Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Чорабинӣ бахшида ба Рӯзи Конститутсия дар РВКД вилояти Хатлон

695

Рӯзи 5 ноябри 2018 дар толори РВКД дар вилояти Хатлон конфренсияи илмӣ-назариявӣ бахшида ба Конститутсияи Ҷумҳурии Тоҷикистон баргузор гардид.
Дар чорабинӣ муовинони сардори РВКД дар вилояти Хатлон генерал-майори милитсия Искандарзода Абдулваҳоб, ҳайати шахсии Раёсати мазкур, ДТММ, сарбозон ва афсарони қисми низомии 3503-и Қӯшунҳои дохилии Вазорати корҳои дохилии Ҷумҳурии Тоҷикистон дар шаҳри Бохтар ва меҳмонон иштирок намуданд.
Конфренсияи илмӣ-назариявӣ бахшида ба таҷлили ҷашни Конститутсия, бо садо додани Суруди миллии Ҷумҳурии Тоҷикистон оғоз гардид.
Муовини сардори Раёсати мазкур генерал-майори милитсия Искандарзода Абдулваҳоб ҳозиринро бо ин санаи муборак табрику таҳният гуфта, зикр намуд, ки таърих гувоҳ аст, ки кишвари азизамон то соҳибистиқлол гардидан марҳилаҳои гуногуни сиёсиро паси сар намуд. Истиқлолияти давлатии Тоҷикистон оғози дигаргуниҳои тоза дар самти бунёди давлати мустақили тоҷикон гардид ва бо қабули Конститутсия барпо намудани давлати соҳибистиқлол ва ҷомеаи озоду пешрафтаи шаҳравандӣ ба миён омад. Иҷлосияи 16-уми Шӯрои Олии Тоҷикистон бо интихоби ҳайати нави Ҳукумат бо сарварии Раиси Шӯрои Олӣ Эмомалӣ Раҳмон барои барқарор намудани институтҳои ҷомеаи шаҳрвандӣ ва амалӣ намудани ҳуқуқу озодиҳои инсон дар ҷомеа шароит фароҳам овард.

696

Декани факултети сиёсат ва идораи давлатии Донишгоҳи шаҳри Бохтар ба номи Носири Хусрав Сафарбекзода Ҳукмиддин баромад намуда, мазмуну муҳтавои моддаҳои Конститутсияи Ҷумҳурии Тоҷикистонро шарҳу тавзеҳ дода, инчунин қайд намуд, ки “Конститутсия шаҳодатномаи ҳар як халқи соҳибистиқлол ва гувоҳномаи давлати озоду мустақил ва ҳамзамон бо ин, санади танзимкунандаву муайянсозандаи низоми давлатдорӣ ва муҳимтар аз ҳама кафолати ҳуқуқу озодиҳои инсон ва шаҳрванд мебошад”.
Шоири шинохтаи Хатлонзамин Амиршои Хатлонӣ иброз дошт, ки санади сарнавиштсози таърихӣ манфиатҳои олии миллат ва давлати соҳибистиқлоламонро инъикос намуда, Тоҷикистонро ба ҷаҳони мутамаддин ҳамчун давлати соҳибистиқлол, демократӣ, ҳуқуқбунёд ва дунявӣ муаррифӣ кард ва ба омили муҳимтарини кафолати устувории ҳаёти сиёсии ҷомеа мубаддал гардид. Сипас шоири маҳбуб бо шеърҳо дар мавзӯъҳои ватанхоҳиву садоқат ба хоку оби ин сарзамин хотири ҳозиринро болида гардонид.
Дар идомаи ҷамъомад афзалияти дигари Конститутсияи Ҷумҳурии Тоҷикистон хусусияти миллӣ доштани он дониста шуд, ки ба андешаи хозирин дар ин ҳуҷҷати муҳим ормони мардуми тоҷик, суннатҳои таърихии давлатдорӣ ва ғояҳои инсондӯстонаи халқи кишвар инъикос ёфта, он заминаи ҳуқуқиро барои эҳёи сунату анъанаҳои фарҳангӣ ва бузургдошти муқаддасоти миллӣ фароҳам овард.
Офоқ Қодириён


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика