Баромади Вазири корҳои дохилии Ҷумҳурии Тоҷикистон

Баромади Вазири корҳои дохилии Ҷумҳурии Тоҷикистон

генерал-лейтенанти милитсия Раҳимзода Рамазон Ҳамро

дар рӯзи ифтитоҳи бинои қисми низомии 3503

дар шаҳри Қурғонтеппа 

  10.04.с.2015                                                ш. Қурғонтеппа 

Муҳтарам меҳмонон, ҳамкасбон ва афсарону сарбозони қисми низомии 3503! 

Қабл аз ҳама  Шуморо ба муносибати ҷашни таъсисёбии Қӯшунҳои дохилии Вазорати корҳои дохилӣ ва дар ин радиф ба истифода додани биноҳои хуштарҳу замонавиро  ба сарбозони қисми низомии 3503 самимона табрику муборакбод намуда, бароятон осмони софу беғубор, осоиши рӯзгор, хотирҷамъӣ ва дар кору зиндагиатон барору комёбӣ таманно менамоям.

Боварӣ дорам, ки афсарону сарбозони Қӯшунҳои дохилии Вазорати корҳои дохилӣ, алалхусус қисми низомии 3503 баъди соҳиби чунин шароиту имкониятҳои хуби хизматрасонӣ гардидан, масъулияти бар душ доштаашонро баҳри пойдории суботу оромӣ, амнияти шаҳрвандон, ҳифзи тартиботи ҷамъиятӣ ва якпорчагии Ватани азизамон, бо сарбаландӣ иҷро менамоянд.

Таъсисёбии Қӯшунҳои дохилии Вазорати корҳои дохилӣ, яке аз рукнҳои муҳими таъмини суботу оромӣ дар кишвар ба ҳисоб рафта, он собит менамояд, ки фарзандони ин сарзамини бостонӣ, барои ҳифзи обу хок, боигарӣ ва дороии Ватани худ содиқ буданд ва ҳамеша содиқ мемонанд.

Имрӯз мо дар шароите зиндагӣ мекунем, ки баъди талошу кӯшишҳои зиёд, таҳти сиёсати хирадмандона ва бунёдкоронаи Президенти Ҷумҳурии Тоҷикистон муҳтарам Эмомалӣ Раҳмон, ба як давлати воҳид, мустақил ва бонуфуз дар арсаи ҷаҳонӣ соҳиб гардидем.

Сол аз сол боло рафтани иқтидори давлату Ҳукумат, беҳтар гардидани шароити зиндагии мардум ва авҷи тараққиёти иқтисодиёту саноат, ба беҳдошти шароити моддӣ-маишӣ ва хизматрасонии афсарону сарбозони Қушунҳои дохилӣ мусоидат намуда, тамоми имкониятҳо барои хизмат фароҳам оварда шудаанд.

Имрӯз биноҳои хуби замонавӣ, ҳуҷраҳои таълимӣ, ҷойхобу ошхона, толорҳои варзишӣ, майдонҳои машқи тактикӣ ва дигар иншоотҳои хизматрасонӣ дар ихтиёри сарбозону афсарон қарор дошта, беҳтарин кормандону мутахассисони соҳибкасб бо онҳо дар мавзӯи ҳарбӣ-ватандӯстӣ, тайёрии ҷангӣ, омӯхтани касбу ҳунар ва ғайра машғулият мегузаронанд.

Муҳимтар аз ҳама боиси ифтихору сарфарозист, ки сокинони кишвар имрӯз дар фазои дӯстиву рафоқат ва суботу оромӣ ҳаёт ба сар бурда, дар пешрафту шукуфоӣ ва ободии Ватан саҳми арзанда мегузоранд ва дастовардҳои назарраси давлату миллатро дар сиёсату иқтисодиёт, фарҳангу маданият ва илму фарҳанг бо тантана таҷлил менамоянд.

Мо имрӯз дар баробари ҷашн гирифтани рӯзи таъсисёбии Қушунҳои дохилӣ инчунин ба истифода додани биноҳои замонавии қисми низомии 3503-ро ҷашн мегирем.

Соли сипаригардида бо дастгириву ғамхории Сарвари давлат ва соҳибкорони ватанӣ биноҳои қисми низомии 3502 баъди таъмиру азнавсозӣ, муҷҷаҳаз бо тамоми молу ашё, таҷҳизоти техникӣ ва воситаҳои хизматрасонӣ, бо иштироки Президенти Ҷумҳурии Тоҷикистон муҳтарам Эмомалӣ Раҳмон ба истифода дода шуд, ки имрӯз яке аз қисмҳои низомии беҳтарин дар ҷумҳурӣ ба ҳисоб меравад. Ҳамзамон чанде пештар қисми низомии 3501 дар шаҳри Хуҷанд низ ба таври замонавӣ, дорои биноҳои хизматрасонии гуногун аз қабили ҳамоми замонавӣ, ошхона, сартарошхона, сехи дузандагӣ, ҳуҷраи интернетӣ, хонаи вохӯрӣ ва ғайра бо иштироки Сарвари давлат ба истифода дода шуд.

Имрӯз ҳамчун тӯҳфаи идона дар рӯзи таъсисёбии Қӯшунҳои дохилии Вазорати корҳои дохилӣ бинои хуштарҳу замонавӣ мавриди истифода қарор гирифт. Дар зербинои он ошхона, ҷойи пухту паз, ҳамом бо буғхона ҷавобгӯй ба талаботи замон бунёд гардида, дар ошёнаҳои болоӣ бошад, ҷойи хоб, сартарошхона, хонаи бахт, инчунин макони дастрӯйшӯӣ сохта шудаанд.  

Пешрафту дастовардҳое, ки имрӯз Шумо шоҳиди он гардидед, ин ҳама барои ҷавонон, ояндасозони ин сарзамин аст, ки онҳо бо азму иродаи қавӣ қарзи фарзандии худро дар назди халқу Ватан баҳри таъмини суботу оромӣ, ҳифзи тартиботи ҷамъиятӣ ва осудагии сокинони мамлакат, сарбаландона иҷро менамоянд.

Бояд таъкид намоям, ки корҳои созандагию бунёдкорӣ, ҷиҳати беҳдошти шароити моддӣ-маишӣ ва хизматрасонии ҳайати шахсии мақомоти корҳои дохилӣ, бахусус, Қӯшунҳои дохилӣ, ки фарзандони мову шумо дар он хизмат менамоянд, вусъат ёфта, дар дигар ҷузъу томҳои Қӯшунҳои дохилӣ низ идома доранд.

Мо боварию эътимоди комил дорем, ки ҳайати шахсии Қӯшунҳои дохилӣ ҳамчун ватандӯстони асил, малакаю маҳорати касбии худро дар сатҳи баланд нигоҳ дошта, дар ҳифзи манфиатҳои халқу давлат, пойдории сулҳу субот, ба амал баровардани сиёсати пешгирифтаи Ҳукумати Ҷумҳурии Тоҷикистон, ҳифзи Истиклолият ва тамомияти арзии кишвар саҳми арзандаи худро мегузоранд.

Бори дигар, ҳамаи Шуморо бо таъсисёбии Қӯшунҳои дохилии Вазорати корҳои дохилӣ ва ифтитоҳи бинои наву замонавии қисми низомии 3503-и Қушунҳои дохилӣ табрик намуда, бароятон тансиҳативу хотирҷамъӣ, саодату сарбаландӣ ва хизмати арзандаву сазоворро таманно менамоям.

Ташаккур ба диққататон!

Видео

Ҳафтаномаи «Қонун ва Ҷомеа»

ФОҶ дар давраи таърихӣ ва муосир

Китоби Оперативно-розыскная деятельность: история и современность (Фаъолияти оперативӣ-ҷустуҷӯӣ: таърих ва замони муосир)-и Раҳимзода Рамазон Ҳамро – Вазири корҳои дохилӣ, генерал-лейтенанти милитсия, номзади илмҳои ҳуқуқ, Ҳуқуқшиноси шоистаиТоҷикистон, бо забони русӣ ба тозагӣ аз чоп баромад.

Дар китоб масъалаҳои таърихи ташаккул ва рушди фаъолияти оперативӣ-ҷустуҷӯӣ дар Тоҷикистони кӯҳан ва муосир, ки то ҳоло дар илми ҳуқуқшиносӣ инъикос нагардидаанд, дарҷ ёфтаанд.

Китоби мазкур барои омӯзгорон, адъюнктантҳо, шунавандагон, курсантҳо ва кормандони оперативии мақомоти ҳифзи ҳуқуқи Ҷумҳурии Тоҷикистон пешниҳод гардидааст.

Китоби тозанашри Вазири корҳои дохилӣ


Китоби Оперативно-розыскные мероприятия: правовые основы (Чорабиниҳои оперативӣ-ҷустуҷӯӣ: заминаҳои ҳуқуқӣ)-и Раҳимзода Рамазон Ҳамро – Вазири корҳои дохилӣ, генерал-лейтенанти милитсия, номзади илмҳои ҳуқуқ, Ҳуқуқшиноси шоистаи Тоҷикистон, бо забони муоширати байни миллатҳо – забони русӣ ба тозагӣ аз чоп баромад, ки дар он ташаккули фаъолияти оперативӣ-ҷустуҷӯӣ дар Тоҷикистони таърихӣ, инкишоф ва рушди заминаҳои ҳуқуқии фаъолияти оперативӣ-ҷустуҷӯӣ дар Тоҷикистони ҳозиразамон, мафҳуми баъзе хусусиятҳо ва тартиби гузаронидани чорабиниҳои оперативӣ-ҷустуҷӯӣ, инчунин тартиби пешниҳод намудани натиҷаҳои чорабиниҳои оперативӣ-ҷустуҷӯӣ ба муфаттишон, мақомоти таҳқиқ, прокурорҳо ва судҳо баррасӣ гардидаанд.

Китоби мазкур барои омӯзгорон, адъюнктантҳо, шунавандагон, курсантҳо ва кормандони оперативии мақомоти ҳифзи ҳуқуқи Ҷумҳурии Тоҷикистон пешкаш гардидааст.

Нашри сеюми китоби дарсии «Фаъолияти оперативӣ-ҷустуҷӯӣ»

Китоби дарсии «Фаъолияти оперативӣ-ҷустуҷӯӣ»-и Раҳимзода Рамазон Ҳамро бо назардошти талаботҳои санадҳои меъёрии ҳуқуқии навин омода гардида, ҷабҳаҳои умумии ин намуди фаъолияти ҳуқуқиро фарогир мебошад.

Китоби мазкур ба хотири пешбурди соҳаи мақомоти ҳифзи ҳуқуқи ҷумҳурӣ ба омӯзгорон, аспирантҳою адъюнктон, донишҷӯён, курсантону шунавандагон ва ба кормандони оперативӣ, муфаттишон, прокурорҳо, судяҳо, ҳимоячиҳо ва инчунин шаҳрвандон пешкаш мегардад. 

Телефони 1919

Бо ташаббуси Вазири корҳои дохилӣ генерал-лейтенанти милитсия Раҳимзода Рамазон Ҳамро, дар Вазорати корҳои дохилӣ телефони пайвасткунандаи 1919 ба тамоми ҷузъу томҳои мақомоти корҳои дохилӣ дар ҳудуди Ҷумҳурии Тоҷикистон ба фаъолият оғоз намуд.

Шаҳрвандон метавонанд бо ин рақам ба воситаи телефонҳои мобилӣ, (GPRS, CDMA), хонагӣ, корӣ, занг зада, ба Раёсатҳо, Шӯъбаҳо ва ҷузъу томҳои мақомоти корҳои дохилӣ дар қаламрави кишвар пайваст шуда, арзу шикоят, дархост ва маълумоти худро расонанд.

Низомномаи Шӯрои ҷамъиятӣ

Низомномаи 

Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон

1. Муқаррароти умумӣ

1. Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон (минбаъд – Шӯрои ҷамъиятӣ) мақомоти ҷамъиятии машваратӣ - мушоҳидавӣ буда, бо мақсади ташкил ва таъмин намудани иштироки мустақим ва ғайримустақими шаҳрвандон дар ҷараёни ислоҳоти милитсия созмон дода шуда, доир ба ин мавзӯъ назардошту пешниҳоди аҳли ҷомеа ва шаҳрвандони алоҳидаро ҷиҳати татбиқунонӣ ва ташаккули сиёсати давлатӣ вобаста ба ҳамкории милитсия бо ҷомеаро ба маълумоти Ҳукумати Ҷумҳурии Тоҷикистон расонидан ва ба инобат гирифтани афкори ҷамъиятӣ, инчунин назорати ҷамъиятӣ аз рафти ислоҳоти милитсия, таъсис дода шудааст.

Оид ба истифодабарии итилооти сомона

Ҳамаи маводҳои Сомонаи расмии Вазорати корҳои  дохилии Ҷумҳурии Тоҷикистон дар дилхоҳ воситаҳои ахбори омма, дар серверҳои шабакаҳои интернетӣ ё ин, ки дар ҳама паҳнкунандаҳо бе  ягон мамоният бо андоза ва мӯҳлати нашр, метавонанд истифода бурда шаванд.

Истифодаи маводҳо ба ҳафтаномаҳо, маҷаллаҳо, шабакаҳои радиоӣ, телевизионӣ, сомонаҳо ва саҳифаҳои интернетӣ иҷозат дода мешавад. Шарти ягонаи истифодабарии маводҳои Сомонаи расмии Вазорати корҳои дохилии Ҷумҳурии Тоҷикистон нишон додани сарчашмаи аввалияи мавод мебошад (www.mvd.tj  www.vkd.tj).

Барои нашр ва чопи маводҳо аз ҷониби Вазорати корҳои дохилии Ҷумҳурии Тоҷикистон мувофиқаи пешакӣ талаб карда намешавад.

Хабарнигори фаврӣ

Дар сомонаи расмии ВКД Ҷумҳурии Тоҷикистон гӯшаи «Хабарнигори фаврӣ» (новобаста аз шаҳрвандӣ) таъсис дода шуд, ки шаҳрвандон метавонанд таъҷилан наворҳои видеоиро вобаста ба ҳодисаҳои ҷиноятӣ, ҳуқуқвайронкуниҳо, қонуншиканиҳо, ҳолатҳои фавқулодда, ҳодисаҳои табиӣ, сӯхтор, садамаҳои нохуши нақлиётӣ ва дигар ҳодисаю воқеаҳое, ки бозтоби васеи ҷамъиятӣ доранд, ирсол намоянд.

 «Хабарнигори фаврӣ» метавонад аз шабакаҳои иҷтимоии Viber, WhatsApp, IMO, Telegrams, WeChat бо рақами телефони мобилии (+ 992) 939 222 111 ва почтаи электронии Вазорати корҳои дохилии Ҷумҳурии Тоҷикистон Ця електронна адреса захищена від спам-ботів. вам потрібно увімкнути JavaScript, щоб побачити її.   истифода намуда, хабару наворҳои худро ба таври фаврӣ ирсол намояд.

Шаҳрвандон метавонанд маводҳои худро аз рӯи хоҳишмандӣ бо се забон: тоҷикӣ, русӣ ва англисӣ ирсол намоянд. 

Махфӣ нигоҳ доштани маълумот дар бораи шахсе, ки  маводро ирсол менамояд, кафолат дода мешавад.