Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ғолибони мусобиқаи шашка ва шоҳмот муайян гардид

Санаи 6-уми октябр дар толори Раёсати Бозрасии давлатии автомобилии ВКД мусобиқаи кушоди даставӣ аз намуди шашка ва шоҳмот миёни кормандони мақомоти ҳифзи ҳуқуқ, сохторҳои қудратӣ ва дигар ташкилоту идораҳои давлатӣ, бахшида ба «Соли ҷавонон», таҳти шиори «Ҷавонон - ояндаи давлату миллат» баргузор гардид.
Мусобиқаи мазкур байни мардон ва занон сурат гирифта, дар он 15 даста бо шумури зиёда аз 100 варзишгар иштирок намуданд.
Дар мусобиқаи шашка байни мардон Тоҷиддин Сафарализода сазовори ҷойи аввал гардида, мақоми дуюмро Б. Қурбонов ва ҷойи сеюмро Ҳ. Бободдинов соҳиб гардид.
Дар байни занҳо бошад, Саодат Баҳромова аз ШВКД дар ноҳияи Варзоб сазовори мақоми аввал, Парвинаи Саидмурод донишҷӯи Донишгоҳи миллии Тоҷикистон ҷойи дуюмро соҳиб гардид. Фирӯза Қаландарова бошад, аз Кумитаи давлатии амнияти миллӣ ҷойи сеюмро ишғол кард.

Дар мусобиқаи шоҳмот байни мардон Т. Хишрадбеков аз Вазорати мудофиа ҷойи аввал ва Ш. Ҳайдарзода аз ВКД мақоми дуюмро соҳиб гардиданд. Зинаи сеюмро М. Мирзоев аз КДАМ сазовор шуд.
Байни занҳо дар намуди шоҳмот Сайҳуна Саидова, донишҷӯи ДМТ сазовори ҷойи аввал, М. Холиқова, ҷойи дуюм ва Анжела Авғонова аз КДАМ ҷойи семро соҳиб шуданд.
Дар ин мусобиқаи доиргардида аз намуди шашкаю шоҳмот миёни мардону занон дастаи ВКД дар ҷойи аввал, дастаи КДАМ дар ҷойи дуюм ва дастаи ДМТ зинаи сеюмро соҳиб гардид.

Бояд зикр кард, ки ғолиби ифтихории мусобиқаи шашка миёни занон Саодат Баҳромова, прапоршики калони милитсия аз ШВКД дар ноҳияи Варзоб гардид. Номбурда чандин карат дар мусобиқаҳои варзишӣ дар байни сохторҳои қудратӣ ва дигар ташкилоту идораҳои давлатӣ, барои дарёфти «Ҷоми Вазири корҳои дохилӣ» ва мусобиқаҳои ноҳиявӣ миёни рақибони худ сазовори ҷойҳои намоён гардидааст. Тавре зимни суҳбат бо мо худи ӯ иброз дошт, тӯли чанд сол мешавад, ки дар мусобиқаҳои шашкабозӣ ва давидан дар масофаҳои гуногун миёни занон иштирок намуда, дар сафи пеши мусобиқа қарор дорам ва чандин маротиба бо туҳфаҳои пулию модӣ аз ҷониби роҳбарияти ВКД сарфароз гардидаам. Имрӯз низ хушҳол аз он ҳастам, ки дар ин мусобиқа миёни бонувон ҷойи аввалро соҳиб гардидам. Дар оянда нақша дорам, ки ҳамеша дар сафи пеши мусобиқа қарор гирифта, номбардори дастаи ВКД бошам, - афзуд Саодат Баҳромова.
Дар хотима ба ғолибон медалу Ифтихорнома ва Ҷом супорида шуд.
Т. ЛАТИПОВ


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика