Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Шиносоии мактаббачагон бо шароити илмомӯзӣ дар Академияи ВКД

16-уми майи соли ҷорӣ дар Академияи ВКД бо ташаббуси роҳбарияти ин муассисаи таҳсилоти олии касбӣ вохӯрӣ ва саёҳати мактаббачагони мактаб-интернати ноҳияи Шаҳринав ва мактаб-интернати №1-и шаҳри Душанбе дар доираи амалигардонии Нақшаи чорабиниҳо тибқи Барномаи ислоҳоти (рушди) милитсия барои солҳои 2014-2020, баргузор гардид.

Дар вохӯрӣ омӯзгорону хонандагони мактаб-интернатҳои мазкур ва масъулини шуъбаи таълим ва факултети №2-и Академияи ВКД иштирок доштанд.
Дар доираи ин чорабинӣ, ки ба муносибати «Соли ҷавонон» баргузор гардид, мактаббачагон бо шароити таҳсилу илмомӯзӣ дар Академияи ВКД шинос шуданд.
Мавриди зикр аст, ки ин тадбири ҳарбӣ-ватандӯстӣ тамоюли касбии онҳоро бедор карда, мактаббачагон нисбати касби пуршарафи милитсия маълумот пайдо намуданд. Ҳамзамон дар толори маҷлисгоҳи Академияи мазкур ба хонандагон филми мустанади «Сад пушаймонӣ аз Сурия», ки аз фаъолияти ғайриқонунии ҳизбу ҳаракатҳои ифротӣ нақл мекард, намоиш дода шуд.
Инчунин, барои болидахотирии хонандагон барномаи консертии дастаи ҳаваскорони Академияи ВКД пешкаш гардонида шуд.

Бояд тазаккур дод, ки чунин вохӯриҳо ба баланд гардидани ҳисси ватандӯстии мактаббачагон мусоидат намуда, пайваста дар Академияи ВКД гузаронида мешаванд.
Убайдуллоев Ш. 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика