Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Шиносоӣ аз корҳои азнавсозӣ ва ободонӣ дар вилояти Суғд

205

Дар доираи сафари кории Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба вилояти Суғд ва тақвият бахшидани корҳои ободонию созандагӣ Вазири корҳои дохилӣ генерал-полковники милитсия Раҳимзода Рамазон Ҳамро бо ҳамроҳии Раиси вилояти Суғд Раҷаббой Аҳмадзода аз рафти корҳои азнавсозӣ ва ободонӣ дар Шуъбаи минтақавии мубориза зидди ҷиноятҳои муташаккили РМЗҶМ ВКД дар вилояти Суғд боздид ба амал оварданд.

206207208

Меҳмонон аз таъмиру таҷдид ва корҳои ободонӣ шинос гардида, ба шароитҳои омоданамуда барои кормандони милитсия баҳои баланд доданд.
Бояд тазаккур дод, ки дар бинои маъмурии Шуъбаи мазкур, майдончаи варзишӣ, тамрингоҳ, ҳаммом, макони истироҳат ва хобгоҳ пурра азнавсозӣ шуда, кормандони милитсия бо шароити хуби хизматбарӣ таъмин гардидаанд.
Сипас Вазири корҳои дохилӣ ва Раиси вилояти Суғд дар саҳни бинои Шуъбаи мазкур бо ҳайати шахсӣ ва собиқадорони соҳа вохӯрда, онҳоро бахшида ба ҷашнҳои фархундаи дар пешистода, «Рӯзи Конститутсияи Ҷумҳурии Тоҷикистон» ва «Рӯзи милитсия» табрику таҳният намуданд.
Зимни вохӯрӣ, Вазири корҳои дохилӣ ба роҳбарият ва ҳайати шахсии Шуъбаи минтақавии мубориза зидди ҷиноятҳои муташаккили ВКД дар вилояти Суғд дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро расонида, таъкид намуд, ки дар роҳи мубориза бо ҷинояту ҷинояткорӣ, пешгирии қонуншиканӣ ва ҳама гуна таҳдид ва хатарҳои замони муосир фаъолияти хизматии хешро пурзӯр намуда, ҳушёриву зиракиро аз даст надиҳанд.

209210

Дар хотима, ба собиқадорони соҳа тӯҳфаҳои хотиравӣ тақдим гардида, аз онҳо даъват ба амал оварда шуд, ки дар мубориза бар зидди ҷинояткорӣ ва оромиву осоиштагии сокинон бо насли ҷавони милитсия ҳамкорӣ намоянд.
Гул Маҳбуба, подполковники милитсия.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика