Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҷамъомад оид ба мусоидати ҷомеаи шаҳрвандӣ ба ислоҳоти милитсия дар вилояти Хатлон

417

Рӯзи 20-уми декабри соли равон дар дафтари кории Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди РВКД вилояти Хатлон омӯзиш дар мавзӯи «Низомномаи Шӯрои ҷамъиятӣ оид ба мусоидати ҷомеаи шаҳрвандӣ дар таъмини тартиботи ҷамъиятӣ дар назди мақомоти милитсия» ва критерияҳои аъзошавӣ барои аъзоёни Шӯрои ҷамъиятӣ аз рӯи нақшаи профилактикӣ баргузор гардид.

Ҷамъомадро Лоҳутӣ Шоназаров - раиси Шӯрои мазкур оғоз бахшида, таъкид дошт, ки аъзоёни Шӯрои ҷамъиятӣ хоҳони онанд, ки бо мусоидати ҷомеаи шаҳрвандӣ ва таъмини тартиботи ҷамъиятӣ фаъолияти худро вусъат бахшанд. Нақша аз моҳи декабри соли 2018 то моҳи марти соли 2019 амалӣ мегардад, ки аз ҷониби ташкилоти байналмилалии «Дунёи бехатар» ва ташкилоти ҷамъиятии «Заршедабону» дастгирӣ меёбад.
Инчунин аъзои Шӯрои ҷамъиятӣ Низомова Мадина ҳамоҳангсози барномаи устувории ҳамкории милитсия бо ҷомеа дар ташкилоти ҷамъиятии «Заршедабону», роҳбари гӯруҳи кории Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди РВКД вилояти Хатлон Шаҳриёр Баротов баромад намуданд.

418

Тибқи нақшаи мазкур Шӯроҳои ҷамъиятӣ мақсад доранд, ки дар мавзӯи ҳамкории милитсия бо ҷомеа, таҳлил ва муайянкунии афзалиятнокии мушкилоти ҷомеа ва таҳиянамоии нақшаи пешгирикунанда дар шаҳру ноҳияҳои минтақаи Бохтар барои аъзоёни Шӯрои ҷамъиятӣ оид ба мусоидати ҷомеаи шаҳрвандӣ дар таъмини тартиботи ҷамъиятӣ ва нозирони минтақавии милитсия минбаъд омӯзишҳо барпо намоянд.
Бояд хотиррасон кард, ки нақшаи профилактикӣ аз тарафи аъзоёни Шӯрои ҷамъиятӣ дар мавзӯи мусоидат намудан ба таъсиси Шӯрои ҷамъиятӣ дар назди шуъбаҳои корҳои дохилӣ дар вилояти Хатлон тартиб дода шудааст.
Офоқ Қодириён


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика