Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Оғози мусобиқаи байналмилалӣ дар маҷмааи варзишии «Динамо»

Варзиш яке аз соҳаҳои муҳими ҳаёти кишвар ба шумор рафта, он ифодагари сулҳу дӯстӣ, таҳкимбахши дӯстию рафоқат миёни халқу миллатҳо мебошад. Ҳукумати кишвар баҳри рушду нумӯъ ёфтани соҳаи варзиш таваҷҷӯҳи хоса зоҳир намуда, дар бунёд ва қомат афрохтани иншоотҳои варзишӣ тамоми тадбирҳоро меандешад.
Имрӯз (17.05.с.2017), дар Маҷмааи варзишии Шӯрои ҷумҳуриявии «Динамо»-и ВКД мусобиқаи байналмилалии «Гӯштини тарзи юнону румӣ» оғоз гардид. Миёни варзишгарони навраси Шӯрои байналмилалии ҳамоҳангсозии ҷамиятҳои «Динамо» таҳти шиори «Ҷавонон – ояндасози Ватан», ки тайи ду рӯз идома хоҳад ёфт, ҷиҳати иштирок беш аз 400 нафар варзишгарони наврасу ҷавони мактабҳои варзишии Ҷумҳуриҳои Қазоқистон, Қирғизистон ва аксари минтақаҳои Тоҷикистон: вилоятҳои Суғду Хатлон, шаҳри Душанбе ва шаҳру ноҳияҳои тобеи ҷумҳурӣ ҷамъ омаданд.

Мусобиқаи мазкур ба муносибати «Рӯзи Ғалаба» дар Ҷанги Бузурги Ватанӣ ва «Соли ҷавонон» эълон гардидани соли 2017 бахшида шуда, варзишгарони наврасу ҷавон қувва ва маҳорату тавоноии худро бори дигар дар назди мухлисону тамошобинони зиёд нишон доданд. Дар ин мусобиқа аз ҷониби Шӯрои ҷумҳуриявии «Динамо» 43 дастпарвари он ба майдони қувваозмоӣ баромаданд.
Бояд қайд намуд, ки мусобиқаи мазкур тибқи талаботи коидаҳои байналмилалии гӯштини тарзи юнону румӣ гузаронида шуда, дар он варзишгарони наврасу ҷавони синну соли 2001-2003 (аз 29 то 38 кило) ва 2004-2005 (аз 42 то 100 кило), дар 14 вазн қувваозмоӣ менамоянд.
Дар маросими тантанавии кушодашавии мусобиқаи байналмилалии «Гӯштини тарзи юнону румӣ» байни варзишгарони наврас намояндагони Шӯрои байналмилалии ҳамоҳангсозии ҷамъиятҳои «Динамо», Ҷумҳуриҳои Қазоқистон, Қирғизистон ва Тоҷикистон, Вазорати корҳои дохилӣ, Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, иштирокчиёни Ҷанги Бузурги Ватанӣ ва собиқадорони соҳаи варзиши гӯштини тарзи юнону румии ҷумҳурӣ ва дигар меҳмонону мухлисон ширкат варзиданд.
Чорабиниро муовини аввали Раиси Шӯрои ҷумҳуриявии «Динамо»-и Вазорати корҳои дохилӣ подполковники хизмати дохилӣ Шоҳиён Аслиддин Назрӣ ифтитоҳ намуда, намояндагони Ҷумҳуриҳои Қазоқистону Қиргизистонро ба сарзамини Тоҷикистон хайрамақдам гуфта, ба онҳо барои ҳамкориҳо дар соҳаи варзиш ва муносибатҳои дӯстона изҳори миннатдорӣ кард.
Қайд гардид, ки гӯштини тарзи юнону румӣ миёни наврасону ҷавонон маҳбубияти зиёд дошта, сол то сол шумораи шавқмандони он зиёд мегардад.
Дар идомаи чорабинии тантанавӣ, ҳамчунин намояндагони Ҷумҳуриҳои Қазоқистон Абдуқаюм Ахмедалиев ва Қирғизистон Эсен Масанов суханронӣ намуда, барои пазироӣ ва дар сатҳи зарурӣ ташкил намудани мусобиқаи байналмилалӣ изҳори миннадорӣ намуданд. Қайд гардид, ки Тоҷикистон дар баробари дигар давлатҳои пешрафта ба самти варзиш эътибори васеъ дода, мекӯшад, то дастпарваронаш дар арсаи байналмилалӣ байрақи ин кишвари сулҳпарвару меҳмоннавозро боз ҳам баланд бардоранд. Танҳо дӯстию бародарӣ, сулҳу амонӣ метавонад ҳар яки моро ба қуллаҳои мурод расонад.
Дар идомаи ин чорабинӣ, аз ҷониби роҳбарияти ШҶ «Динамо» барои саҳм гузоштан дар самти ҳамкориҳои варзишӣ намояндагони Ҷумҳуриҳои Қазоқистон ва Қирғизистон, инчунин иштирокчиёни Ҷанги Бузурги Ватанӣ бо тӯҳфаҳои хотиравӣ қадрдонӣ гардиданд.

Мусобиқаи байналмилалии «Гӯштини тарзи юнону румӣ» байни варзишгарони навраси Шӯрои байналмилалии ҳамоҳангсозии ҷамъиятҳои «Динамо» то 18-уми майи соли равон идома ёфта, аз натиҷаи он иловатан иттилоъ хоҳем дод.
Хусрав Солиҳов, Рухшона Шукурова 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Паёми имсолаи Президент дар бораи самтҳои асосии сиёсати дохилӣ ва хориҷии мамлакат баъди ҷашни чорякасраи истиқлолияти давлатии Тоҷикистон, яъне дар даврае пешниҳод мегардад, ки кишвари азизи мо ба марҳалаи нави рушд ворид гардида, мардуми шарифи Тоҷикистон ба сӯи ояндаи ободу осуда бо қадамҳои устувор пеш меравад.Дар зарфи бисту панҷ сол мо ба шарофати заҳмати софдилонаи халқамон дар роҳи таъмин намудани рушди сиёсиву иқтисодӣ ва иҷтимоиву фарҳангии кишвар ба натиҷаҳои назаррас ноил гардидем.Мо ҳамаи ин корҳоро ба хотири таҳкими пояҳои истиқлолияти давлатиамон анҷом додем.Зеро озодиву истиқлолият бароямон дастоварди бузургтарин ва ғояи муқаддаси миллӣ буда, мо бо вуҷуди мушкилоти ҷойдошта барои ҳимоя ва пойдору устувор мондани он минбаъд низ тамоми саъю талоши худро равона ....>>>

Барномаи ислоҳоти милитсия


Барномаи ислоҳоти (рушди) милитсия барои солҳои 2014-2020 (минбаъд - Барнома) ҳуҷҷати асосии барномавии миёнамўҳлат буда, мақсадҳои стратегӣ, вазифа ва самтҳои асосии ислоҳоти (рушди) милитсияро муайян менамояд. Барнома дар асоси моддаи 7 Қонуни Ҷумҳурии Тоҷикистон   Муфассал >>>

Низомномаи Шӯрои ҷамъиятӣ

Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон (минбаъд – Шӯрои ҷамъиятӣ) мақомоти ҷамъиятии машваратӣ - мушоҳидавӣ буда, бо мақсади ташкил ва таъмин
  Муфассал >>>

Стратегия


Стратегияи ислоҳоти милитсия барои солҳои 2013 - 2020 (минбаъд - Стратегия) ба меъёрҳои Конститутсияи (Сарқонуни) Ҷумҳурии Тоҷикистон асос ёфта, ҳадафҳо, афзалият ва тадбирҳоро оид ба ислоҳот ва рушди милитсия муайян намуда, амалҳоеро, ки Ҳукумати Муфассал >>>

Кодекси одоби касбии корманди милитсия


Кодекси одоби касбии корманди милитсия ин маҷмӯи қоидаҳои рафтори корманди милитсия мебошад, ки бо мақсади муқаррар намудани қоидаҳои рафтори хизматӣ ва ғайрихизматии корманди милитсия (минбаъд корманд), мусоидат намудан, ҷиҳати баланд  Муфассал >>>

Кодекси одоби касбии корманди милитсия ин маҷмӯи қоидаҳои рафтори корманди милитсия мебошад, ки бо мақсади муқаррар намудани қоидаҳои рафтори хизматӣ ва ғайрихизматии корманди милитсия (минбаъд корманд), мусоидат намудан, ҷиҳати баланд бардоштани обрӯ ва эътибори корманд, боварии шаҳрвандон ба мақомоти корҳои дохилии Ҷумҳурии Тоҷикистон ва таъмини меъёрҳои ягонаи рафтори корманд қабул карда шудааст

Қонуни Ҷумҳурии Тоҷикистон «Дар бораи политсия»

Лоиҳаи Қонуни Ҷумҳурии Тоҷикистон «Дар бораи политсия» аз ҷониби Гурӯҳи кории дохилиидоравӣ бо ҷалби коршиносони дохиливу хориҷӣ, ҷомеаи шаҳрвандӣ, ҳизбҳои сиёсӣ, олимони соҳаи ҳуқуқ ва кормандони амалии  Муфассал >>>

Кофтуков


© 2017 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад