Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Таҳкими ҳамкориҳои дуҷониба бо Арабистони Саудӣ

128

Рӯзи 2-юми ноябри соли 2018 Вазири корҳои дохилӣ генерал-полковники милитсия Раҳимзода Рамазон Ҳамро, дар бинои Вазорати корҳои дохилӣ бо Вазири корҳои дохилии Шоҳигарии Арабистони Саудӣ шоҳзода Абдулазиз ибни Сауд ибни Ноиф ибни Абдулазиз оли Сауд, Сафири Фавқулода ва Мухтори Шоҳигарии Арабистони Саудӣ Абдулазиз Моҳаммед Албадӣ ва намояндагони Вазорати корҳои дохилии Шоҳигарии Арабистони Саудӣ вохӯрӣ доир намуд.
Вазири корҳои дохилӣ генерал-полковники милитсия Раҳимзода Рамазон Ҳамро меҳмонони олиқадрро барои ташрифашон ба сарзамини офтобии Тоҷикистон хайрамақдам гуфта, зикр кард, ки ташрифи шумо барои густариш додани ҳамкориҳои минбаъдаамон заминаи қавие хоҳад гузошт.
Дар ҷараёни мулоқот Вазири корҳои дохилӣ Раҳимзода Рамазон Ҳамро қайд намуд, ки тавре зимни вохӯрӣ Сарвари давлат иброз доштанд вазифаи аввалиндараҷаи ҳар яки мо пешгирии қонуншиканӣ, ошкор намудани ҷинояткорӣ ва дастаҷамъона мубориза бурдан бо ҷинояткорон мебошад.

130129

Дар навбати худ Вазири корҳои дохилии Шоҳигарии Арабистони Саудӣ шоҳзода Абдулазиз ибни Сауд ибни Ноиф ибни Абдулазиз оли Сауд аз пазироӣ ва мулоқот бо Сарвари давлат муҳтарам Эмомалӣ Раҳмон изҳори минатдорӣ намуда афзуд, ки баҳри решакан намудани гурӯҳҳои террористиву ифротгароӣ, ҷинояткорӣ, бахусус ҷиноятҳои трансмиллӣ аз қабили қочоқи ғайриқонунии маводи нашъаовар дар ҳамбастагӣ мубориза хоҳем бурд. Қавӣ гардонидани робитаҳои ҳамкориҳо, мубодилаи таҷрибаи кормандони мақомотҳои корҳои дохилӣ дар ошкору пешгирии ҷинояткорӣ ва пешбурди дигар самтҳои фаъолияти ин ду сохтор муҳим буда, мо омода ҳастем дар доираи созишномаву санадҳои ҳамкории миёни ду кишвар ҳамкориҳои худро тақвият диҳем.
Аз вохӯрии баргузоргардида ҷонибҳо изҳори хушнудӣ ва арзи сипос намуданд.
Раҷаббек Илёсов


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика