ба омӯзгорон, аспирантҳою адъюнктон, донишҷӯён, курсантону шунавандагон ва ба кормандони оперативӣ, муфаттишон, прокурорҳо, судяҳо, ҳимоячиҳо ва инчунин шаҳрвандон пешкаш мегардад. 

Телефони 1919

Бо ташаббуси Вазири корҳои дохилӣ генерал-лейтенанти милитсия Раҳимзода Рамазон Ҳамро, дар Вазорати корҳои дохилӣ телефони пайвасткунандаи 1919 ба тамоми ҷузъу томҳои мақомоти корҳои дохилӣ дар ҳудуди Ҷумҳурии Тоҷикистон ба фаъолият оғоз намуд.

Шаҳрвандон метавонанд бо ин рақам ба воситаи телефонҳои мобилӣ, (GPRS, CDMA), хонагӣ, корӣ, занг зада, ба Раёсатҳо, Шӯъбаҳо ва ҷузъу томҳои мақомоти корҳои дохилӣ дар қаламрави кишвар пайваст шуда, арзу шикоят, дархост ва маълумоти худро расонанд.

Низомномаи Шӯрои ҷамъиятӣ

Низомномаи 

Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон

1. Муқаррароти умумӣ

1. Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон (минбаъд – Шӯрои ҷамъиятӣ) мақомоти ҷамъиятии машваратӣ - мушоҳидавӣ буда, бо мақсади ташкил ва таъмин намудани иштироки мустақим ва ғайримустақими шаҳрвандон дар ҷараёни ислоҳоти милитсия созмон дода шуда, доир ба ин мавзӯъ назардошту пешниҳоди аҳли ҷомеа ва шаҳрвандони алоҳидаро ҷиҳати татбиқунонӣ ва ташаккули сиёсати давлатӣ вобаста ба ҳамкории милитсия бо ҷомеаро ба маълумоти Ҳукумати Ҷумҳурии Тоҷикистон расонидан ва ба инобат гирифтани афкори ҷамъиятӣ, инчунин назорати ҷамъиятӣ аз рафти ислоҳоти милитсия, таъсис дода шудааст.

Оид ба истифодабарии итилооти сомона

Ҳамаи маводҳои Сомонаи расмии Вазорати корҳои  дохилии Ҷумҳурии Тоҷикистон дар дилхоҳ воситаҳои ахбори омма, дар серверҳои шабакаҳои интернетӣ ё ин, ки дар ҳама паҳнкунандаҳо бе  ягон мамоният бо андоза ва мӯҳлати нашр, метавонанд истифода бурда шаванд.

Истифодаи маводҳо ба ҳафтаномаҳо, маҷаллаҳо, шабакаҳои радиоӣ, телевизионӣ, сомонаҳо ва саҳифаҳои интернетӣ иҷозат дода мешавад. Шарти ягонаи истифодабарии маводҳои Сомонаи расмии Вазорати корҳои дохилии Ҷумҳурии Тоҷикистон нишон додани сарчашмаи аввалияи мавод мебошад (www.mvd.tj  www.vkd.tj).

Барои нашр ва чопи маводҳо аз ҷониби Вазорати корҳои дохилии Ҷумҳурии Тоҷикистон мувофиқаи пешакӣ талаб карда намешавад.

Хабарнигори фаврӣ

Дар сомонаи расмии ВКД Ҷумҳурии Тоҷикистон гӯшаи «Хабарнигори фаврӣ» (новобаста аз шаҳрвандӣ) таъсис дода шуд, ки шаҳрвандон метавонанд таъҷилан наворҳои видеоиро вобаста ба ҳодисаҳои ҷиноятӣ, ҳуқуқвайронкуниҳо, қонуншиканиҳо, ҳолатҳои фавқулодда, ҳодисаҳои табиӣ, сӯхтор, садамаҳои нохуши нақлиётӣ ва дигар ҳодисаю воқеаҳое, ки бозтоби васеи ҷамъиятӣ доранд, ирсол намоянд.

 «Хабарнигори фаврӣ» метавонад аз шабакаҳои иҷтимоии Viber, WhatsApp, IMO, Telegrams, WeChat бо рақами телефони мобилии (+ 992) 939 222 111 ва почтаи электронии Вазорати корҳои дохилии Ҷумҳурии Тоҷикистон Ця електронна адреса захищена від спам-ботів. вам потрібно увімкнути JavaScript, щоб побачити її.   истифода намуда, хабару наворҳои худро ба таври фаврӣ ирсол намояд.

Шаҳрвандон метавонанд маводҳои худро аз рӯи хоҳишмандӣ бо се забон: тоҷикӣ, русӣ ва англисӣ ирсол намоянд. 

Махфӣ нигоҳ доштани маълумот дар бораи шахсе, ки  маводро ирсол менамояд, кафолат дода мешавад.