Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Чорабинӣ ба истиқболи Соли нави мелодӣ

89

Субҳи 30 декабри соли равон аз тарафи кормандони Раёсати БДА ВКД Ҷумҳурии Тоҷикистон, дар кӯчаву хиёбонҳои пойтахт чорабинии мақсаднок бо ронандагони воситаҳои нақлиёт гузаронида шуд.
Мақсад аз гузаронидани ин чорабинӣ пеш аз ҳама риояи қоидаҳои ҳаракат дар роҳ, пешгирии садамаҳои роҳу нақлиёт, баланд бардоштани масъулияти иштирокчиёни ҳаракат дар роҳ ҷиҳати риояи Қоидаҳои ҳаракат дар роҳ мебошад.
Сардори шуъбаи ташвиқоту тарғиботии Раёсати БДА ВКД Ҷумҳурии Тоҷикистон полковники милитсия Наргисой Туйчиева дар сўҳбат ба мо иброз намуд, ки маҳз бо дастгирӣ ва кўмаки роҳбарияти ВКД Ҷумҳурии Тоҷикистон, Раёсати БДА ВКД Ҷумҳурии Тоҷикистон чунин чорабинӣ тайи чор сол аст, ки дар кӯчаҳои пойтахт дар арафаи Соли нави мелодӣ гузаронида мешавад.

9091
Пас аз азназаргузаронии талони қайди қоидавайронкунӣ ба ронандагоне, ки тӯли як сол ҳангоми ҳаракати воситаи нақлиёт ба ягон қоидавайронкуниҳо роҳ надодаанд, ҳамчун ронандаи намунавӣ аз тарафи кормандони Раёсати БДА тӯҳфаи солинавӣ ва тақвим аз номи роҳбарияти Раёсати БДА ВКД Ҷумҳурии Тоҷикистон тақдим карда шуд.
Инчунин дар рафти чорабинӣ ба пиёдагардон ва ронандагон варақаҳои таблиғотӣ тақсим карда шуд.
Кормандони Раёсати БДА ВКД ба ронандагон ва пиёдагардон бори дигар хотиррасон намуданд, ки риояи қоидаҳои ҳаракат дар роҳ яке аз масъалаҳои муҳим ва иҷрои талаботи он вазифаи ҳар як фарди ҷомеаи мо мебошад.
Гузаронидани чунин чорабиниҳо ба манфиати кор буда, минбаъд низ дар кўчаву хиёбонҳои шаҳр аз тарафи кормандони БДА доир карда мешавад.
Раёсати БДА ВКД Ҷумҳурии Тоҷикистон

 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика