Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҷаласаи корӣ дар мақомоти милитсияи шаҳри Исфара

Дар доираи сафари кории хеш сардори РВКД дар вилояти Суғд генерал-майори милитсия Назарзода Шариф Раҳмон дар шаҳри Исфара ба Шуъбаҳои 1-ум ва 2-юми ВКД дар шаҳри мазкур ташриф оварда, аз раванди корҳои ободониву созандагӣ ва фаъолияти оперативӣ-хизматии мақомоти корҳои дохилӣ шинос гардид. 

Сипас дар толори маҷлисгоҳи шуъбаҳои милитсияи шаҳр бо иштироки роҳбарони шуъбаҳои дастгоҳи Раёсат, намояндагони ҷузъу томҳои ВКД дар шаҳри Исфара ва ҳайати шахсии ШВКД-1 ва ШВКД-2 дар шаҳри Исфара ҷаласаи корӣ баргузор гардид.
Дар оғози ҷаласа нахуст масъалаи иҷроиши дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки санаи 24 марти соли ҷорӣ дар машварати корӣ ба мақомоти корҳои дохилӣ ҷиҳати таъмини волоияти қонун, тартибот ва амнияти ҷамъиятӣ, ҳифзи ҳуқуқу манфиатҳои шаҳрвандон ва коҳиш додани сатҳи ҷинояткорӣ иброз намуда буданд, мавриди баррасӣ ва чораҷӯии амиқ қарор дода шуда, дар ин самт дастурҳои иловагӣ аз ҷониби сардори РВКД дар вилояти Суғд генерал-майори милитсия Шариф Назарзода роҳандозӣ карда шуд.
Дар идомаи ҷаласаи корӣ фаъолияти гурӯҳҳои кории амалиёти маърифативу пешгирикунандаи “Маданияти шаҳрдорӣ”, дастовард ва камбудиҳои ҷойдошта, вазъи ҷинояткорӣ дар давраи 4 моҳу 15 рӯзи соли ҷорӣ, пешгирии садамаҳои роҳу нақлиётӣ, хушмуомилагӣ, муносибати хуби кормандони милитсия бо мардум, сари вақт ба қайд гирифтани ҷиноятҳо ва раванди корҳои ободониву созандагӣ дар мақомотҳои милитсия мавриди муҳокимаронӣ қарор дода шуда, роҳбарони масъули шуъбаҳои дастгоҳи Раёсат оиди фаъолияти зердастонашон ва дастоварду камбудиҳои ҷойдошта ҳисобот доданд. Дар натиҷа фаъолияти Шуъбаҳои 1 ва 2-и ВКД дар шаҳри Исфара аз ҷониби роҳбари мақомоти корҳои дохилии вилоят қаноатбахш баҳогузорӣ гардид.

Дар ҷаласаи корӣ таъкид карда шуд, ки танҳо ба шарофати ҳушёриву зиракӣ, ҳисси баланди масъулиятшиносӣ, садоқат ва меҳру муҳаббати бепоён ба обу хоки диёри маҳбубамон мо метавонем ҳамчун як нерӯи тавоно тамоми мушкилоти мавҷудаи ҷомеаро бартараф, тартибот ва амнияти ҷамъиятӣ, зиндагии орому осуда, бехатарии худ ва аҳли ҷомеаро таъмин намоем.
Шариф Назарзода дар анҷоми ҷаласаи корӣ зикр намуд, ки кормандони милитсия бояд бо дарки баланди масъулият, ҳифзи дастовардҳои даврони Истиқлол, таъмини суботу амният, пешгирӣ ва мубориза алайҳи ҷинояткориро вазифаи муқаддас ва аввалиндараҷаи хеш ҳисобида, кӯшиш ба харҷ диҳанд, то ки фазои орому осудаи Ватани маҳбубамон халалдор нагардад.
Муҳсин Юсупов, Хуҷанд-Исфара-Чоркӯҳ-Хуҷанд. 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Паёми имсолаи Президент дар бораи самтҳои асосии сиёсати дохилӣ ва хориҷии мамлакат баъди ҷашни чорякасраи истиқлолияти давлатии Тоҷикистон, яъне дар даврае пешниҳод мегардад, ки кишвари азизи мо ба марҳалаи нави рушд ворид гардида, мардуми шарифи Тоҷикистон ба сӯи ояндаи ободу осуда бо қадамҳои устувор пеш меравад.Дар зарфи бисту панҷ сол мо ба шарофати заҳмати софдилонаи халқамон дар роҳи таъмин намудани рушди сиёсиву иқтисодӣ ва иҷтимоиву фарҳангии кишвар ба натиҷаҳои назаррас ноил гардидем.Мо ҳамаи ин корҳоро ба хотири таҳкими пояҳои истиқлолияти давлатиамон анҷом додем.Зеро озодиву истиқлолият бароямон дастоварди бузургтарин ва ғояи муқаддаси миллӣ буда, мо бо вуҷуди мушкилоти ҷойдошта барои ҳимоя ва пойдору устувор мондани он минбаъд низ тамоми саъю талоши худро равона ....>>>

Барномаи ислоҳоти милитсия


Барномаи ислоҳоти (рушди) милитсия барои солҳои 2014-2020 (минбаъд - Барнома) ҳуҷҷати асосии барномавии миёнамўҳлат буда, мақсадҳои стратегӣ, вазифа ва самтҳои асосии ислоҳоти (рушди) милитсияро муайян менамояд. Барнома дар асоси моддаи 7 Қонуни Ҷумҳурии Тоҷикистон   Муфассал >>>

Низомномаи Шӯрои ҷамъиятӣ

Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон (минбаъд – Шӯрои ҷамъиятӣ) мақомоти ҷамъиятии машваратӣ - мушоҳидавӣ буда, бо мақсади ташкил ва таъмин
  Муфассал >>>

Стратегия


Стратегияи ислоҳоти милитсия барои солҳои 2013 - 2020 (минбаъд - Стратегия) ба меъёрҳои Конститутсияи (Сарқонуни) Ҷумҳурии Тоҷикистон асос ёфта, ҳадафҳо, афзалият ва тадбирҳоро оид ба ислоҳот ва рушди милитсия муайян намуда, амалҳоеро, ки Ҳукумати Муфассал >>>

Кодекси одоби касбии корманди милитсия


Кодекси одоби касбии корманди милитсия ин маҷмӯи қоидаҳои рафтори корманди милитсия мебошад, ки бо мақсади муқаррар намудани қоидаҳои рафтори хизматӣ ва ғайрихизматии корманди милитсия (минбаъд корманд), мусоидат намудан, ҷиҳати баланд  Муфассал >>>

Кодекси одоби касбии корманди милитсия ин маҷмӯи қоидаҳои рафтори корманди милитсия мебошад, ки бо мақсади муқаррар намудани қоидаҳои рафтори хизматӣ ва ғайрихизматии корманди милитсия (минбаъд корманд), мусоидат намудан, ҷиҳати баланд бардоштани обрӯ ва эътибори корманд, боварии шаҳрвандон ба мақомоти корҳои дохилии Ҷумҳурии Тоҷикистон ва таъмини меъёрҳои ягонаи рафтори корманд қабул карда шудааст

Қонуни Ҷумҳурии Тоҷикистон «Дар бораи политсия»

Лоиҳаи Қонуни Ҷумҳурии Тоҷикистон «Дар бораи политсия» аз ҷониби Гурӯҳи кории дохилиидоравӣ бо ҷалби коршиносони дохиливу хориҷӣ, ҷомеаи шаҳрвандӣ, ҳизбҳои сиёсӣ, олимони соҳаи ҳуқуқ ва кормандони амалии  Муфассал >>>

Кофтуков


© 2017 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад