Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Таҷлили Рӯзи касбии оташнишонон

Бахшида ба Рӯзи таъсисёбии Хадамоти давлатии оташнишонии Вазорати корҳои дохилӣ дар толори Шуъбаи хадамоти давлатии оташнишонии Вилояти Мухтори Кӯҳистони Бадахшон чорабинӣ бо иштироки намояндагони Мақомоти маҳалии ҳокимияти давлатӣ, муовини сардори Сарраёсати Хадамоти давлатии оташнишонӣ полковники хизмати дохилӣ Рабӣ Сафизода, муовини аввали сардори РВКД дар ВМКБ полковники милитсия Бандализода Бандалӣ Мастибек, роҳбарони сохторҳои низомӣ ва собиқадорони хадамоти мазкур доир гардид.
Нахуст дар саҳни ҳавлии Хадамоти давлатии оташнишонӣ меҳмонон бо таҷҳизотҳои техникии муосири оташнишонӣ аз наздик шиносоӣ пайдо намуданд.
Чорабинии тантанавиро сардори Шуъбаи Хадамоти давлатии оташнишонии РВКД дар ВМКБ полковник Анвар Шолангаров ҳусни оғоз бахшида, ҳайати шахсӣ ва меҳмононро сидқан табрику таҳният намуда, ба онҳо дар фаъолияти хизматӣ барору комёбиҳо таманно кард.
Ҳамчунин мудири бахши маъмурӣ-ҳуқуқии дастгоҳи Раиси ВМКБ Қаландарбек Алихонов ва муовини аввали Раиси шаҳри Хоруғ Ҷума Ҷумаев бахшида ба иди касбии кормандон баромад намуда, ба як қатор кормандони ин хадамот Ифтихорномаҳо ва Сипосномаҳо тақдим намуданд.

Муовини аввали сардори РВКД дар ВМКБ полковники милитсия Бандализода Б.М. ҳайати шахсӣ, собиқадорони ин мақомот ва меҳмононро аз номи роҳбарияти Вазорати корҳои дохилӣ ва РВКД дар ВМКБ ба ҷашни касбиашон табрику муборакбод намуда, қайд кард, ки Хадамоти давлатии оташнишонӣ дар ВМКБ новобаста аз баъзе мушкилиҳои рӯз кору фаъолияти хуб дошта, пайваста барои аз коми оташ наҷот додани одамон, манзилҳои истиқоматии шаҳрвандон ва дигар иншоотҳои муҳим саҳми арзанда мегузоранд.
Дар ҷараёни ин чорабинӣ ҳайати шахсии шаҳру ноҳияҳои Хадамоти давлатии оташнишонӣ дар ВМКБ бо медалҳо, Ифтихорномаҳо, Сипосномаҳо, барои иштироки фаъол дар мусобиқаҳои варзишӣ бо мукофотҳои пулӣ сарфароз гардонида шуданд. Ба собиқадорони Хадамоти давлатии оташнишонии ВМКБ маблағи пулӣ ва ба кӯдакон тӯҳфаҳои хотиравӣ тақдим карда шуд.
Дар хотимаи чорабинӣ наврасони Кӯдакистони №2 шаҳри Хоруғ бо лаҳни зебо, суруду таронаҳо ва рақсҳои дилписанди худ хотири ҳозиринро шод гардониданд.
Далер Чоршанбиев, капитани милитсия


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика