Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Конференсияи илмӣ-назариявӣ дар партави Паёми имсолаи Пешвои миллат

10-уми январи соли 2017, дар ноҳияи Қубодиёни вилояти Хатлон бо иштироки ҷавонону донишҷӯёни тамоми минтақаҳои ҷумҳурӣ конференсияи илмӣ-назариявӣ дар мавзӯи «Истиқболи ҷавонон аз Паёми Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ва эълон гардидани соли 2017 - соли ҷавонон дар Ҷумҳурии Тоҷикистон» баргузор карда шуд.
Дар кори конференсия намояндагони мақомоти корҳои дохилӣ, ҳокимияти иҷроияи маҳаллии ноҳияи Қубодиён, ҷавонони фаъоли гуруҳи Пешоҳанг ва дигар ҷавонону донишҷӯёни фаъол баромад намуданд.
Муовини сардори Раёсати ҳамкориҳои байналмилалии ВКД Ҷумҳурии Тоҷикистон Мансур Бухоризода суханронӣ намуда, нуктаҳои муҳими Паёми имсолаи Пешвои миллатро дар самти сиёсати ҷавонон қайд карда гузашт.
Аз ҷумла, қайд гардид, ки сиёсати давлатии ҷавонон дар меҳвари фаъолияти Ҳукумати Тоҷикистон қарор дошта, ҷавонон давомдиҳандаи кору фаъолияти насли калонсол, нерӯи созанда ва иқтидори воқеии пешрафти ҷомеа, ояндаи миллат ва давлат мебошанд.
Имрӯзҳо ҷавонони кишвар дар тамоми соҳаҳои ҳаёти сиёсиву иқтисодӣ ва иҷтимоии мамлакат кору фаъолият доранд ва дар рушду пешрафти он саҳми босазои худро мегузоранд. Ташаббусу пешниҳодҳои созандаи ҷавонон аз ҷониби Ҳукумати ҷумҳурӣ ҳамеша дастгирӣ ёфта, баҳри амалӣ гардидани онҳо тамоми шароит ва имкониятҳои зарурӣ фароҳам оварда мешавад.
Наврасону ҷавонон ҷавобан ба ин ғамхориҳои давлату ҳукумат бояд тамоми саъю талоши хешро ба донишандӯзӣ, интихоби касбу аз худ кардани ҳунарҳои муосир, ҳифзу ҳимояи Ватан, рушди илму техника ва ободии диёри хеш равона созанд.
Маҳз бо дарназардошти саҳми ҷавонон дар рушди ҷомеа аз ҷониби Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои эълон гардидани соли 2017 дар Ҷумҳурии Тоҷикистон - Соли ҷавонон пешниҳод карда шуд.

 

Ҷавонон бо якдилию муттаҳидӣ, ҳисси баланди миллӣ, ифтихор аз соҳибистиқлолии давлати хеш ва фарҳанги бойи миллат соҳиби обрӯи хос мегарданд. Андухтани илму дониш, маърифату ҷаҳонбинии васеъ ва рафтору одоби намунавӣ онҳоро ба қуллаҳои орзуву умедҳо расонида, аз кирдорҳои номатлуб эмин нигоҳ медорад. Бинобар ин, ҳар як ҷавони бонангу номуси кишварро зарур аст, ки дар якҷоягӣ пеши роҳи амалу кирдор ва ақидаҳои зараровари ҷомеаро гиранд.
Дар идомаи конференсия, аъзои гурӯҳи фаъоли Пешоҳанг Мардихудо Давлатов зимни баромади хеш оиди дастовардҳои ҷавонон дар замони Истиқлолият, нақш ва иштироки фаъолонаи онҳо дар ҷомеа ибрози назар намуд.
Дар охир миёни иштирокчиёни конференсия мубодилаи афкор сурат гирифт.
Х. Солиҳов


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Паёми имсолаи Президент дар бораи самтҳои асосии сиёсати дохилӣ ва хориҷии мамлакат баъди ҷашни чорякасраи истиқлолияти давлатии Тоҷикистон, яъне дар даврае пешниҳод мегардад, ки кишвари азизи мо ба марҳалаи нави рушд ворид гардида, мардуми шарифи Тоҷикистон ба сӯи ояндаи ободу осуда бо қадамҳои устувор пеш меравад.Дар зарфи бисту панҷ сол мо ба шарофати заҳмати софдилонаи халқамон дар роҳи таъмин намудани рушди сиёсиву иқтисодӣ ва иҷтимоиву фарҳангии кишвар ба натиҷаҳои назаррас ноил гардидем.Мо ҳамаи ин корҳоро ба хотири таҳкими пояҳои истиқлолияти давлатиамон анҷом додем.Зеро озодиву истиқлолият бароямон дастоварди бузургтарин ва ғояи муқаддаси миллӣ буда, мо бо вуҷуди мушкилоти ҷойдошта барои ҳимоя ва пойдору устувор мондани он минбаъд низ тамоми саъю талоши худро равона ....>>>

Барномаи ислоҳоти милитсия


Барномаи ислоҳоти (рушди) милитсия барои солҳои 2014-2020 (минбаъд - Барнома) ҳуҷҷати асосии барномавии миёнамўҳлат буда, мақсадҳои стратегӣ, вазифа ва самтҳои асосии ислоҳоти (рушди) милитсияро муайян менамояд. Барнома дар асоси моддаи 7 Қонуни Ҷумҳурии Тоҷикистон   Муфассал >>>

Низомномаи Шӯрои ҷамъиятӣ

Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон (минбаъд – Шӯрои ҷамъиятӣ) мақомоти ҷамъиятии машваратӣ - мушоҳидавӣ буда, бо мақсади ташкил ва таъмин
  Муфассал >>>

Стратегия


Стратегияи ислоҳоти милитсия барои солҳои 2013 - 2020 (минбаъд - Стратегия) ба меъёрҳои Конститутсияи (Сарқонуни) Ҷумҳурии Тоҷикистон асос ёфта, ҳадафҳо, афзалият ва тадбирҳоро оид ба ислоҳот ва рушди милитсия муайян намуда, амалҳоеро, ки Ҳукумати Муфассал >>>

Кодекси одоби касбии корманди милитсия


Кодекси одоби касбии корманди милитсия ин маҷмӯи қоидаҳои рафтори корманди милитсия мебошад, ки бо мақсади муқаррар намудани қоидаҳои рафтори хизматӣ ва ғайрихизматии корманди милитсия (минбаъд корманд), мусоидат намудан, ҷиҳати баланд  Муфассал >>>

Кодекси одоби касбии корманди милитсия ин маҷмӯи қоидаҳои рафтори корманди милитсия мебошад, ки бо мақсади муқаррар намудани қоидаҳои рафтори хизматӣ ва ғайрихизматии корманди милитсия (минбаъд корманд), мусоидат намудан, ҷиҳати баланд бардоштани обрӯ ва эътибори корманд, боварии шаҳрвандон ба мақомоти корҳои дохилии Ҷумҳурии Тоҷикистон ва таъмини меъёрҳои ягонаи рафтори корманд қабул карда шудааст

Қонуни Ҷумҳурии Тоҷикистон «Дар бораи политсия»

Лоиҳаи Қонуни Ҷумҳурии Тоҷикистон «Дар бораи политсия» аз ҷониби Гурӯҳи кории дохилиидоравӣ бо ҷалби коршиносони дохиливу хориҷӣ, ҷомеаи шаҳрвандӣ, ҳизбҳои сиёсӣ, олимони соҳаи ҳуқуқ ва кормандони амалии  Муфассал >>>

Кофтуков


© 2017 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад