Конференсияи илмӣ-амалӣ дар самти таъмини ҳуқуқ ва озодиҳои инсон

Имрӯз (15.12.с.2016), дар толори маҷлисгоҳи Академияи Вазорати корҳои дохилӣ конференсияи илмӣ-амалии сатҳи ҷумҳуриявӣ бахшида ба мавзӯи «Проблемаҳои таъмини ҳуқуқ ва озодиҳои инсон ва шаҳрванд дар фаъолияти мақомоти ҳифзи ҳуқуқ» баргузор гардид.

Дар кори конференсия намояндагони Ваколатдор оид ба ҳуқуқи инсон, мақомоти судӣ, прокуратура, мактабҳои олии ҳуқуқшиносии кишвар ширкат варзиданд.

Маърӯзачиён, аз ҷумла Ёрдамчии муовини Ваколатдор оид ба ҳуқуқи инсон – Ваколатдор оид ба ҳуқуқи кӯдак дар Ҷумҳурии Тоҷикистон Азиз Солиев дар мавзӯи «Ташаккули механизмҳои миллии ҳифзи ҳуқуқи инсон дар Ҷумҳурии Тоҷикистон»,  судяи Суди Олии Ҷумҳурии Тоҷикистон Маҳмадҷон Оймаҳмадзода дар мавзӯи «Нақши мақомоти судӣ дар таъмини ҳифзи ҳуқуқ ва озодиҳои инсон ва шаҳрванд», прокурори калони Раёсати назорати иҷрои  қонунҳо дар мақомоти корҳои дохилӣ ва назорати маводи нашъаовар, мушовири адлияи дараҷаи 3 Сулаймон Искандарӣ бо мавзӯи «Нақши мақомоти прокуратура дар ҳимояи ҳуқуқ ва озодиҳои инсон ва шаҳрванд» баромад карданд.

Ҳамчунин дар ҷараёни конференсия сардори факултети №1 Академияи ВКД, н.и.ҳ., полковники милитсия Нақиб Нозиров дар мавзӯи «Таъмини ҳуқуқ ва озодиҳои инсон ва шаҳрванд дар тафтишоти пешакӣ», сардори шуъбаи ташкилӣ-илмӣ ва табъу нашри Академияи ВКД, н.и.ҳ., майори милитсия Амиршоҳ Тошев дар мавзӯи «Нақши мақомоти корҳои дохилӣ дар таъмини ҳуқуқ ва озодиҳои инсон ва шаҳрванд», сардори шуъбаи адъюнктураи Академияи ВКД н.и.ҳ., майори милитсия Акмал Юсуфзода дар мавзӯи «Эътироф ва риояи ҳуқуқ ва озодиҳои инсон ва шаҳрванд ҳамчун принсипи фаъолияти милитсия», профессори кафедраи мурофиаи ҷиноятии факултети №2 Академия, н.и.ҳ., майори милитсия Рифат Юлдошев дар мавзӯи «Доминирование частных и публичных начал в уголовном процессе Таджикистана», дотсенти кафедраи ташкили идоракунии фаъолияти ҳифзи ҳуқуқи факултети №1 Академияи ВКД, н.и.т., майори милитсия Манучеҳр Алимардонов ва асистенти кафедраи ҳуқуқи конститутсионии факултети ҳуқуқшиносии Донишгоҳи миллии Тоҷикистон Шогун Амренова дар мавзӯи «Нақши мақомоти прокуратура дар таъмини ҳуқуқ ва озодиҳои инсон ва шаҳрванд» фикру андешаҳои худро иброз доштанд.

Конференсияи мазкур ба муносибати якчанд идҳои сиёсиву ҳуқуқӣ, аз ҷумла 25-солагии Истиқлолияти давлатии Ҷумҳурии Тоҷикистон, Рӯзи милитсияи тоҷик, 25-солагии Академияи ВКД Ҷумҳурии Тоҷикистон ва Рӯзи ҳуқуқи инсон бахшида шуд.

Бо ба даст овардани Истиқлолияти давлатӣ, кишвари азизамон зери сиёсати пешгирифтаи Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон роҳи бунёди давлати ҳуқуқбунёд ва таъсиси ҷомеаи шаҳрвандиро пеш гирифтааст.

Имрӯз, масъалаи таъмини ҳуқуқ ва озодиҳои инсон ва шаҳрванд аз масъалаҳои муҳими илми ҳуқуқшиносӣ ва фазои ҳуқуқии кишвар маҳсуб меёбанд. Бунёди ҳама гуна давлати демокративу ҳуқуқбунёд, бидуни эътироф, таъмин, кафолат ва ҳимояи ҳуқуқ ва озодиҳои инсон ва шаҳрванд имконнопазир аст. Ақидаи арзиши олӣ доштани ҳуқуқ ва озодиҳои инсон ва шаҳрванд дар Конститутсияи Ҷумҳурии Тоҷикистон дарҷ гардидааст, ки ин санади воломақом ҷавобгӯи талаботҳои байналмилалӣ оид ба ҳуқуқи инсон аст.

Ҳуқуқи инсон имрӯз аз талаботи оддии истифода намудан аз фазилатҳои инсониву табиӣ то ба мафҳуми мураккаби умумииҷтимоӣ инкишоф ёфта, талаботи умумиинсониро оид ба озодӣ инъикос менамояд. Чи тавре маълум аст, баъд аз дарку эҳсоси оқибатҳои мудҳиши ҷанги дуюми ҷаҳонӣ аз ҷониби Ассамблеяи Генералии Созмони Милали Муттаҳид 10 декабри соли 1948 Эъломияи умумии ҳуқуқи башар қабул гардидааст. Аз ин рӯ, вазифаи ҳифз ва ҳимоя намудани ҳуқуқи инсон аз доираи як шахс, як давлат берун гашта, ба уҳдадории умумиҷаҳонии давлатӣ табдил ёфтааст.

Ҳамзамон, ҳар кишвар эътироф, таъмин, кафолат ва ҳимояи ҳуқуқ ва озодиҳои инсон ва шаҳрвандро бидуни сохторҳои махсуси давлатӣ, яъне мақомоти ҳифзи ҳуқуқ амалӣ намуда наметавонад. Аз ин лиҳоз, нақши мақомоти ҳифзи ҳуқуқ дар таъмини ҳуқуқ ва озодиҳои инсон ва шаҳрванд хеле муҳим буда, аз таъмини босифати он дуруст ба роҳ мондани фаъолияти чунин мақомот вобастагӣ дорад.

Бинобар ин эътироф, таъмин, кафолат ва ҳимояи ҳуқуқ ва озодиҳои инсон ва шаҳрванд талаб менамояд, ки  дар ин самт фазои қонуният, боварӣ, эҳтиром ба манфиатҳои ҳамдигар ва ҳамоҳангсозии фаъолияти мақомоти ҳифзи ҳуқуқ фароҳам оварда шавад. Муайян ва бартарафсозии проблемаҳои таъмини ҳуқуқ ва озодиҳои инсон ва шаҳрванд вазифаи афзалиятноки кормандони мақомоти ҳифзи ҳуқуқ маҳсуб меёбад.

Дар фарҷоми конференсия миёни баромадкунандагон ва иштирокчиён мубодилаи афкор сурат гирифта, ҳамчунин ҷиҳати тақвият додани корҳои илмӣ-таҳқиқотӣ дар ин самт таклифу тавсияҳои судманд пешниҳод гардиданд.

Н. Нозиров, Х. Солиҳов 

Матни шарҳи шумо…

Захисний код
Аз нав

Видео

Ҳафтаномаи «Қонун ва Ҷомеа»

Табиат

Омор

3742767
ИмрӯзИмрӯз750
МоҳМоҳ22469
ХамагиХамаги3742767

ФОҶ дар давраи таърихӣ ва муосир

Китоби Оперативно-розыскная деятельность: история и современность (Фаъолияти оперативӣ-ҷустуҷӯӣ: таърих ва замони муосир)-и Раҳимзода Рамазон Ҳамро – Вазири корҳои дохилӣ, генерал-лейтенанти милитсия, номзади илмҳои ҳуқуқ, Ҳуқуқшиноси шоистаиТоҷикистон, бо забони русӣ ба тозагӣ аз чоп баромад.

Дар китоб масъалаҳои таърихи ташаккул ва рушди фаъолияти оперативӣ-ҷустуҷӯӣ дар Тоҷикистони кӯҳан ва муосир, ки то ҳоло дар илми ҳуқуқшиносӣ инъикос нагардидаанд, дарҷ ёфтаанд.

Китоби мазкур барои омӯзгорон, адъюнктантҳо, шунавандагон, курсантҳо ва кормандони оперативии мақомоти ҳифзи ҳуқуқи Ҷумҳурии Тоҷикистон пешниҳод гардидааст.

Китоби тозанашри Вазири корҳои дохилӣ


Китоби Оперативно-розыскные мероприятия: правовые основы (Чорабиниҳои оперативӣ-ҷустуҷӯӣ: заминаҳои ҳуқуқӣ)-и Раҳимзода Рамазон Ҳамро – Вазири корҳои дохилӣ, генерал-лейтенанти милитсия, номзади илмҳои ҳуқуқ, Ҳуқуқшиноси шоистаи Тоҷикистон, бо забони муоширати байни миллатҳо – забони русӣ ба тозагӣ аз чоп баромад, ки дар он ташаккули фаъолияти оперативӣ-ҷустуҷӯӣ дар Тоҷикистони таърихӣ, инкишоф ва рушди заминаҳои ҳуқуқии фаъолияти оперативӣ-ҷустуҷӯӣ дар Тоҷикистони ҳозиразамон, мафҳуми баъзе хусусиятҳо ва тартиби гузаронидани чорабиниҳои оперативӣ-ҷустуҷӯӣ, инчунин тартиби пешниҳод намудани натиҷаҳои чорабиниҳои оперативӣ-ҷустуҷӯӣ ба муфаттишон, мақомоти таҳқиқ, прокурорҳо ва судҳо баррасӣ гардидаанд.

Китоби мазкур барои омӯзгорон, адъюнктантҳо, шунавандагон, курсантҳо ва кормандони оперативии мақомоти ҳифзи ҳуқуқи Ҷумҳурии Тоҷикистон пешкаш гардидааст.

Нашри сеюми китоби дарсии «Фаъолияти оперативӣ-ҷустуҷӯӣ»

Китоби дарсии «Фаъолияти оперативӣ-ҷустуҷӯӣ»-и Раҳимзода Рамазон Ҳамро бо назардошти талаботҳои санадҳои меъёрии ҳуқуқии навин омода гардида, ҷабҳаҳои умумии ин намуди фаъолияти ҳуқуқиро фарогир мебошад.

Китоби мазкур ба хотири пешбурди соҳаи мақомоти ҳифзи ҳуқуқи ҷумҳурӣ ба омӯзгорон, аспирантҳою адъюнктон, донишҷӯён, курсантону шунавандагон ва ба кормандони оперативӣ, муфаттишон, прокурорҳо, судяҳо, ҳимоячиҳо ва инчунин шаҳрвандон пешкаш мегардад. 

Телефони боварии Вазири корҳои дохилӣ

 

Телефонҳои боварии ҷузъу томҳои ВКД ҶТ

РВКД дар ш.Душанбе

(8372) 221-15-00


РВКД дар вилояти Суғд

(83422) 6-22-22

РВКД дар вилояти Хатлон

(83222) 2-13-13

РВКД дар ВМКБ

(83522) 2-21-21

Қисми минтақавии РВКД-и Хатлон дар  Кӯлоб

(83322) 3-39-79

РВКД дар минтақаи РАШТ

(83131) 2-21-21

Телефони 1919

Бо ташаббуси Вазири корҳои дохилӣ генерал-лейтенанти милитсия Раҳимзода Рамазон Ҳамро, дар Вазорати корҳои дохилӣ телефони пайвасткунандаи 1919 ба тамоми ҷузъу томҳои мақомоти корҳои дохилӣ дар ҳудуди Ҷумҳурии Тоҷикистон ба фаъолият оғоз намуд.

Шаҳрвандон метавонанд бо ин рақам ба воситаи телефонҳои мобилӣ, (GPRS, CDMA), хонагӣ, корӣ, занг зада, ба Раёсатҳо, Шӯъбаҳо ва ҷузъу томҳои мақомоти корҳои дохилӣ дар қаламрави кишвар пайваст шуда, арзу шикоят, дархост ва маълумоти худро расонанд.

КОДЕКС

                             Лоиҳа 

КОДЕКСИ ОДОБИ КОРМАНДИ ПОЛИТСИЯ 

1. Муқаррароти  умумӣ

     1) Кодекси одоби касбии корманди политсияи Ҷумҳурии Тоҷикистон (минбаъд-Кодекс), маҷмӯи қоидаҳои рафтори корманди политсия мебошад, ки ҳадди муошират, қоидаҳои рафтори хизматӣ ва ғайрихизматӣ, ки аз санадҳои меъёрии ҳуқуқии Ҷумҳурии Тоҷикистон, арзишҳои эътирофшудаи ахлоқи инсонӣ ва талаботи маънавии ҷамъият нисбат ба кормандон бармеояд, муайян менамояд.

     2) Мақсади Кодекси мазкур муқаррар намудани қоидаҳои рафтори хизматӣ ва ғайрихизматии корманди политсия (минбаъд-корманд), мусоидат кардан ҷиҳати баланд бардоштани обрӯ ва эътибори корманд, боварии шаҳрвандон ба мақомоти корҳои дохилии Ҷумҳурии Тоҷикистон ва таъмини меъёрҳои ягонаи рафтори корманди мақомоти корҳои дохилӣ мебошад.

     3) Амали Кодекси мазкур нисбат ба корманде, ки мансаби давлатиро дар мақомоти корҳои дохилӣ, мутобиқи қонунгузории амалкунандаи ҷумҳурӣ ва дигар санадҳои меъёрии ҳуқуқи ишғол менамояд, паҳн мегардад. 

Низомномаи Шӯрои ҷамъиятӣ

Низомномаи 

Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон

1. Муқаррароти умумӣ

1. Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон (минбаъд – Шӯрои ҷамъиятӣ) мақомоти ҷамъиятии машваратӣ - мушоҳидавӣ буда, бо мақсади ташкил ва таъмин намудани иштироки мустақим ва ғайримустақими шаҳрвандон дар ҷараёни ислоҳоти милитсия созмон дода шуда, доир ба ин мавзӯъ назардошту пешниҳоди аҳли ҷомеа ва шаҳрвандони алоҳидаро ҷиҳати татбиқунонӣ ва ташаккули сиёсати давлатӣ вобаста ба ҳамкории милитсия бо ҷомеаро ба маълумоти Ҳукумати Ҷумҳурии Тоҷикистон расонидан ва ба инобат гирифтани афкори ҷамъиятӣ, инчунин назорати ҷамъиятӣ аз рафти ислоҳоти милитсия, таъсис дода шудааст.

Оид ба истифодабарии итилооти сомона

Ҳамаи маводҳои Сомонаи расмии Вазорати корҳои  дохилии Ҷумҳурии Тоҷикистон дар дилхоҳ воситаҳои ахбори омма, дар серверҳои шабакаҳои интернетӣ ё ин, ки дар ҳама паҳнкунандаҳо бе  ягон мамоният бо андоза ва мӯҳлати нашр, метавонанд истифода бурда шаванд.

Истифодаи маводҳо ба ҳафтаномаҳо, маҷаллаҳо, шабакаҳои радиоӣ, телевизионӣ, сомонаҳо ва саҳифаҳои интернетӣ иҷозат дода мешавад. Шарти ягонаи истифодабарии маводҳои Сомонаи расмии Вазорати корҳои дохилии Ҷумҳурии Тоҷикистон нишон додани сарчашмаи аввалияи мавод мебошад (www.mvd.tj  www.vkd.tj).

Барои нашр ва чопи маводҳо аз ҷониби Вазорати корҳои дохилии Ҷумҳурии Тоҷикистон мувофиқаи пешакӣ талаб карда намешавад.

Хабарнигори фаврӣ

Дар сомонаи расмии ВКД Ҷумҳурии Тоҷикистон гӯшаи «Хабарнигори фаврӣ» (новобаста аз шаҳрвандӣ) таъсис дода шуд, ки шаҳрвандон метавонанд таъҷилан наворҳои видеоиро вобаста ба ҳодисаҳои ҷиноятӣ, ҳуқуқвайронкуниҳо, қонуншиканиҳо, ҳолатҳои фавқулодда, ҳодисаҳои табиӣ, сӯхтор, садамаҳои нохуши нақлиётӣ ва дигар ҳодисаю воқеаҳое, ки бозтоби васеи ҷамъиятӣ доранд, ирсол намоянд.

 «Хабарнигори фаврӣ» метавонад аз шабакаҳои иҷтимоии Viber, WhatsApp, IMO, Telegrams, WeChat бо рақами телефони мобилии (+ 992) 939 222 111 ва почтаи электронии Вазорати корҳои дохилии Ҷумҳурии Тоҷикистон Ця електронна адреса захищена від спам-ботів. вам потрібно увімкнути JavaScript, щоб побачити її.   истифода намуда, хабару наворҳои худро ба таври фаврӣ ирсол намояд.

Шаҳрвандон метавонанд маводҳои худро аз рӯи хоҳишмандӣ бо се забон: тоҷикӣ, русӣ ва англисӣ ирсол намоянд. 

Махфӣ нигоҳ доштани маълумот дар бораи шахсе, ки  маводро ирсол менамояд, кафолат дода мешавад.