Таассуроти омӯзгорону донишҷӯён аз вохӯрӣ бо кормандони милитсия

 

Дар вохӯрии кормандони милитсия бо омӯзгорону донишҷӯёни Коллеҷи муҳандисию омӯзгории шаҳри Душанбе, ки рӯзи 28-уми декабр баргузор гардид, оид ба масъалаҳои марбут ба илму донишомӯзии ҷавонон, пешгирии ҳуқуқвайронкуниву ҷинояткорӣ ва ҳолатҳои шомилшавии онҳо ба ҳизбу ҳаракатҳои экстремистиву террористӣ изҳори назар карда шуд.

Зимни суханронӣ дар ин чорабинӣ сардори Раёсати нозиротӣ-ташкилии ВКД, полковники милитсия Раҳимзода Абдураҳим Абдураҳмон тамоми паҳлӯҳои вобаста ба ҳаёту фаъолияти ҷавонон, аз ҷумла донишҷӯёнро мавриди таҳлилу баррасӣ қарор дода, фикру андешаҳои худро бо овардани далелу рақамҳо тақвият бахшид.

 

Тавре мавсуф иброз намуд, ҳамагон медонанд, ки ҳафтаи гузашта Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии мамлакат ва мардуми тоҷик ироа гардид, ки дар он Роҳбари давлат дар баробари возеҳу равшан баён намудани фаъолияти тамоми соҳаҳои кишвар, ҳамзамон дар бораи аз тарафи Созмони Милали Муттаҳид дастгириву ҷонибдорӣ ёфтани пешниҳоди Ҷумҳурии Тоҷикистон доир ба эълон намудани «Даҳсолаи байналмилалии амал «Об барои рушди устувор барои солҳои 2018-2028» хабар доданд, ки ин боиси ифтихори ҳар як шаҳрванди солимфикри ҷомеаи мо мебошад.
«Ҳамзамон, дар ин Паём дар баробари зикри як қатор масъалаҳои муҳим, Пешвои миллат, инчунин нақши назарраси ҷавонони кишварро дар пешрафту шукуфоии Тоҷикистон ба инобат гирифта, соли 2017-ро «Соли ҷавонон» эълон намуданд. Ҳамагон медонем, ки имрӯзҳо ин пешниҳоди Сардори давлат, муҳтарам Эмомалӣ Раҳмон аз ҷониби ҷомеаи кишвар, алалхусус шумо, ҷавонону донишҷӯёни азиз, ҳамовозии гарм пайдо кардааст», - афзуд номбурда.
Дар идомаи суханронӣ полковники милитсия А.Раҳимзода иброз намуд, ки бо вуҷуди он, ки Ҳукумати ҷумҳурӣ барои илму донишомӯзӣ ва зиндагии шоистаи ҷавонон тамоми шароитҳоро муҳаё намудааст, вале ҷой доштани баъзе унсурҳои номатлуб дар байни онҳо аҳли ҷомеаи кишварро ба ташвиш овардааст.


Тавре ӯ зикр намуд, дар зарфи 11 моҳи соли 2016 аз тарафи ноболиғон 647 ва аз ҷониби ҷавонон беш аз 5 ҳазору 350 ҳолати ҷиноӣ ба қайд гирифта шудааст. Дар ин миён, мутаассифона донишҷӯён низ дар содир намудани ҷиноят даст дошта, дар ин муддат аз тарафи ин қишри пешбарандаи ҷомеа 30 амали ҷиноӣ содир гардидааст.
«Вақте калимаи донишҷӯро ба забон меорем, пеши назар симои шахсе падидор мегардад, ки дорои дониши баланд, маърифату ахлоқи ҳамида ва фарди фаъоли давлату ҷамъият мебошад. Аммо баъзе намояндагони ин табақаи пешоҳанг бо содир намудани амалҳои ношоиста ба номи пуршарафи донишҷӯ иснод меоранд», - илова намуд мавсуф.
Сардори Раёсати нозиротӣ-ташкилии ВКД дар баромадаш оид ба сатҳи ҳуқуқвайронкуниву ҷинояткорӣ ва амалҳои номатлубе, ки имрӯз ҷомеаи моро нигарон сохтаву барои ошкору пешгирӣ намудани ин гуна аъмоли ношоиста фаъолияту ҳамоҳангии ҳамагон зарур аст, аз донишҷӯён даъват кард, ки баҳри ҳифзи тартиботи ҷамъиятӣ ва тарғиби тарзи ҳаёти солим миёни ҳамсолони худ намуна бошанд. Ҳамкориҳоро бо мақомоти корҳои дохилӣ дар сатҳи зарурӣ ба роҳ монанд. Барои анҷом додани ин гуна амалҳои хайр имрӯз тамоми шароитҳо муҳайё буда, дар Вазорати корҳои дохилӣ ва раёсату шуъбаҳои маҳаллии он телефонҳои боварӣ фаъол мебошанд.
«Роҳбарияти Вазорати корҳои дохилӣ, шахсан Вазири корҳои дохилӣ, генерал-лейтенанти милитсия Раҳимзода Рамазон Ҳамро пайваста бо ҷавонону донишҷӯён суҳбату вохӯриҳо баргузор карда, онҳоро ҳамаҷониба дастгирӣ менамоянд. Имрӯз намояндагони ин табақаи фаъоли ҷомеа ба кори таъмин ва ҳифзи тартиботи ҷамъиятӣ, ки вазифаи ҳар як шаҳрванди масъулиятшиноси кишвар мебошад, ҳамаҷониба ҷалб гардида, дар ин самт бо кормандони милитсия ҳамкориҳои наздик доранд», - ибрози назар намуд А. Раҳимзода.
Дар навбати худ, директори Коллеҷи муҳандисию омӯзгорӣ Зулайхо Зокирова ба масъулини ВКД барои гузаронидани чунин як вохӯрии судманд сипосу миннатдорӣ баён намуда, изҳор дошт, ки ин ҷамъомад дар доираи нақшаи тасдиқнамудаи Вазорати корҳои дохилӣ ва Вазорати маориф ва илми ҷумҳурӣ баргузор карда шуд.
Тавре ӯ иброз намуд, хушбахтона аз ҳисоби донишҷӯёни муассисаи таълимии онҳо ягон нафар дар содир кардани ҳуқуқвайронкуниву ҷинояткорӣ даст надорад.

«Коллеҷи муҳандисию омӯзгорӣ дар ҳамкории наздик бо мақомоти корҳои дохилӣ қарор дошта, пайваста мулоқоту вохӯриҳои кормандони милитсия бо омӯзгорону донишҷӯёни он гузаронида мешаванд», - илова намуд З.Зокирова.
Дар қисмати муҳокимарониҳо низ иштироккунандагони вохӯрӣ фаъолнокӣ нишон доданд. Аз ҷумла, тавре донишҷӯи курси 4-уми ин коллеҷ Олимҷон Азизов иброз намуд, «ин вохӯрӣ аз ҳар ҷиҳат барои мо, ҷавонон хотирмон хоҳад буд. Хусусан, тамошои навори «Сад пушаймонӣ аз Сурия», ки аз ҷониби ВКД таҳия гардидаву дар аввали вохӯрии мо манзур гардонида шуд, хеле таъсирнок буд. Навор дар бораи сарнавишти он ҳамсолони ноогоҳи мо нақл менамуд, ки бо сабаби паст будани дарку фаҳмиш ва маърифату донишашон ба доми фиреби гурӯҳҳои экстремистиву террористӣ гирифтор шуда, оқибат ҳаёти ҷавони худ ва наздиконашонро тираву тор намуданд. Вале хурсандибахш он аст, ки аксари ин гуна ҷавонони фиребхӯрда саривақт хатояшонро фаҳмида, бо мусоидати Вазорати корҳои дохилӣ ба Ватан баргаштанд».
Ба андешаи ин донишҷӯи фаъол, «ба туфайли вохӯрии судманд бо кормандони милитсия, мо аз вазъи ҷинояткорӣ дар байни ҳамсолони худ огоҳ шуда, ваъда медиҳем, ки минбаъд бо донишу хониши аъло баҳри пешгирии ҳама гуна амалҳои номатлуб кӯшиш ба харҷ медиҳем. Албатта, бо фаъолнокӣ нишон додан дар корҳои ҷамъиятӣ, зоҳир намудани масъулиятшиносӣ дар иҷрои вазифаву уҳдадориҳо ва бо салоҳияти баланд рафтор намудан нисбати таҳсил - мо, донишҷӯёни Коллеҷи муҳандисию омӯзгорӣ дар кори пешрафту шукуфоии Ватани азизамон, ки онро ном Тоҷикистон аст, саҳми арзанда мегузорем».
Мавриди зикр аст, ки Коллеҷи муҳандисию омӯзгорӣ тобеи Вазорати меҳнат, муҳоҷират ва шуғли аҳолии Ҷумҳурии Тоҷикистон буда, дар он беш аз 850 нафар ҷавонон дар ду баст таҳсил менамоянд. Дар бинои хобгоҳе, ки дар ҳудуди ин коллеҷ ҷойгир аст, 120 нафар донишҷӯён истиқомат дошта, бо шароити зарурии зисту таҳсил таъмин мебошанд.
Умед ОЧИЛОВ,
Тоҷиддин ЛАТИПОВ

Матни шарҳи шумо…

Захисний код
Аз нав

Видео

Ҳафтаномаи «Қонун ва Ҷомеа»

Табиат

Омор

3710698
ИмрӯзИмрӯз227
МоҳМоҳ18892
ХамагиХамаги3710698

ФОҶ дар давраи таърихӣ ва муосир

Китоби Оперативно-розыскная деятельность: история и современность (Фаъолияти оперативӣ-ҷустуҷӯӣ: таърих ва замони муосир)-и Раҳимзода Рамазон Ҳамро – Вазири корҳои дохилӣ, генерал-лейтенанти милитсия, номзади илмҳои ҳуқуқ, Ҳуқуқшиноси шоистаиТоҷикистон, бо забони русӣ ба тозагӣ аз чоп баромад.

Дар китоб масъалаҳои таърихи ташаккул ва рушди фаъолияти оперативӣ-ҷустуҷӯӣ дар Тоҷикистони кӯҳан ва муосир, ки то ҳоло дар илми ҳуқуқшиносӣ инъикос нагардидаанд, дарҷ ёфтаанд.

Китоби мазкур барои омӯзгорон, адъюнктантҳо, шунавандагон, курсантҳо ва кормандони оперативии мақомоти ҳифзи ҳуқуқи Ҷумҳурии Тоҷикистон пешниҳод гардидааст.

Китоби тозанашри Вазири корҳои дохилӣ


Китоби Оперативно-розыскные мероприятия: правовые основы (Чорабиниҳои оперативӣ-ҷустуҷӯӣ: заминаҳои ҳуқуқӣ)-и Раҳимзода Рамазон Ҳамро – Вазири корҳои дохилӣ, генерал-лейтенанти милитсия, номзади илмҳои ҳуқуқ, Ҳуқуқшиноси шоистаи Тоҷикистон, бо забони муоширати байни миллатҳо – забони русӣ ба тозагӣ аз чоп баромад, ки дар он ташаккули фаъолияти оперативӣ-ҷустуҷӯӣ дар Тоҷикистони таърихӣ, инкишоф ва рушди заминаҳои ҳуқуқии фаъолияти оперативӣ-ҷустуҷӯӣ дар Тоҷикистони ҳозиразамон, мафҳуми баъзе хусусиятҳо ва тартиби гузаронидани чорабиниҳои оперативӣ-ҷустуҷӯӣ, инчунин тартиби пешниҳод намудани натиҷаҳои чорабиниҳои оперативӣ-ҷустуҷӯӣ ба муфаттишон, мақомоти таҳқиқ, прокурорҳо ва судҳо баррасӣ гардидаанд.

Китоби мазкур барои омӯзгорон, адъюнктантҳо, шунавандагон, курсантҳо ва кормандони оперативии мақомоти ҳифзи ҳуқуқи Ҷумҳурии Тоҷикистон пешкаш гардидааст.

Нашри сеюми китоби дарсии «Фаъолияти оперативӣ-ҷустуҷӯӣ»

Китоби дарсии «Фаъолияти оперативӣ-ҷустуҷӯӣ»-и Раҳимзода Рамазон Ҳамро бо назардошти талаботҳои санадҳои меъёрии ҳуқуқии навин омода гардида, ҷабҳаҳои умумии ин намуди фаъолияти ҳуқуқиро фарогир мебошад.

Китоби мазкур ба хотири пешбурди соҳаи мақомоти ҳифзи ҳуқуқи ҷумҳурӣ ба омӯзгорон, аспирантҳою адъюнктон, донишҷӯён, курсантону шунавандагон ва ба кормандони оперативӣ, муфаттишон, прокурорҳо, судяҳо, ҳимоячиҳо ва инчунин шаҳрвандон пешкаш мегардад. 

Телефони боварии Вазири корҳои дохилӣ

 

Телефонҳои боварии ҷузъу томҳои ВКД ҶТ

РВКД дар ш.Душанбе

(8372) 221-15-00


РВКД дар вилояти Суғд

(83422) 6-22-22

РВКД дар вилояти Хатлон

(83222) 2-13-13

РВКД дар ВМКБ

(83522) 2-21-21

Қисми минтақавии РВКД-и Хатлон дар  Кӯлоб

(83322) 3-39-79

РВКД дар минтақаи РАШТ

(83131) 2-21-21

Телефони 1919

Бо ташаббуси Вазири корҳои дохилӣ генерал-лейтенанти милитсия Раҳимзода Рамазон Ҳамро, дар Вазорати корҳои дохилӣ телефони пайвасткунандаи 1919 ба тамоми ҷузъу томҳои мақомоти корҳои дохилӣ дар ҳудуди Ҷумҳурии Тоҷикистон ба фаъолият оғоз намуд.

Шаҳрвандон метавонанд бо ин рақам ба воситаи телефонҳои мобилӣ, (GPRS, CDMA), хонагӣ, корӣ, занг зада, ба Раёсатҳо, Шӯъбаҳо ва ҷузъу томҳои мақомоти корҳои дохилӣ дар қаламрави кишвар пайваст шуда, арзу шикоят, дархост ва маълумоти худро расонанд.

КОДЕКС

                             Лоиҳа 

КОДЕКСИ ОДОБИ КОРМАНДИ ПОЛИТСИЯ 

1. Муқаррароти  умумӣ

     1) Кодекси одоби касбии корманди политсияи Ҷумҳурии Тоҷикистон (минбаъд-Кодекс), маҷмӯи қоидаҳои рафтори корманди политсия мебошад, ки ҳадди муошират, қоидаҳои рафтори хизматӣ ва ғайрихизматӣ, ки аз санадҳои меъёрии ҳуқуқии Ҷумҳурии Тоҷикистон, арзишҳои эътирофшудаи ахлоқи инсонӣ ва талаботи маънавии ҷамъият нисбат ба кормандон бармеояд, муайян менамояд.

     2) Мақсади Кодекси мазкур муқаррар намудани қоидаҳои рафтори хизматӣ ва ғайрихизматии корманди политсия (минбаъд-корманд), мусоидат кардан ҷиҳати баланд бардоштани обрӯ ва эътибори корманд, боварии шаҳрвандон ба мақомоти корҳои дохилии Ҷумҳурии Тоҷикистон ва таъмини меъёрҳои ягонаи рафтори корманди мақомоти корҳои дохилӣ мебошад.

     3) Амали Кодекси мазкур нисбат ба корманде, ки мансаби давлатиро дар мақомоти корҳои дохилӣ, мутобиқи қонунгузории амалкунандаи ҷумҳурӣ ва дигар санадҳои меъёрии ҳуқуқи ишғол менамояд, паҳн мегардад. 

Низомномаи Шӯрои ҷамъиятӣ

Низомномаи 

Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон

1. Муқаррароти умумӣ

1. Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон (минбаъд – Шӯрои ҷамъиятӣ) мақомоти ҷамъиятии машваратӣ - мушоҳидавӣ буда, бо мақсади ташкил ва таъмин намудани иштироки мустақим ва ғайримустақими шаҳрвандон дар ҷараёни ислоҳоти милитсия созмон дода шуда, доир ба ин мавзӯъ назардошту пешниҳоди аҳли ҷомеа ва шаҳрвандони алоҳидаро ҷиҳати татбиқунонӣ ва ташаккули сиёсати давлатӣ вобаста ба ҳамкории милитсия бо ҷомеаро ба маълумоти Ҳукумати Ҷумҳурии Тоҷикистон расонидан ва ба инобат гирифтани афкори ҷамъиятӣ, инчунин назорати ҷамъиятӣ аз рафти ислоҳоти милитсия, таъсис дода шудааст.

Оид ба истифодабарии итилооти сомона

Ҳамаи маводҳои Сомонаи расмии Вазорати корҳои  дохилии Ҷумҳурии Тоҷикистон дар дилхоҳ воситаҳои ахбори омма, дар серверҳои шабакаҳои интернетӣ ё ин, ки дар ҳама паҳнкунандаҳо бе  ягон мамоният бо андоза ва мӯҳлати нашр, метавонанд истифода бурда шаванд.

Истифодаи маводҳо ба ҳафтаномаҳо, маҷаллаҳо, шабакаҳои радиоӣ, телевизионӣ, сомонаҳо ва саҳифаҳои интернетӣ иҷозат дода мешавад. Шарти ягонаи истифодабарии маводҳои Сомонаи расмии Вазорати корҳои дохилии Ҷумҳурии Тоҷикистон нишон додани сарчашмаи аввалияи мавод мебошад (www.mvd.tj  www.vkd.tj).

Барои нашр ва чопи маводҳо аз ҷониби Вазорати корҳои дохилии Ҷумҳурии Тоҷикистон мувофиқаи пешакӣ талаб карда намешавад.

Хабарнигори фаврӣ

Дар сомонаи расмии ВКД Ҷумҳурии Тоҷикистон гӯшаи «Хабарнигори фаврӣ» (новобаста аз шаҳрвандӣ) таъсис дода шуд, ки шаҳрвандон метавонанд таъҷилан наворҳои видеоиро вобаста ба ҳодисаҳои ҷиноятӣ, ҳуқуқвайронкуниҳо, қонуншиканиҳо, ҳолатҳои фавқулодда, ҳодисаҳои табиӣ, сӯхтор, садамаҳои нохуши нақлиётӣ ва дигар ҳодисаю воқеаҳое, ки бозтоби васеи ҷамъиятӣ доранд, ирсол намоянд.

 «Хабарнигори фаврӣ» метавонад аз шабакаҳои иҷтимоии Viber, WhatsApp, IMO, Telegrams, WeChat бо рақами телефони мобилии (+ 992) 939 222 111 ва почтаи электронии Вазорати корҳои дохилии Ҷумҳурии Тоҷикистон Ця електронна адреса захищена від спам-ботів. вам потрібно увімкнути JavaScript, щоб побачити її.   истифода намуда, хабару наворҳои худро ба таври фаврӣ ирсол намояд.

Шаҳрвандон метавонанд маводҳои худро аз рӯи хоҳишмандӣ бо се забон: тоҷикӣ, русӣ ва англисӣ ирсол намоянд. 

Махфӣ нигоҳ доштани маълумот дар бораи шахсе, ки  маводро ирсол менамояд, кафолат дода мешавад.