Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Такмили ихтисоси кормандони самти оперативӣ

362

Рӯзи 9-уми апрели соли 2018, яке аз рӯзҳои хотирмон барои шунавандагони курси такмили ихтисоси самти ваколатдорони оперативӣ гардид.
Зеро онҳо бо мақсади тақвияти донишҳои назариявӣ ва амалии хеш тибқи ҷадвали тартибдодаи факултети №4 Академияи ВКД Ҷумҳурии Тоҷикистон дар асоси дастуру супоришоти Вазири корҳои дохилӣ генерал-полковники милитсия Раҳимзода Р.Ҳ. ва қарорҳои ҷаласаи фаврии назди сардори Академияи ВКД генерал-майори милитсия Шарифзода Ф.Р. дар донишкадаи куҳӣ-металлургии Тоҷикистон дар шаҳри Бӯстон машғулияти назариявӣ ва амалӣ доир намуданд.
Машғулияти мазкур дар мавзӯи «Сангҳои қимматноки Ҷумҳурии Тоҷикистон» ташкил карда шуд. Машғулиятро муовини ректори донишкадаи куҳӣ-металлургии Тоҷикистон дар шаҳри Бӯстон оид ба илм, эксперт-сангшинос, номзади илмҳои геология ва минералогия Насриддинов Замониддин гузарониданд.

363

Зимни машғулияти назариявӣ ва амалӣ ба шунавандагон маълум гардид, ки дар ҷаҳон зиёда аз 3500 навъи минералҳо вуҷуд доштааст. Инчунин онҳо тавонистанд дар бораи сангҳои қиматбаҳо ба монанди алмос, ёқут (рубин), сапфир, александрид, зумрад (изумруд), садаф маълумоти кофӣ бигиранд. Бояд зикр намуд, ки эксперт – сангшинос Насриддинов Замониддин дар бораи хосиятҳои аҷоиби баъзе аз сангҳо, тарзи истеҳсол ва истифодаи онҳо дар саноат зикр намуданд. Масалан, истифодаи либосҳои зиддишуоъӣ (зидди радиатсионӣ) аз сангҳои серпантинит, графин ва сеалит дар садамаи нерӯгоҳи атомии Фукусима, инчунин арзишнокии бархе аз сангҳо барои шунавандагон хеле ҷолиб буд.
Инчунин аз тарафи муаллими ҳамкори кафедраи тайёрии ибтидоӣ ва такмили ихтисос полковники милитсия Хокироев Азимҷон доир ба қочоқи сангҳои қимматбаҳо дар Тоҷикистон роҳҳои пешгирикунии он ба шунавандагон ҳамчун маълумоти зарурӣ пешниҳод карда шуд.
Дар қисмати амалии машғулият таҳти сарварии эксперт – сангшинос Насриддинов Замониддин дар музеи донишкада шунавандагон тавонистанд доир ба сангҳои Тоҷикистон аз наздик шинос шаванд.
Машғулият хеле шавқовар ва ҷолиб гузаронида шуд.
Роҳбарияти факултети №4 тасмим гирифтааст, ки минбаъд низ чунин ҳамкориҳоро бо муассисаҳои истеҳсолӣ ва макотиби олӣ дар самти такмили ихтисоси кормандони МКД идома диҳад.

Абдулатифов У.Ҳ. - сардори кафедраи

тайёрии ибтидоӣ ва такмили ихтисос, полковники милитсия

 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика