Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Наҷоти ҷавонзани 33-сола аз ғарқшавӣ

Кормандони мақомоти милитсия зимни иҷрои вазифаҳои хизматӣ ва адои қарзи шаҳрвандӣ ҷиҳати таъмини тартиботи ҷамъиятӣ, пешгирии ҷинояту ҷинояткорӣ ва ҳифзи молу ҷони шаҳрвандон ба таври шабонарӯзӣ фаъолияти худро ба роҳ мондаанд.

Махсусан фаъолияти шабонарӯзии кормандони Баталиёни хизмати дидбонию пайраҳадории милитсия Раёсати ВКД дар шаҳри Душанбе, ки дар 3-баст дар хатсайрҳои муайяншуда ба таври шабонарӯзӣ ба хизмати патрулию пайраҳадорӣ дар кӯчаҳои шаҳри Душанбе машғуланд, шоёни таҳсин мебошад.
Чунин як қаҳрамонии корманди ин ниҳод буд, ки як нафар зан аз вартаи маргу худкушӣ наҷот дода шуд.
Мавриди зикр аст, ки шаби 9-уми июли соли ҷорӣ тақрибан соати 01:15-дақиқа, зани 33-солаи сокини ноҳияи Варзоб, ҷамоати деҳоти Чорбоғ, ки соҳиби се фарзанд мебошад, бо мақсади худкушӣ аз болои пули кӯчаи Соҳилии шаҳри Душанбе, воқеъ дар наздикии бозори Султони Кабир худро ба дарёи Душанбе партофта, мехост худро ба ҳалокат расонад. Дар ин вақт, ки дар кӯчаи мазкур корманди Баталиёни хизмати дидбонию пайраҳадории милитсияи Раёсати ВКД дар шаҳри Душанбе сержанти милитсия Неъматуллоев Далерҷон Фатҳуллоевич бо ду нафар сарбозони Қисми низомии №5453-и Раёсати Қушунҳои дохилии ВКД Мирзошоев Саъдӣ Абдусаломович ва Шерхонов Насим Амиралиевич пайи адои вазифаҳои хизматӣ буданд, бо мушоҳидаи ғарқшавӣ дарҳол занро наҷот додаанд.
Мавриди зикр аст, ки ин кормандони милитсия бо далерию шуҷоатмандӣ тавонистанд як нафар модари се фарзандро аз худкушӣ наҷот дода, ба ӯ ҳаёти дубора бахшанд. Корнамоии корманди милитсия ва сарбозон барои ҳамагон дарси ибрат ва мояи ифтихор мебошад.
Шукуров Сироҷиддин


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика