Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Дарси кушод дар мавзӯи “Сайёҳат ба шаҳр”

Дар муассисаи таҳсилоти миёнаи умумии №59-и ноҳияи Синои шаҳри Душанбе оид ба риояи қоидаҳои ҳаракат дар роҳ бо иштироки кормандони шуъбаи ташвиқоту тарғиботи Раёсати БДА ВКД Ҷумҳурии Тоҷикистон дарси кушод дар мавзӯи “Сайёҳат ба шаҳр”доир карда шуд.
Синфхона бо расмҳо, асбобҳои аёнӣ вобаста ба риояи қоидаҳои ҳаракат дар роҳ оро дода шуда, омӯзгор Раҳмонова Тозагул Исмоновна барои шавқовар ва хуб гузаштани дарс тайёрии хуб дида, хонандагон дар ин дарс маҳорати баланд нишон доданд. Ҳар кадоми онҳо дар бораи чароғак, пиёдагард, нозирон, автомашина, мусофирон, аломатҳои роҳ, гузаргоҳҳо баромад намуданд. Вобаста ба талаботи чароғаки роҳнамо кӯдакон шеърҳо қироат намуда, ба ҳозирин чи тавр гузаштан аз чароғак ва роҳи пиёдагардро фаҳмониданд.

Саҳначаҳои тарбиявӣ дар мавзӯи бехатарии ҳаракат дар роҳ аз ҷониби хонандагон пешкаши ҳамагон гардонида шуд. Омӯзгор аз намудҳои гуногуни методи дарсдиҳӣ истифода бурда кӯшиш менамуд, ки “Дарси кушод” дар сатҳи зарурӣ гузаронида шуда, хонандагон оид ба қоидаҳои ҳаракат дар роҳ маълумоти хуб дошта бошанд.
Дар ҷараёни дарс корманди шуъбаи ташвиқоту тарғиботи Раёсати БДА ВКД капитани милитсия Давлатшоев М. баромад намуда, онҳоро ба риояи қоидаҳои ҳаракат дар роҳ ҳидоят намуд. Ҳамчунин бо хонандагон доир ба риояи қоидаҳои ҳаракат дар роҳ саволу ҷавоб баргузор гардид, ки наврасон ба саволҳои додашуда, ҷавобҳои мушаххас доданд.
Дар хотима ба хонандагон варақаҳои таблиғотӣ оид ба риояи қоидаҳои ҳаракат дар роҳ тақсим карда шуд.
Гул Маҳбуба


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonuni

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика