Cохта шуд , 21 10 2016, 08:35

20.10.с.2016, ба мақомоти милитсия марди 33-солаи сокини ноҳияи Б.Ғафуров шикоят бурдааст, ки санаи 28.01.с.2016, марди 34-солаи сокини ноҳияи Дӯстӣ ба бовариаш даромада, аз ӯ автомашинаи тамғаи “Порш-Кайен”, ки арзишаш 13000-доллари амрикоӣ мебошад, гирифта, то ҳол маблағашро барнамегардонад.

Гумонбаршуда дастгир гардида, тафтишоти ҳодиса идома дорад.

Cохта шуд , 21 10 2016, 08:29

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 43-солаи сокини ноҳияи Ҷ.Балхӣ, нозири мизи ҳарбии яке аз ҷамоатҳои деҳоти ноҳияи мазкур бо ҷурми гирифтани пора дастгир гардид.

Гумонбаршуда, санаи 19-уми октябри соли 2016, аз зани 47-солаи сокини ноҳияи Ҷ.Балхӣ барои додани билети ҳарбии қалбакӣ ба писари 21-солааш маблағи 3000-сомониро ба сифати пора талаб карда гирифтааст. Далели шайъӣ гирифта шуд.

Аз рӯи ин ҳодиса парвандаи ҷиноятӣ оғоз гардида, тафтишот идома дорад.

Cохта шуд , 20 10 2016, 08:57

Ба мақомоти милитсия роҳбарияти Муассисаи таълимии ғайридавлатии гимназияи “Нур”, воқеъ дар ҷамоати деҳоти Х.Усмони ноҳияи Б.Ғафуров оиди содир шудани ҳодисаи дуздӣ хабар доданд, ки шаби 5-ум ба 6-уми октябри соли 2016, тахминан соати 04:00-дақиқа, шахсони номаълум бо тариқи пинҳонӣ вориди ҳуҷраи хазинадории гимназияи мазкур шуда, аз он ҷо ду адад ноутбуки тамғаи “Асер”, як адад принтери тамғаи “НР” ва як адад компютери тамғаи “LG”, ҷамъ ба маблағи умумии 10000-сомониро дуздида, аз ҷойи ҳодиса ғайб задаанд.

Оид ба далели дуздии мазкур зимни гузаронидани чорабиниҳои оперативӣ-ҷустуҷӯӣ ҷавони 19-солаи сокини ноҳияи Б.Ғафуров, донишҷӯ, ҳамчун гумонбар дастгир карда шуд.

Cохта шуд , 20 10 2016, 08:51

19.10.с.2016, тахминан соати 22:40-дақиқа, ронандаи автомашинаи тамғаи “ДЭУ-Сиело”, марди 26-солаи сокини шаҳри Истаравшан ҳангоми ҳаракат бо шоҳроҳи “Душанбе-Хуҷанд-Чаннок”, дар километри 253-юми ҳудуди ҷамоати деҳоти Яхтании ноҳияи Деваштич бехатарии ҳаракат дар роҳро таъмин карда натавониста марди 70-солаи сокини деҳаи Хуҷаҳои ноҳияи Деваштичро пахш намудааст.

Дар натиҷа пиёдагард, ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

Cохта шуд , 19 10 2016, 16:29

Президенти Ҷумҳурии Тоҷикистон, муҳтарам Эмомалӣ Раҳмон пайваста нисбати ятимону бепарасторон таваҷҷуҳи хоса зоҳир намуда, онҳоро доимо таҳти парастории бевоситаи хеш қарор медиҳад. Дар ин асос, роҳбарияти ВКД ва Академияи он низ тадбирҳои мушаххас андешида, дастуру ҳидоятҳои Пешвои миллатро дар ин самт сармашқи кори хеш қарор медиҳанд.

Бо ҳидоятҳои Пешвои миллат ҳар сол садҳо ҷавонон, фазандони ятиму бепарастор ба мактабҳои олии Тоҷикистон дохил ва соҳиби касбу ҳунар мегарданд. Дар Академияи ВКД низ як теъдод ятимону бепарасторон ва фарзандони кормандони милитсияе, ки ҳангоми иҷрои вазифаҳои хизматӣ ҳалок гардидаанд, ба таҳсил ва ғамхорӣ фаро гирифта шудаанд. Онҳо бо шароити зарурӣ, ҷойи хоб, хӯроки гарм, либос ва ашёи хониш пурра таъмин гардидаанд. Дар факултети №2-юм 130 нафар ятиму бепарасторон таҳти парасторӣ ва ғамхорӣ қарор доранд.

Cохта шуд , 19 10 2016, 16:26

Бо ташаббуси роҳбарияти Академияи ВКД, дар заминҳои ҳудуди ин муассисаи таълимии тахассусӣ дар масоҳати 400 метри квадратӣ ҳавзи моҳипарварӣ ташкил карда шуд.

Тавре масъулин иброз намуданд, дар навбати аввал дар ин ҳавзи пуроб зиёда аз 250 дона моҳии навъҳои карп, сазан ва амури сафед парвариш карда мешаванд.

Онҳо ният доранд, ки дар оянда теъдоди ин навъи ҷонварони обиро афзоиш дода, бо ин роҳ захираи маҳсулоти ғизоиро дар Академияи Вазорати корҳои дохилии Ҷумҳурии Тоҷикистон таъмин намоянд. 

Cохта шуд , 19 10 2016, 12:01

Дар байни халқ бахусус пайравони дини Ислом мардум дар симо ё шахсияти «эшон», «суфӣ», «мавлавӣ» ва «мулло» нафари поку ботақво, росткирдору муъмини комил ва парҳезгор аз ҳар гуна корҳои ношоистаро медонанд. Инчунин, дар замони муосир нафароне, ки дар байни ҷомеа ҳамчун мулло ё шахси рӯҳонӣ шинохта мешаванд, онҳоро аҳли ҷамоатчигӣ ва фаъолони ҷомеа ном мебаранд. Вале сад афсус, ки имрӯз баъзе ба ном муллоҳо  аз дину мазҳаб ва оятҳои Қуръон ҳамчун воситаи пешбурди рӯзгори шахсӣ суистифода карда, дар асл ягон донишкадаи исломиро хатм накарда, танҳо бо мақсади қонеъ гардонидани талаботи нафсонии худ, дар байни ҷомеа худро муллою табиб, қасидахону ҷинбарор ва мушкилкушои мардум муаррифӣ мекунанд.

Дар натиҷаи коркард ва чорабиниҳои оперативӣ кормандони Шӯъбаи мубориза бар зидди ҷиноятҳои муташккили ВКД дар гурӯҳи ноҳияҳои Ҳисор муллои мардумфиребу бадахлоқ Дустмуродов Ризоқул Хушмуротович, соли таваллудаш 1960, сокини ноҳияи Шаҳринавро ҳамчун гумонбар дар қаллобӣ ва кирдорҳои дорои хусусияти шаҳвонидошта, дастгир намуданд.

Cохта шуд , 19 10 2016, 08:41

18.10.с.2016, тахминан соати 22:00-дақиқа, ронандаи автомашинаи тамғаи “Хундай-Портер”, марди 53-солаи сокини ноҳияи Дӯстӣ ҳангоми ҳаракат дар километри 48-уми шоҳроҳи “Душанбе-Турсунзода” аз уҳдаи идораи воситаи нақлиёт набаромада, ба симчӯби канори роҳ бархӯрдааст.

Дар натиҷаи чунин бархурд, ронандаи ин автомашина бо бардоштани  ҷароҳатҳои вазнини ҷисмонӣ дар ҷойи ҳодиса ба ҳалокат расида, мусофири он, марди 44-солаи сокини ноҳияи Дӯстӣ, ҷароҳатҳои гуногуни ҷисмонӣ бардошта, дар беморхона бистарӣ гаштааст.

Cохта шуд , 18 10 2016, 15:21

(Ҷамъбасти ҷаласаи Мушовараи ВКД) Дар рафти ҷаласаи Мушовараи ВКД сардори Раёсати нозиротӣ-ташкилии Вазорати корҳои дохилӣ полковники милитсия Раҳимзода Абдураҳим Абдураҳмон баромад намуда, интизоми иҷроия ва фаъолияти баъзе аз ҷузъу томҳои алоҳидаи мақомоти корҳои дохилиро мавриди баррасӣ қарор дода, ҳамзамон ҷиҳати баланд бардоштани малакаи касбии кормандон таклифҳои судманд пешниҳод намуд.   

Ҳамчунин, дар ҷараёни ҷаласаи Мушовара сардорони ҷузъу томҳои алоҳида, аз ҷумла сардори РВКД дар вилояти Суғд генерал-майори милитсия Назарзода Шариф Раҳмон, сардори РВКД дар вилояти Хатлон полковники милитсия Шарифзода Баҳром Раҳмоналӣ, сардори РВКД дар ВМКБ полковники милитсия Искандарзода Абдулваҳҳоб, сардори РВКД дар минтақа ва ноҳияи Рашт полковники милитсия Шафизода Рустам, сардори РВКД дар шаҳри Душанбе полковники милитсия Фотеҳ Қунғуротзода ва дигар роҳбарони раёсат ва шӯъбаҳои дахлдори мақомоти корҳои дохилӣ баромад намуда, оид ба натиҷаҳои фаъолияти оперативӣ-хизматӣ дар давраи нӯҳ моҳи соли 2016 ҳисобот доданд.

Cохта шуд , 18 10 2016, 10:44

(Идомаи ҷаласаи Мушовараи ВКД) Дар идомаи ҷаласаи Мушовараи ВКД вобаста ба натиҷаҳои фаъолияти оперативӣ-хизматии мақомоти корҳои дохилии Ҷумҳурии Тоҷикистон дар нуҳ моҳи соли ҷорӣ, муовини аввали Вазири корҳои дохилӣ генерал-майори милитсия Аламшозода Абдураҳмон Аламшо зимни баромади хеш оид ба фаъолияти роҳбарият ва ҳайати шахсии ҷузъу томҳои мақомоти корҳои дохилӣ дар самтҳои мубориза бо ҷинояткорӣ, алалхусус мубориза бо ҷиноятҳои муташаккил, гардиши ғайриқонунии маводи мухаддир, пешгирии ҳуқуқвайронкунӣ байни ҷавонону наврасон, масъалаҳои ҳамкорӣ бо аҳолиро мавриди таҳлил ва баррасӣ қарор дод.

Қайд гардид, ки вазъи бақайдгирӣ ва ошкор намудани ҷиноятҳо таҳти назорати ҷиддӣ қарор дода шуда, бояд корҳои профилактикию фаҳмондадиҳӣ ҷоннок карда шаванд.