Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Боздиди хонандагони муассисаҳои таълимӣ аз Академияи ВКД

Рӯз 6-уми декабри соли 2017, тибқи нақша-чорабиниҳои тасдиқнамудаи ВКД дар якҷоягӣ бо Вазорати маориф ва илм, ҷиҳати пешгирии ҳуқуқвайронкунии маъмурӣ аз ҷониби хонандагони муассисаҳои таълимӣ ва муноқишаҳои байнимактабӣ, шомил нагардидан ба ҳизбу ҳаракатҳои иртиҷоӣ, тарбияи онҳо дар руҳияи ватандӯстӣ ва ифтихори миллӣ хонандагони муассисаҳои таҳсилоти миёнаи умумии рақамҳои 1, 4, 6 ва 7-и пойтахт барои боздид ва шиносоӣ аз рафти донишомӯзӣ ва шароитҳои азхуднамоии барномаҳои таълимӣ ба муносибати «Соли ҷавонон» ба Академияи ВКД даъват гардиданд.
Хонандагони муассисаҳои номбурдаро омӯзгорони Академияи ВКД бо руҳияи болида пешвоз гирифта, бо роҳбаладии хеш онҳоро бо китобхони Асосгузори сулҳу вахдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, синфхонаи махсуси криминалистика, бехатарӣ аз сӯхтор ва ронандагӣ аз наздик ошно намуданд. Илова бар ин баҳри пешгирии ҷинояту ҷинояткорӣ ва дигар ҳуқуқвайронкуниҳо дар байни ҷавонону ноболиғон, ба хонандагони мусасисаиҳои зикргардида видеороликҳои хусусияти тарбиявидошта нишон дода шуд.

Мавриди зикр аст, ки бинои нави Академияи ВКД соли равон аз ҷониби Асосгузори сулҳу вахдати миллӣ, Пешвои миллат, Президенти Ҷумҳурии Тоҷикистон дар арафаи истиқлолияти давлатӣ бо тамоми шароитҳои замонавӣ муҷаҳҳаз мавриди баҳрабардорӣ қарор гирифт.
Зимни суҳбат бо хонандагони муассисаҳои таълимӣ дар маҷлисгоҳи Академия, муовини сардори Хадамоти пешгирии ҳуқуқвайронкунӣ байни ноболиғон ва ҷавонони ВКД полковники милитсия Ҷумъахонзода Зебо изҳор дошт, ки мақсад аз ҷалби хонандагон барои боздид аз бинои мазкур пеш аз ҳама пешгирии ҷинояткорӣ дар байни ноболиғон ва ҷавонон ва ҷалб намудани таваҷҷуҳи онҳо ба фанҳои ҳуқуқшиносӣ мебошад.

Хонандагон баъди боздид аз шароитҳои Академияи ВКД ва суҳбати ошкоро бо кормандони милитсия ба роҳбарияти ВКД изҳори сипос ва миннатдорӣ баён намуданд.
Абдулло Шоев, Дилшод Холов.




Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика