Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон


Оташнишонон вазифаҳои масъулиятнокро бар дӯш доранд

 

30 июл - аз таъсисёбии Хадамоти давлатии оташнишонии ВКД Ҷумҳурии Тоҷикистон 89-сол пур мешавад. Хадамоти мазкур соли 1928 таъсис ёфта, даҳсолаи ҳаштум мебошад, ки ин иншооти давлатӣ кафолати бехатарии мардум аст. 

Хадамоти оташнишонӣ бо қарори Ҳукумати Ҷумҳурии Тоҷикистон 30 июли соли 1928 ташкил гардида, якумин дастаи оташнишонон дар шаҳри Душанбе 1 апрели соли 1929 таъсис ёфт.
Дастаи мазкур бо ташаббуси Фёдор Иванович Зайтсев созмон ёфта, аз 10 нафар сӯхторнишон иборат буд. Барои хомӯш намудани сӯхтор оташнишонон ба воситаи аробаю асп ба ҷои ҳодиса баромада, хатарро бартараф менамуданд.
Дастаи оташнишонон бо як адад насоси дастӣ, ду адад зарфи об ва 180 метр рӯдаҳои сӯхторхомӯшкунӣ таҷҳизонида шуда буд. Санаи 6 июни соли 1930 аввалин автомашинаи дастаи оташнишонӣ ба ҷумҳурӣ ворид шуда, ҳайати кормандон ба 12 нафар расид. Аз солҳои 30-юм сар карда дастаҳои оташнишонӣ дар шаҳрҳои Хуҷанд (Ленинобод), Конибодом, Панҷ, Исфара ва Истаравшан (Уротеппа) таъсис ёфтанд.
Соли 1936 дар пойтахт тими дигари оташнишонон созмон дода шуда, худи ҳамон сол тимҳои дигари оташнишонӣ дар дигар вилоятҳои ҷумҳурӣ низ таъсис ёфтанд. Пеш аз саршавии Ҷанги Бузурги Ватанӣ шумораи тимҳои оташнишонии ҷумҳурӣ то 20 адад расида буд. Кормандони тимҳои мазкур дар сафи дигарон ба ҷабҳаи ҷанг рафта, дар мубориза бар зидди фашизми истилогар саҳми босазо гузоштаанд.
Бар замми миқдори зиёди ордену медалҳо ду нафар оташнишон: Ҳоваҷи Магомед Мирзоев ва Михаил Иванович Новосёлтсев ба унвони баланди Қаҳрамони Иттифоқи Советӣ мушарраф гардонида шуданд. Замоне, ки мардҳо бар зидди фашистон меҷангиданд, занҳо дар хадамоти оташнишонӣ сафи онҳоро пур намуда, ҳодисаҳои сӯхторро хомӯш менамуданд.
Ба ғайр аз ин онҳо дар сохтмонҳои канали Ҳисору нерӯгоҳи барқӣ-обии Варзоб ва даҳҳо сохтмонҳои аҳамияти стратегӣ доштаи ҷумҳурӣ саҳми бо сазои худро гузоштаанд. Онҳо бо байрақи Сурхи Сайёри Комитети Иҷроия ва Кумитаи Ҳизби шаҳри Душанбе чандин маротиба қадр карда шудаанд.
Давраи баъдиҷангӣ, давраи пурҷушу хурӯши аз нав барқароркунии хоҷагии халқи ҷумҳурӣ ба шумор мерафт. Бо ин мақсад боз ҳам такмил додани фаъолияти Идораи оташнишонии ҷумҳурӣ пеш омад. Бо қарори ҳукумати ИҶШС аз якуми январи соли 1955 идораи отанишонии касбии шаҳри Душанбе ба қисми ҳарбикунонидаи оташнишонӣ табдил дода шуд.
Саромадони оташнишонии Тоҷикистон Ф.И. Зайтсев, А.И. Ковалский, Ф.С. Курганов, П.И. Репин, А.Н. Карпунин, В.Ф. Алитин, И.Д. Додоматов, Додоҷонов И.Х., Ҷангиев Н., Каримов М. Шарипов М. ва чанде дигарон буданд.
Зиндагии имрӯза барҳақ тасдиқ мекунад, ки кормандони қунунии мақомоти хадамоти оташнишонӣ корномаи бемисли падарон, бародарон ва рафиқони хешро идома дода, ҳоло ҳам намунаи олии мардонагӣ, шуҷоат, маҳорати баланди касбӣ нишон дода, дар роҳи иҷрои вазифаҳои ба зиммаашон гузошта ғайрату матонат зоҳир месозанд.
Дар мубориза барои барқарор кардани сохти конститутсионӣ дар Тоҷикистон 17 нафар кормандони СХДО ВКД ҷони худро нисор кардаанд. Дар тараққӣ ва рушди СХДО баъди барқарор кардани сохти конститутсионӣ хатмкардагони мактабҳои олии собиқ ИҶШС, аз ҷумла як қатор роҳбарони он Иброҳимзода Н., Каримов М., Зоиров Б.Б., Бобоёров А.А., Комилов Ф.Қ., Шарифов М., Салоҳиддинзода Қ.С., Ҳусейнзода М.Қ., Назарзода Х.Б., Суфизода Р.А., Исмоилов Р.К., Назарзода И.Ҳ., Рузиев М.Н., Баротзода Ҷ.Б., Аюбов Н.М., Исломов Т.З., Сафаров Н., Анварзода Ш., Умарзода Б., Шамиров Ш., Шолангаров А. ва чанде дигарон саҳми босазо гузоштанд.
Кормандони хадамоти давлатии оташнишонӣ дар ҳама ҳолат ҷони азизи худро зери хатар гузошта, хизмати вазнини ҷисмониро адо менамоянд. Ин ҳама баҳри садоқат ба Ватан-Модар, ба хотири рафиқони ҳалокгардида, барои сулҳ ва ризоият дар сарзамини тоҷикон мебошад.
Имрӯз комилан мусаллам аст, ки бемуттаҳидӣ ва ҳамдигарфаҳмӣ инсоният пеш рафта наметавонад. Тимсоли ин гуна дӯстӣ ва садоқатро мо дар мисоли падарон ва бобоёни шуҷоатманди худ мебинем, ки ба шарофати корнамоиҳо ба хотири Ватан дар ёди наслҳои оянда абадан боқӣ мондаанд. Аз ин рӯ, таъсисёбии Хадамоти давлатии оташнишонӣ барои тамоми кормандони хадамот санаи муҳим буда, он аз ҳар як корманди ХДО масъулияти боз ҳам бештарро тақозо менамояд.
Имрӯзҳо Хадамоти давлатии оташнишонии Вазорати корҳои дохилии Ҷумҳурии Тоҷикистон ба ҷашни 89-умин солгарди худ омодагӣ мегирад. Вобаста ба ин мехоҳем аз давраҳои инкишофёбии хадамот дар тӯли солҳои истиқлолият ёдовар шавем.
Хадамоти давлатии оташнишонии Вазорати корҳои дохилӣ ҳамаи бурду бохт ва душвориҳои давраи истиқлолиятро якҷоя бо мардуми азизи кишвар аз сар гузаронида, дар пешрафту тараққиёти соҳаҳои мухталифи иқтисодиёти Тоҷикистон ҳиссаи арзандаи худро гузошт.
Аз ҷумла, дар ин давра воситаҳои алоқаи кӯҳна ба воситаҳои нави замонавӣ, яъне радиостансияҳои «Кенвуд» ва «Моторола» иваз карда шуда, барои дар сатҳи хуб гузаронидани амалиётҳои хомӯш намудани сӯхтор ва дигар чорабиниҳои зарурӣ, дар ноҳияи Варзоб рентранслятор барои қабули мавҷ, васл карда шуд.
Инчунин дар ҷузъу томҳои СХДО корҳои таҷҳизонидани стансияҳои хурд (дохилӣ) бо гузоштани операторҳои телефонии рақамӣ, иваз намудани мошинҳои барқии хатнависӣ ва компютерҳо, васл намудани таҷҳизотҳои сабти овоз ва бақайдгирии онҳо дар Сарраёсат, пайвастшавӣ ба шабакаи интернет ва баромадан ба почтаи электронӣ ташкил ва гузаронида шуд.
Ба туфайли истиқлолият 70 адад автомашинаҳои оташнишонӣ ва 50 адад нақлиёти фаврӣ-хизматии сабукрав харидорӣ карда шудааст.
Бо ташаббуси роҳбарияти СХДО ВКД соли 2009 дар факултаи таҳсили рӯзонаи Академияи ВКД Ҷумҳурии Тоҷикистон аввалинбор гурӯҳи «Бехатарӣ аз сӯхтор» ташкил карда шуд, ки ба он 25 нафар номзадҳо дохил шуданд. Ҳоло ин курсантҳо алакай Академияро хатм намуда, дар вазифаҳои гунагуни Хадамоти оташнишонӣ кору фаъолият доранд.
Кушодашавии 2-қисми оташнишонӣ, яке дар НБО-и «Сангтуда» ва дигаре дар НБО-и «Роғун» низ дастовардҳои давраи истиқлолият ба шумор мераванд, ки ин қисмҳо амнияти бехатарӣ аз сӯхтори иншоотҳои номбурдаро пурра таъмин менамоянд.
Қайд кардан зарур аст, ки дар баробари дигар дастовардҳо бо дастгирии бевоситаи Вазири корҳои дохилӣ генерал-лейтенанти милитсия Раҳимзод Рамазон Ҳамро ва Ҳукумати Ҷумҳурии Тоҷикистон, инчунин ташаббуси роҳбарияти имрӯзаи СХДО, ба хусус сардори он генерал-майори хизмати дохилӣ Иброҳимзода Нозимҷон, бори аввал пас аз пош хурдани Иттиҳоди шӯравӣ, дар ҷумҳурӣ 27 адад қисму дидбонгоҳҳои алоҳидаи оташнишонӣ таъсис дода шуданд.
Аз ҷумла, ду адад қисмҳои мустақили ҳарбикунонидашудаи ХДО дар ноҳияҳои Бохтару Қубодиён ва 6 адад Дидбонгоҳҳои алоҳидаи ХДО дар ноҳияҳои Темурмалик, Шӯрообод, Ховалинг, Балҷувон, Н.Хисрав ва Хуросони вилояти Хатлон таъсис дода шуд, ки боз 266 нафар шаҳрвандон соҳиби ҷойи кори доимӣ шуданд. Инчунин Дидбонгоҳҳои алоҳидаи ҲХДО дар ноҳияҳои Варзоб, Файзобод, Айнӣ, Ашт, Қасри Арбоб, 2 қисмҳои оташнишонӣ бошанд, дар ноҳияи Сино-2 ва маҳаллаи Ховарони ноҳияи Шоҳмансур ва дидбонгоҳи алоҳидаи ХДО дар ноҳияи Фирдавсии шаҳри Душанбе, инчунин дар ҶДММ «Бозори Корвон», ноҳияи Шаҳринав ва ғайраҳо таъсисёфтаву мавриди фаъолият қарор доранд.
Дар қисми зиёди бозорҳои Иттифоқи Тоҷикматлубот бошад, воҳидҳои кории нозирони НДБС ХДО ворид карда шуданд, ки ин нозирон ҳоло дар ҷойҳо амнияти бехатарӣ аз сӯхтори бозорҳоро таъмин намуда истодаанд.
Ба замми ин дар бинои Сарраёсати Хадамоти давлатии оташнишонии ВКД таъмири асосӣ гузаронида шуда, тамоми утоқҳои кории он бо асбобу таҷҳизотҳои замонавии корбарӣ муҷаҳҳаз гардонида шуда, барои кормандон тамоми шароитҳои хуби корӣ мухаё карда шудааст.
Фарзандони баобрӯ ва бо номуси халқи тоҷик ифтихор аз истиқлолият намуда, барои гул-гулшукуфии кишвар ҷаҳду талош меварзанд. Маҳз самараи меҳнати софдилона ва рӯҳияи баланди кормандони Хадамоти давлатии оташнишонии ВКД мебошад, ки дар давраи истиқлолият бо мурури замон базаи техникии он мустаҳкам гардида, маҳорати касбии кормандон пайваста сайқал меёбад.
Хадамоти давлатии оташнишонии имрӯзаи ВКД Ҷумҳурии Тоҷикистон дар ҳолати омодабош қарор дошта, барои таъмини ҳифзи одамон, молу мулки онҳо, моликияти ҷамъиятӣ ва давлатӣ аз сӯхтор доим омодааст.
Мо - созандагони ҷомеаи нав дар марҳалаи бунёдкорӣ ва обод сохтани сарзамини қадимаи худ бояд аз падарону бародарони сарбаланди хеш ва собиқадорони ҷангу меҳнат доимо ибрат гирем ва ҷашни 26-солагии Истиқлолияти давлатии кишварамонро бо дастоварду комёбиҳои баланди касбӣ истиқбол гирем.
Иди касбӣ ба тамоми кормандону собиқадорони Хадамоти давлатии оташнишонии Вазорати корҳои дохилӣ муборак бошад!
Кароматулло Абдуллоев, Толиб Ҳаётов, СХДО ВКД ҶТ




Рӯйдодҳо

  • Духтарчаи ноболиғ бо ҷурми дуздӣ дастгир гардид

    Ба ШВКД дар шаҳри Конибодом марди 57-солаи сокини ҷамоати деҳоти ....

    17.07.2018 10:06
  • Подоши мардумфиребӣ маҳкама аст

    Ба ШВКД дар шаҳри Хуҷанд марди 31-солаи сокини ноҳияи Б.Ғафуров, ....

    17.07.2018 10:04
  • Садамаи марговар дар ноҳияи Файзобод

    16-уми июли соли 2018, тахминан соати 07:00-дақиқа, ронандаи автомашинаи тамғаи ....

    17.07.2018 09:59
  • Боздошти ронандаи фирорӣ

    16-уми июли соли 2018, тахминан соати 03:30-дақиқа, ронандаи автомашинаи тамға ....

    17.07.2018 09:56
  • Рейди шабона дар интернет-кафеҳо

      Бо мақсади ошкор намудани ҳуқуқвайронкунӣ ва оворагардию шабгардии ноболиғону наврасон ....

    16.07.2018 16:49
  • Баргузории мусобиқаҳои варзишӣ дар дараи Марғоб

    Бо ташаббуси роҳбарияти Вазорати корҳои дохилӣ санаи 15-уми июл як ....

    16.07.2018 16:31
  • Сафари ҷавонони фаъол ба ВМКБ

    Дӯстии ҷавонони Тоҷикистон поянда бод! Бо ташаббуси Вазорати корҳои дохилӣ ва ....

    16.07.2018 16:25
  • Саёҳати кормандон дар Осорхонаи ВКД

    Ҳафтаи сипаригардида роҳбарият ва ҳайати шахсии Раёсати кадрҳо ва кор ....

    16.07.2018 16:20
  • Дар заминҳои хоҷагии ёрирасони «Сомғор» ба ҷамъоварии картошка оғоз намуданд

    Заминҳои хоҷагии ёрирасони ВКД воқеъ дар минтақаи Сомғори ноҳияи Бобоҷон ....

    16.07.2018 16:15
  • Қасдан расонидани зарари вазнин аз ҷониби бародар

    14-уми июли соли 2018, тахминан соати 12:30-дақиқа, марди 35-солаи сокини ....

    16.07.2018 09:51
  • 

    Гӯшаи эълон ва озмунҳо

  • Озмунҳои «Забономӯзӣ», «Мақолаҳои беҳтарин» ва «Мутолиаи китобҳои бадеӣ»

    Вазорати корҳои дохилӣ озмунҳои «Забономӯзӣ», «Мақолаҳои беҳтарин» ва «Мутолиаи китобҳои ....

    10.07.2018 09:48
  • Эълон!

    Вазорати корҳои дохилии Ҷумҳурии Тоҷикистон тасмим гирифтааст, ки курсҳои кӯтоҳмуддати ....

    19.06.2018 16:11
  • Э Ъ Л О Н !!!

    Бо мақсади баланд бардоштани рушди зеҳнии наврасону ҷавонон, пешгирӣ аз ....

    18.06.2018 11:23
  • Эълон!!!

    Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон ҳамаи ....

    11.06.2018 17:06
  • Қабули шаҳрвандон аз ҷониби роҳбарияти Раёсати мубориза бар зидди ҷиноятҳои ....

    Вазорати корҳои дохилии Ҷумҳурии Тоҷикистон ба самъи сокинони шаҳру ноҳияҳои ....

    05.06.2018 09:41
  • Рӯзи байналмилалии ҳифзи кудакон

    Рӯзи 1 июни соли 2018, соати 16:00, бахшида ба Рӯзи ....

    31.05.2018 21:25
  • Нигористон

    Табиат

    Ҷаҳони имрӯз

    Раисиҷумҳури Қазоқистон Нурсултон Назарбоев дар мулоқот бо рӯҳониён аз он ҷавонони қазоқ, ки риш мондаву шими почааш кӯтоҳ мепӯшанд, ва ҳам аз духтароне, ки ҳиҷоби сиёҳ ба тан мекунанд, ба шиддат интиқод кард ва гуфт, дар Қазоқистон ба ин бегонапарастӣ роҳ нахоҳад дод.Раисиҷумҳури Қазоқистон Нурсултон Назарбоев рӯзи 19 апрел дар мулоқот бо раҳбарони муфтиёт ва имом-хатибон ба масоили, ба ибораи ӯ, "бесаводии динии насли ҷавон” дахл кард ва гуфт, "бисёре ....>>>

    

    Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

    © 2018 Сомонаи расмии Вазорати корҳои дохилии Ҷумҳурии Тоҷикистон.
    Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
    Яндекс.Метрика