Суханронӣ

Суханронии

Вазири корҳои дохилии Ҷумҳурии Тоҷикистон,

генерал-лейтенанти милитсия Раҳимзода Рамазон Ҳамро дар вохӯрӣ бо варзишгарони ҷумҳурӣ

 Муҳтарам варзишгарон, устодони варзиш

меҳмонон ва ҳамкасбони гиромӣ!

Ташрифи Шуморо ба Вазорати корҳои дохилӣ хайра мақдам намуда, боварӣ дорам ин вохӯрӣ ҳам бо Шумо ва ҳам бо ҳайати шахсии мақомоти корҳои дохилӣ таасуроти неке аз худ боқӣ гузошта, дар рушду инкишофи соҳаи варзиш як такони ҷиддие мегардад.

Бо ташаббус ва таваҷҷӯҳи хосаи Роҳбари давлат, Президенти Ҷумҳурии Тоҷикистон мӯҳтарам Эмомалӣ Раҳмон ҳамсола ба соҳаи варзиш диққати махсус дода шуда, барои солимӣ ва тандурустии ҷомеа, садҳо толору майдонҳо ва маҷмааҳои варзишӣ сохта, ба истифода дода шуданд, ки имрӯз мавриди истифодаи хурду калон қарор доранд.

Дар 5 соли охир бо дастгирии роҳбарияти давлату Ҳукумат, бо мақсади баланд бардоштани соҳаи варзиш дар ҷумҳурӣ 19 варзишгоҳ, 621 майдонча, 11 ҳавзи шиноварӣ ва 9 маҷмааи варзишӣ сохта ба истифода дода шуда, дар баробари ин  2700 майдонча, 635 толори варзишӣ, 14 ҳавзи шиноварӣ ва 5 маҷмааи варзишӣ таъмиру азнавсозӣ карда шуданд.

Сарвари давлат пайваста дар баромаду суханрониҳои худ аз тарзи ҳаёти солим, ҷалби ҷавонон ба варзиш ва баланд бурдани ахлоқу маърифати онҳо ёдовар гардида, таъкид менамоянд, ки имрӯз наврасону ҷавононро дар рӯҳияи садоқат ба давлату миллат, дӯст доштани тарзи ҳаёти солим, ҳисси баланди ватандӯстӣ ва эътимод ба фардои дурахшон бояд тарбия намуд.

Бояд таъкид намуд, ки ҷавонон қувваи пешбарандаи ҷомеа ва ояндаи миллат ба шумор рафта, ҳамагон ба он назаранд, ки фардо онҳо бо аз худ намудани касбу ҳунар дар рушду инкишофи ватани азизамон, пешрафти илму техника, саноат, кишоварзӣ, фарҳангу маданият ва некӯаҳволии мардум саҳми арзанда гузошта, бо ҳунару истеъдоди худ, дар рушду инкишофи соҳаҳои ҳаёти ҷомеа мавқеи намоёнро ишғол менамоянд.

Бомаврид медонам, ки суханҳои Президенти Ҷумҳурии Тољикистон, Ҷаноби Олӣ муҳтарам Эмомалӣ Раҳмонро, дар бораи як ҷузъи ҷудонашавандаи ҳаёти инсонҳо гардидани варзиш, ёдовар шавам:

«Имрӯз варзиш ҳамчун як рукни миллӣ ба ҳаёти сиёсиву ҷамъиятӣ ва фарҳангии мо ворид гардида, бешубҳа дар радифи дастовардҳои истиқлолияти Ватани азизамон мақоми хоса касб кардааст.»

Варзиш дар баробари таъмини солимии рӯҳию ҷисмонӣ, инчунин пайвандгари дӯстиву рафоқат ва эътимоду боварӣ дар миёни одамон ва қавму миллатҳо ба ҳисоб рафта, ҳар як варзишгар метавонад бо дастовардҳои худ, миллат ва давлати худро ба ҷаҳониён муаррифӣ  намояд.

Варзишгарон, ки парчамбардони давлату миллат ҳастанд, дар пешрафти ҳаёти сиёсии кишвар мавқеи хоса доранд ва бо лаёқату истеъдоди худ Тоҷикистонро ба ҷаҳониён муаррифӣ менамоянд. Шумо бояд бо дастгирӣ аз сиёсати Президенти кишвар ва иштирок дар чорабиниҳои на танҳо варзишӣ, инчунин муҳими сиёсӣ ҷиҳати дастгирию ғамхорӣ ва ҳадафҳои бунёдкоронаи роҳбарияти давлату Ҳукумат, ҳамзамон таъмини суботу оромӣ ва рушду шукуфоии мамлакат, саҳмгузор бошед.

Шумо, ки фарзандони баору номус, миллатдӯст ва номбардори давлат ҳастед, дар татбиқи сиёсати Сарвари давлат, бо тарғиби ғояҳои инсондӯстона, ифтихор аз ватану ватандорӣ, ташвиқи тарзи ҳаёти солим ва боло бурдани обрую нуфузи ҷумҳурӣ, бояд мавқеи назаррас дошта бошед.

Беҳуда намегӯянд, ки варзиш қосиди сулҳу амонӣ ва дӯстӣ аст. Зеро варзиш новобаста аз мазҳабу миллат, дину оин ва забон инсонҳоро ба ҳам муттаҳид сохта, алоқа ва робитаҳои байни давлатҳоро мустаҳкам менамояд.

Дар партави таъкиду пешниҳодҳои Сарвари давлат аз рӯзи 29-уми январ сар карда, нахуст мусобиқаҳои    варзишӣ дар соли 2015, барои дарёфти «Ҷоми Вазири корҳои дохилӣ, таҳти шиори «Варзиш барои оилаи солим ва зидди нашъамандӣ» оғоз гардида, имрӯзҳо идома дорад.

Боиси ифтихор аст, ки дар миёни ҷамъомадагон низ нафарони зиёде ҳастанд, ки кайҳо устоди варзиш гаштаанду унвони ҷаҳонпаҳлавониро ба даст овардаанд ва дар тарбияи варзишагарон ва ташкилу эҳё намудани гурӯҳҳои варзишии бахшҳои футбол, валейбол, гуштингирӣ, якҳарбаҳои танбатан ва дигар намудҳои варзиш саҳми худро доранд.

Ба хусус барои тайёр намудани варзишгарони дараҷаи Олии Ҷумҳурии Тоҷикистон, саҳми Ҷамъияти варзишии «Динамо»-и Вазорати корҳои дохилӣ калон буда, аъзоёни он дар давраи фаъолияти худ чанд маротиба ғолиби мусобиқаҳои ҷумҳурӣ ва хориҷи мамлакат гардидаанд.

Ман бори дигар аз ташрифи шумо ба Вазорати корҳои дохилӣ изҳори сипос намуда, боварӣ дорам, ҳамкории мову шумо дар пешрафти ҷомеа, ҳифзи тартиботи ҷамъиятӣ дар ҷумҳурӣ ба мақомоти корҳои дохилӣ мусоидат намуда, ҳама якҷоя кӯшиш ба харҷ диҳем, то кишвари азизамон дар тамоми самтҳои зиндагӣ ба дастовардҳои назаррас ноил гардад. 

Барои таваҷҷӯҳатон ташаккур!

Видео

Ҳафтаномаи «Қонун ва Ҷомеа»

ФОҶ дар давраи таърихӣ ва муосир

Китоби Оперативно-розыскная деятельность: история и современность (Фаъолияти оперативӣ-ҷустуҷӯӣ: таърих ва замони муосир)-и Раҳимзода Рамазон Ҳамро – Вазири корҳои дохилӣ, генерал-лейтенанти милитсия, номзади илмҳои ҳуқуқ, Ҳуқуқшиноси шоистаиТоҷикистон, бо забони русӣ ба тозагӣ аз чоп баромад.

Дар китоб масъалаҳои таърихи ташаккул ва рушди фаъолияти оперативӣ-ҷустуҷӯӣ дар Тоҷикистони кӯҳан ва муосир, ки то ҳоло дар илми ҳуқуқшиносӣ инъикос нагардидаанд, дарҷ ёфтаанд.

Китоби мазкур барои омӯзгорон, адъюнктантҳо, шунавандагон, курсантҳо ва кормандони оперативии мақомоти ҳифзи ҳуқуқи Ҷумҳурии Тоҷикистон пешниҳод гардидааст.

Китоби тозанашри Вазири корҳои дохилӣ


Китоби Оперативно-розыскные мероприятия: правовые основы (Чорабиниҳои оперативӣ-ҷустуҷӯӣ: заминаҳои ҳуқуқӣ)-и Раҳимзода Рамазон Ҳамро – Вазири корҳои дохилӣ, генерал-лейтенанти милитсия, номзади илмҳои ҳуқуқ, Ҳуқуқшиноси шоистаи Тоҷикистон, бо забони муоширати байни миллатҳо – забони русӣ ба тозагӣ аз чоп баромад, ки дар он ташаккули фаъолияти оперативӣ-ҷустуҷӯӣ дар Тоҷикистони таърихӣ, инкишоф ва рушди заминаҳои ҳуқуқии фаъолияти оперативӣ-ҷустуҷӯӣ дар Тоҷикистони ҳозиразамон, мафҳуми баъзе хусусиятҳо ва тартиби гузаронидани чорабиниҳои оперативӣ-ҷустуҷӯӣ, инчунин тартиби пешниҳод намудани натиҷаҳои чорабиниҳои оперативӣ-ҷустуҷӯӣ ба муфаттишон, мақомоти таҳқиқ, прокурорҳо ва судҳо баррасӣ гардидаанд.

Китоби мазкур барои омӯзгорон, адъюнктантҳо, шунавандагон, курсантҳо ва кормандони оперативии мақомоти ҳифзи ҳуқуқи Ҷумҳурии Тоҷикистон пешкаш гардидааст.

Нашри сеюми китоби дарсии «Фаъолияти оперативӣ-ҷустуҷӯӣ»

Китоби дарсии «Фаъолияти оперативӣ-ҷустуҷӯӣ»-и Раҳимзода Рамазон Ҳамро бо назардошти талаботҳои санадҳои меъёрии ҳуқуқии навин омода гардида, ҷабҳаҳои умумии ин намуди фаъолияти ҳуқуқиро фарогир мебошад.

Китоби мазкур ба хотири пешбурди соҳаи мақомоти ҳифзи ҳуқуқи ҷумҳурӣ ба омӯзгорон, аспирантҳою адъюнктон, донишҷӯён, курсантону шунавандагон ва ба кормандони оперативӣ, муфаттишон, прокурорҳо, судяҳо, ҳимоячиҳо ва инчунин шаҳрвандон пешкаш мегардад. 

Телефони 1919

Бо ташаббуси Вазири корҳои дохилӣ генерал-лейтенанти милитсия Раҳимзода Рамазон Ҳамро, дар Вазорати корҳои дохилӣ телефони пайвасткунандаи 1919 ба тамоми ҷузъу томҳои мақомоти корҳои дохилӣ дар ҳудуди Ҷумҳурии Тоҷикистон ба фаъолият оғоз намуд.

Шаҳрвандон метавонанд бо ин рақам ба воситаи телефонҳои мобилӣ, (GPRS, CDMA), хонагӣ, корӣ, занг зада, ба Раёсатҳо, Шӯъбаҳо ва ҷузъу томҳои мақомоти корҳои дохилӣ дар қаламрави кишвар пайваст шуда, арзу шикоят, дархост ва маълумоти худро расонанд.

Низомномаи Шӯрои ҷамъиятӣ

Низомномаи 

Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон

1. Муқаррароти умумӣ

1. Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон (минбаъд – Шӯрои ҷамъиятӣ) мақомоти ҷамъиятии машваратӣ - мушоҳидавӣ буда, бо мақсади ташкил ва таъмин намудани иштироки мустақим ва ғайримустақими шаҳрвандон дар ҷараёни ислоҳоти милитсия созмон дода шуда, доир ба ин мавзӯъ назардошту пешниҳоди аҳли ҷомеа ва шаҳрвандони алоҳидаро ҷиҳати татбиқунонӣ ва ташаккули сиёсати давлатӣ вобаста ба ҳамкории милитсия бо ҷомеаро ба маълумоти Ҳукумати Ҷумҳурии Тоҷикистон расонидан ва ба инобат гирифтани афкори ҷамъиятӣ, инчунин назорати ҷамъиятӣ аз рафти ислоҳоти милитсия, таъсис дода шудааст.

Оид ба истифодабарии итилооти сомона

Ҳамаи маводҳои Сомонаи расмии Вазорати корҳои  дохилии Ҷумҳурии Тоҷикистон дар дилхоҳ воситаҳои ахбори омма, дар серверҳои шабакаҳои интернетӣ ё ин, ки дар ҳама паҳнкунандаҳо бе  ягон мамоният бо андоза ва мӯҳлати нашр, метавонанд истифода бурда шаванд.

Истифодаи маводҳо ба ҳафтаномаҳо, маҷаллаҳо, шабакаҳои радиоӣ, телевизионӣ, сомонаҳо ва саҳифаҳои интернетӣ иҷозат дода мешавад. Шарти ягонаи истифодабарии маводҳои Сомонаи расмии Вазорати корҳои дохилии Ҷумҳурии Тоҷикистон нишон додани сарчашмаи аввалияи мавод мебошад (www.mvd.tj  www.vkd.tj).

Барои нашр ва чопи маводҳо аз ҷониби Вазорати корҳои дохилии Ҷумҳурии Тоҷикистон мувофиқаи пешакӣ талаб карда намешавад.

Хабарнигори фаврӣ

Дар сомонаи расмии ВКД Ҷумҳурии Тоҷикистон гӯшаи «Хабарнигори фаврӣ» (новобаста аз шаҳрвандӣ) таъсис дода шуд, ки шаҳрвандон метавонанд таъҷилан наворҳои видеоиро вобаста ба ҳодисаҳои ҷиноятӣ, ҳуқуқвайронкуниҳо, қонуншиканиҳо, ҳолатҳои фавқулодда, ҳодисаҳои табиӣ, сӯхтор, садамаҳои нохуши нақлиётӣ ва дигар ҳодисаю воқеаҳое, ки бозтоби васеи ҷамъиятӣ доранд, ирсол намоянд.

 «Хабарнигори фаврӣ» метавонад аз шабакаҳои иҷтимоии Viber, WhatsApp, IMO, Telegrams, WeChat бо рақами телефони мобилии (+ 992) 939 222 111 ва почтаи электронии Вазорати корҳои дохилии Ҷумҳурии Тоҷикистон Ця електронна адреса захищена від спам-ботів. вам потрібно увімкнути JavaScript, щоб побачити її.   истифода намуда, хабару наворҳои худро ба таври фаврӣ ирсол намояд.

Шаҳрвандон метавонанд маводҳои худро аз рӯи хоҳишмандӣ бо се забон: тоҷикӣ, русӣ ва англисӣ ирсол намоянд. 

Махфӣ нигоҳ доштани маълумот дар бораи шахсе, ки  маводро ирсол менамояд, кафолат дода мешавад.