Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Пешсафии футболбозони навраси «Динамо»

468

Имрӯз дар баробари дастаи футболбозони «Динамо»-и Вазорати корҳои дохилӣ, дастаи футболи наврасони «Динамо» низ дар мусобиқаҳои сатҳи гуногун иштирок намуда, сазовори ҷойҳои намоён мегарданд. Бо ташаббус ва дастгирии бевоситаи Вазири корҳои дохилӣ генерал-полковники милитсия Раҳимзода Рамазон Ҳамро дастаи футболбозони наврас, ки наврасони синну соли то 13-соларо дар бар мегирад, таъсис ёфтааст, ки варзишгарони навраси ин даста маҳорату лаёқати хуби варзиширо аз худ менамоянд.

Чанде пеш ба муносибати 27-умин солгарди Истиқлолияти давлатӣ дар варзишгоҳи «Душанбе Арена»-и шаҳри Душанбе мусобиқаи кушоди даставӣ оид ба футболи хурд миёни 20 дастаи футболбозони навраси то синни 13-сола баргузор гардид, ки дар байни онҳо дастаи наврасони «Динамо» низ ширкат дошт.

469

Дастаҳо гурӯҳбандӣ шуда, миёни ҳам рақобат намуда, шаш даста ба даври ниҳоӣ роҳ ёфтанд. Дар ин бозиҳо мақоми аввал насиби дастаи Мактаби ҷумҳуриявии маҳорати олии варзишӣ-1, мақоми дуюмро дастаи наврасони «Динамо» ва мақоми сеюмро бошад, дастаи МҶМОВ-2 сазовор шуданд.
Бояд қайд кард, ки се дастаи ғолиб барои иштирок дар мусобиқаи ҷумҳуриявии футболбозони наврас, ки моҳи октябри соли равон дар шаҳри Душанбе баргузор мегардад, роҳхат гирифтанд.
Мураббии шоистаи Ҷумҳурии Тоҷикистон, устоди варзиш оид ба футбол Иззатулло Мирзоев, ки дастаи наврасони «Динамо»-ро тамрин медиҳад, зикр кард, ки варзишгарони наврас то бозиҳои оянда хубтар тайёрӣ дида, мекӯшанд то мақоми сазоворро ишғол намоянд.

Раҷаббек ИЛЁСОВ


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика