Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Таҷлили Иди Наврӯз дар РВКД ВМКБ

275

Иди Наврӯз яке аз ҷашнҳои бостонии мардуми тоҷик ба ҳисоб рафта, чун анъана одамони касбу кор ва синну солашон гуногунро муттаҳид намудааст. Одамон кинаву адоват, кибру ғурури худро дар канор гузошта, дасти оштию дӯстиро ба ҳам дароз мекунанд, ки ин яке аз арзишҳои муҳими Иди муқаддасу дӯстдошаи мардуми мо тоҷикон мебошад.

Яке аз дигар хусусиятҳои Наврӯз ин расму суннат, фарҳанги бою пурғановати он ба шумор меравад.
Дар толори РВКД дар ВМКБ бо иштироки сардори РВКД дар ВМКБ полковники милитсия Бухоризода Мансур Ғоиб бахшида ба Иди байналмилалии Наврӯз бо собиқадорони ВМКБ вохӯрии судманд баргузор гардид.
Сардори РВКД дар ВМКБ полковники милитсия Бухоризода Мансур Ғоиб собиқадорони мақомоти корҳои дохилӣ, тамоми кормандони ҳифзи ҳуқуқ ва мардуми ҷумҳуриямонро ба муносибати Иди байналмилалии Наврӯз аз самими қалб табрику таҳният намуда, қайд кард, ки чанд даҳсола пеш Наврӯз қариб ба гӯшаи фаромӯшӣ гузошта шуд, одамон пинҳонӣ онро дар хонаҳои худ таҷлил мекарданду маҳз дар замони истиқлолият ба Наврӯз умри дубора бахшида шуд.
Наврӯз, яке аз падидаҳои равшантарини фарҳанги қадимаи халқҳои ориёинажод мебошад, гуфта шуд дар суханрониҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо иқдоми Сарвари давлат Иди Наврӯз ба Иди байналмилалӣ табдил дода шуд.

276

Сардори РВКД дар ВМКБ полковники милитсия Бухоризода Мансур Ғоиб аз номи Вазири корҳои дохилии Ҷумҳурии Тоҷикистон генерал-полковники милитсия Раҳимзода Рамазон Ҳамро ба муносибати Иди байналмилалии Наврӯз ҳайати шахсии Раёсат, ШВКД-ҳои шаҳру ноҳияҳо ва собиқадорони мақомоти корҳои дохилии вилоятро аз самими қалб табрику муборакбод намуд.
Дар вохӯрӣ бахшида ба Иди байналмилалии Наврӯз собиқадорони мақомоти корҳои дохилии вилоят баромад намудаанд.
Собиқадори мақомоти корҳои дохилӣ Шукрулло Амадбеков роҷеъ ба Наврӯз арз дошт, ки Иди байналмилалии Наврӯз ҳамчун ҷашни суннатию бостонӣ ва миллии мардуми тоҷикон буда, аз замонҳои хеле қадим доман паҳн намуда, озодандешию созандагӣ, дӯстию меҳрубонӣ ва таҳаммулпазириро бо ҳам овардааст.
Дар фарҷоми вохӯрӣ бахшида ба Иди байналмилалии «Наврӯз»-и Аҷам собиқадори мақомоти корҳои дохилӣ Фаромуз Фаромузов барои ҳамкории ҳамешагӣ бо РВКД дар ВМКБ, минбаъд ҳам барои расонидани ёрии амалии худ ба кормандони ҷавони милитсия, ҳамзамон барои пешгирӣ ва муборизаи беамон бо ҷинояткорӣ, баҳри ҳифзи сулҳу суботи кишвар ва волоияти қонун ибрози ақида намуд.

277

Ба собиқадорони мақомоти корҳои дохилии вилоят дар рӯзи Иди байналмилалии Наврӯз дар РВКД ВМКБ дастархони идона ороста шуд.
Далер Чоршанбиев, капитани милитсия.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuni

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика