Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҷамъбасти мусобиқаи «футболи хурд» бахшида ба «Рӯзи милитсия»

514

Чуноне қаблан иттилоъ дода будем, бо ташаббуси роҳбарияти Раёсати ВКД дар шаҳри Душанбе бахшида ба «Рузи милитсия» байни кормандони Дастгоҳи марказии раёсат, Шуъбаҳои вазорати корҳои дохилии ноҳияҳои шаҳри Душанбе ва дигар ҷузъу томи милитсияи пойтахт, «Футболи хурд» ташкил ва баргузор карда шуд. Давоми 15-рӯз 10-даста байни ҳамдигар қувваозмоӣ намуда, ҳар кадом бозингар аз худ маҳорати баланди варзишӣ нишон доданд.

515

Мавриди зикр аст, ки мусобиқаи мазкур дар доираи иҷроиши дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати оммавигардонии варзиш ва тарғиби тарзи ҳаёти солим роҳандозӣ гардида, дар ин замина Раёсати ВКД дар шаҳри Душанбе пайваста байни кормандони ҷузъу томҳо чорабинӣ ва мусобиқаҳои гуногуни варзиширо баргузор менамояд.
Аз ҷумла, зимни ҷамъбасти мусобиқаи «Футболи хурд» Сардори Раёсати ВКД дар шаҳри Душанбе генерал-майори милитсия Назарзода Шариф Раҳмон иштирок ва суханронӣ намуда, иброз дошт, ки варзиш қосиди сулҳ, гарави саломатӣ ва тарғибгари тарзи ҳаёти солим мебошад. Баҳри обутоби бадан кормандони мақомоти милитсияро мебояд пайваста ба варзиш машғул шаванд, зеро таъмини тартибот ва пешгирии ҷинояту ҷинояткориро танҳо нафаре метавонад таъмин намояд, ки аз ҳисоби ҷисмонӣ солим, дорои илму дониш ва чусту чолок бошад.
Чорабинии варзишии мазкур баҳри тарғиби тарзи ҳаёти солим ва дарёфти дастаи яккачини футболи Раёсати ВКД дар шаҳри Душанбе роҳандозӣ гардидааст.

516

Дар натиҷаи баргузории мусобиқаи мазкур дастаи футболбозони ШВКД-1 дар ноҳияи Шоҳмансур сазовори ҷойи аввал, ШВКД-2 дар ноҳияи Сино сазовори ҷойи дуюм ва дастаи Баталиёти хизмати дидбонию пайраҳадории милитсияи Раёсати ВКД дар шаҳри Душанбе сазовари ҷойи сеюм гардиданд. Мавриди зикр аст, ки ҳамзамон аз ҷониби комиссияи ваколатдор «Футболбози беҳтарин», «беҳтарин зарбазан», «дарвозабони беҳтарин» муайян гардида, аз ҷониби роҳбарияти раёсат бо Диплому Ифтихорнома ва дигар туҳфаҳои хотиравӣ қадрдонӣ карда шуданд.

Сироҷиддин Шукуров, Сармуҳаррири гурӯҳи ахборотии РВКД дар ш. Душанбе, лейтенанти калони милитсия


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика