Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Суғд: Оғози мусобиқаҳои варзишӣ бахшида ба ҷашни Истиқлолияти давлатӣ

459

Роҳбарияти Раёсати ВКД дар вилояти Суғд бо мақсади тарғиби тарзи ҳаёти солим ва баланд бардоштани тавоноӣ ва маҳорати варзишии кормандони мақомоти корҳои дохилӣ аз 5-ум то 8-уми сентябр бахшида ба таҷлили ҷашни Истиқлолияти давлатӣ бо таҳияи барномаи варзишӣ аз рӯи намудҳои тенниси рӯи миз миёни занон, гуштини тарзи самбо ва дастхобони байни кормандони дастгоҳи марказии Раёсат, шуъбаҳо ва ҷузъу томҳои ВКД дар вилояти Суғдро ба нақша гирифтааст. Ҳамчунин тибқи нақша баҳри баланд бардоштани рушди зеҳнии наврасону ҷавонон, мустаҳкам намудани алоқаи дӯстӣ байни қишрҳои мухталифи ҷомеа ва тарғиби шоҳмот баргузории мусобиқаи шоҳмот бо иштироки дӯстдорони ин намуди варзиш дар «Боғи фарҳангӣ-фароғатии ба номи Камоли Хуҷандӣ»-и шаҳри Хуҷанд ба нақша гирифа шудааст.
Мусобиқаҳои варзиши давоми се рӯз идома ёфта дар доираи тантанаҳои идона ғолибон аз тарафи роҳбарияти Раёсати ВКД дар вилояти Суғд бо туҳфаҳо қадршиносӣ мешаванд.

460

Субҳи имрӯз (05.09.с.2018) дар толори варзишии Раёсат мусобиқаи тениси рӯи миз байни бонувон оғоз ёфт. Барои иштирок дар мусобиқа 16 нафар корманд-занони мақомот номнавис шудаанд. Сардори Раёсат генерал-майори милитсия Назарзода Қудратулло Бобо чорабиниро ифтитоҳ намуда аз манфиатбахшии варзиш ба рӯҳу ҷисми шахс сухан гуфта ба варзишгарон муваффақият таманно намуд.
Зикр гардид, ки варзиш дар мақомоти корҳои дохилӣ ба ҷузъи таркибӣ табдил ёфта, яке аз омилҳои муҳими солимгардонии ҳайати шахсӣ эътироф гардидааст.
Рафти мусобиқаро масъулини Шӯрои ҷумҳуриявии «Динамо»-и ВКД дар вилояти Суғд бо ҷалби устодони варзиш ва мураббиёни Федератсияи тенниси вилояти Суғд доварӣ менамоянд.
Акбар Шарифов, капитани милитсия


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика